ប្រហែលមានតែ ខ្ញុំដឹង ដែលភ្ញាក់ផ្អើល នឹង Quick Response Code (QR code) របស់ហ្វែសប៊ុក ??? ខ្ញុំមិនប្រាកដថា ហ្វែសប៊ុក បច្ចុប្បន្នភាព Timeline និងប្រកាសអោយប្រើ កូដនេះ តាំងពីពេលណាមកទេ គ្រាន់តែ ខ្ញុំចាប់អារម្មណ៍ថា ឡូយ ក៏ចង់ប្រកាសផ្សាយមួយ ម៉្យាងមិនទាន់ចង់សរសេរច្រើនផង។ 🙂
រដ្ឋមន្រ្តីក្រសួងព័ត៌មាន បបួល អ្នកកាសែត VOD ស្បថ ជាថ្នូរនឹងពាក្យសុំទោស
22 ខែឧសភា 2014
ភ្នំពេញ ៖ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ នៅព្រឹកថ្ងៃព្រហស្បតិ៍ ទី២២ ឧសភា ឆ្នាំ២០១៤ នេះ បានអះអាងប្រាប់ VOD ថា លោកនឹងសូមទោសជាសាធារណៈ ចំពោះសម្តីជ្រុលហួសរបស់លោកដែលបានប្រាប់ កាសែតភ្នំពេញប៉ុស្តិ៍ ប្រសិនបើ អ្នកយកព័ត៌មាន VOD លោក ឡាយ សាមាន ដែលរងរបួសដោយសារកម្លាំងសន្តិសុខ ហ៊ានស្បថថា មិនបានប្រមាថលើសន្តិសុខ។
ការថ្លែងបែបនេះ គឺដើម្បី ការពារខ្លួន បន្ទាប់ពីលោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានជ្រុលម៉ាត់ប្រាប់ កាសែតភ្នំពេញប៉ុស្តិ៍ កាលពីថ្ងៃទី២១ ឧសភា ថា លោកបានស៊ើបអង្កេតអំពីមូលហេតុនៃការប៉ះទង្គិចដែលពាក់ព័ន្ធនឹងអ្នកកាសែតវិអូឌីម្នាក់ ដែលត្រូវសន្តិសុខខណ្ឌវាយប្រហារ ពេលកំពុងថតរូបក្បែរទីលានប្រជាធិបតេយ្យ ហើយបានឮពីសាក្សី និងអ្នកសារព័ត៌មាននៅកន្លែងកើតហេតុនោះថា អ្នកយកព័ត៌មានរូបនេះ បានជេរប្រមាថសន្តិសុខខណ្ឌ។ រដ្ឋមន្រ្តីក្រសួងព័ត៌មាន បានបញ្ជាក់ថា៖ «អ្នកថតរូបនោះបាននិយាយថា៖ ហេតុអ្វីអ្នកមិនអនុញ្ញាតឲ្យប្រជាជនចូលកន្លែងនេះ។ នេះជាដីខ្មែរ មិនមែនដីយួនទេ។ អ្នកគ្រាន់តែជាឆ្កែយួន»។
លោក ឡាយ សាមៀន អ្នកយកព័ត៌មាន របស់ វិទ្យុសំឡេងប្រជាធិបតេយ្យ ដែលបានទទួលរងការវាយយ៉ាងដំណំពីសំណាក់សន្តិសុខ ខណ្ឌដូនពេញ កាលពីថ្ងៃ ទី២ ខែឧសភា ខណៈពេលដែលលោកកំពុងយកព័ត៌មាន អំពីបាតុកម្ម បានបដិសេធន៍ ការចោទប្រកាន់នេះ ដោយស្នើឲ្យលោក ខៀវ កាញារីទ្ធ បង្ហាញភ័ស្តុតាងចំពោះការចោទប្រកាន់នេះ។ លោកបានបញ្ជាក់ថា៖ «ខ្ញុំព្យាយាមថតរូបសន្តិសុខ ដែលកំពុងដេញព្រះអង្គ លួន សាវ៉ាត ដើម្បីវាយព្រះអង្គ។ ខ្ញុំបានដួល ហើយសន្តិសុខ បានព្រួតគ្នាវាយខ្ញុំ។ ពួកគេរត់មកវាយខ្ញុំ»។
លោក ខៀវ កាញារីទ្ធ បានឆ្លើយតបភ្លាមៗមកកាន់ VOD តាមរយៈអ៊ីម៉េល ដោយទាមទារឲ្យលោក ឡាយ សាមន ស្បថលើករណីនេះ។ លោកសរសេរថា «អោយតែគាត់ [ឡាយ សាមាន] ទៅអុជធូបស្បថនៅព្រះភក្ត្រព្រះអង្គដងទង់ថា គាត់មិនបានប្រើសំដីនោះមែន ខ្ញុំនឹងសូមទោសជាសាធារណៈភ្លាម ។ ម្យ៉ាងទៀត ខ្ញុំមិនបានឃើញរបាយការណ៍អាជ្ញាធរទេ តែជាការអោយដឹងរបស់អ្នក កាសែតឯទៀតដែលនៅទីនោះ»។
លោក ឡាយ សាមាន អ្នកយកព័ត៌មាន របស់ វិទ្យុសំឡេងប្រជាធិបតេយ្យ VOD បានអះអាងថា លោកហ៊ានទៅស្បថតាមការស្នើសុំរបស់លោក ខៀវ កាញារីទ្ធ។ លោក ឡាយ សាមៀន បានរងរបួសធ្ងន់ ហើយទទួលការវះកាត់នៅប្រទេសថៃ ដោយសារផុងថ្ពាល់ក្រោមភ្នែកខាងស្តាំ។
ប្រសិនបើ លោក ឡាយ សាមាន អ្នកយកព័ត៌មាន VOD ទៅស្បថ ដោយអុជធូបស្បថនៅព្រះភក្ត្រព្រះអង្គដងទង់ តើរដ្ឋមន្រ្តីក្រសួងព័ត៌មាន ហ៊ានសុំទោសជា សាធារណៈដែរ ឬទេ ? ប្រសិនបើ មានការសុំទោសជាសាធារណៈមែន តើខ្លឹមសារនៃលិខិតសុំទោសរបស់រដ្ឋមន្រ្តីបក្សប្រជាជនកម្ពុជា រូបនេះ មានភាពស្មោះត្រង់កម្រិតណា ? តាមដានប្រកាសបន្ទាប់…
ព័ត៌មានក្នុងកាសែត ៖
លោក ខៀវ កាញារីទ្ធ ចេញមុខការពារកងសន្តិសុខខណ្ឌដូនពេញ
ដោយ៖ កាន់ វិច្ឆិកា | ថ្ងៃព្រហស្បតិ៍ ទី22 ឧសភា 2014 |
Source : http://vodhotnews.com/21616
រដ្ឋមន្ត្រីក្រសួងព័ត៌មាននិងជាអ្នកនាំពាក្យរដ្ឋាភិបាល ទទួលស្គាល់ថាកងកម្លាំងសន្តិសុខខណ្ឌដូនពេញ បានវាយទៅលើអ្នកយកព័ត៌មានVOD កាលពីដើមខែឧសភា ក្រោយហេតុផលថា អ្នកសារព័ត៌មានបានជេរប្រមាថលើកងសន្តិសុខ។
កាសែតភ្នំពេញប៉ុស្តិ៍ចេញផ្សាយនៅថ្ងៃព្រហស្បតិ៍នេះ ដោយដកស្រង់សម្តីរបស់រដ្ឋមន្ត្រីក្រសួងព័ត៌មាន លោកខៀវ កាញារីទ្ធ ថាការវាយប្រហាររបស់កងសន្តិសុខលើអ្នកសារព័ត៌មាន VOD លោកឡាយ សាមាន គឺដោយសារតែអ្នកសារព័ត៌មានរូបនោះ ហៅសន្តិសុខថាជា «ឆ្កែយួន» ក្នុងចំណោមពាក្យប្រមាថដទៃទៀត។ លោកបន្តថា លោកបានស៊ើបអង្កេតអំពីមូលហេតុនៃការប៉ះទង្គិច ដោយរកឃើញថាអ្នកសារព័ត៌មានVOD បាននិយាយទៅកាន់កងសន្តិសុខថា«ហេតុអ្វីអ្នកមិនអនុញ្ញាតឲ្យប្រជាជនចូលកន្លែងនេះ។ នេះជាដីខ្មែរមិនមែនជាដីយួនទេ។ អ្នកគ្រាន់តែជាឆ្កែយួន»។
អ្នកសារព័ត៌មាន VOD លោក ឡាយ សាមានមានប្រសាសន៍ថា លោកមិនបានប្រមាថឬពោលពាក្យមិនគប្បីណាមួយទៅកាន់កងសន្តិសុខទាំងនោះទេ។ លោកថាលោកគ្រាន់តែដេញតាមថតរូបកងសន្តិសុខទាំងនោះវាយព្រះអង្គ លួន សុវ៉ាតប៉ុណ្ណោះ។ លោកស្នើឲ្យលោក ខៀវ កាញារីទ្ធបង្ហាញភ័ស្តុតាងចំពោះការចោទប្រកាន់នេះ។
លោក ខៀវ កាញារីទ្ធបានឆ្លើយតបភ្លាមៗមកកាន់ VOD តាមរយៈអ៊ីម៉េលដោយទាមទារឲ្យលោក ឡាយសាមន ស្បថលើករណីនេះ។ លោកបញ្ជាក់ថា«អោយតែគាត់ទៅអុជធូបស្បថនៅព្រះភក្ត្រព្រះអង្គដងទង់ថា គាត់មិនបានប្រើសំដីនោះមែនខ្ញុំនឹងសូមទោសជាសាធារណៈភ្លាម ។ ម្យ៉ាងទៀតខ្ញុំមិនបានឃើញរបាយការណ៍អាជ្ញាធរទេ តែជាការអោយដឹងរបស់អ្នកកាសែតឯទៀតដែលនៅទីនោះ»។
លោកឡាយ សាមាន ឲ្យដឹងថា លោកហ៊ានទៅស្បថតាមការស្នើសុំរបស់លោក ខៀវ កាញារីទ្ធ។
មន្ត្រីទំនាក់ទំនងនិងតស៊ូមតិប្រចាំមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ(CCIM) លោក កាំង តុងងី មាន ប្រសាសន៍ថាការលើកឡើងបែបនេះរបស់រដ្ឋមន្ត្រីក្រសួងព័ត៌មានគឺជាភ័ស្តុតាងមួយដែលបញ្ជាក់ថាកងសន្តិសុខទាំងនោះពិតជាបានវាយលើអ្នកសារព័ត៌មានVOD។ លោកបន្តថាCCIM នឹងដាក់ពាក្យបណ្តឹងទៅតុលាការនៅសប្តាហ៍ក្រោយ។
ព្រះតេជគុណ លួន សុវ៉ាតមានសង្ឃដីកាថា អ្នកសារព័ត៌មានVOD លោក ឡាយ សាមានមិនបានពោលពាក្យសម្តីមិនគប្បីណាមួយឡើយ។ ព្រះអង្គបន្តថាការវាយលោក ឡាយ សាមានដោយសារតែលោកបានថតរូបភាពដែលកងសន្តិសុខទាំងនោះដេញវាយព្រះអង្គ។
ប្រធានផ្នែកស៊ើបអង្កេតសមាគមអាដហុកលោក នី ចរិយា មានប្រសាសន៍ថា ការជេរប្រមាថនិងការប្រើហិង្សាគឺជាបទល្មើសផ្សេងគ្នាមិនអាចយកមកកាត់សងគ្នាបានឡើយ។ លោកថា ការលើកឡើងរបស់រដ្ឋមន្ត្រីលោក ខៀវ កាញារីទ្ធ អាចបង្ហាញថាជាការដោះសារដើម្បីគេចវេសពីការទទួលខុសត្រូវរបស់កងសន្តិសុខទាំងនោះប៉ុណ្ណោះ។
អ្នកយកព័ត៌មាន VOD លោក ឡាយ សាមានត្រូវបានក្រុមសន្តិសុខសាលាខណ្ឌដូនពេញវាយឲ្យរបួសខណៈលោកកំពុងយកព័ត៌មានពីហេតុការណ៍បង្ក្រាបរបស់អាជ្ញាធរទៅលើអ្នកគាំទ្រគណបក្សសង្គ្រោះជាតិ ដែលជួបជុំនៅក្បែរស្ពាននាគជិតទីលានប្រជាធិបតេយ្យ កាលពីថ្ងៃទី២ខែឧសភា។លោកបានទៅវះកាត់នៅប្រទេសថៃ ដោយសារផុងថ្ពាល់ក្រោមភ្នែកខាងស្តាំ៕
សូមសរសេរមកកញ្ញា កាន់ វិច្ឆិកា តាមរយៈ vicheika@vovdhotnews.com
លោក ខៀវ កាញារីទ្ធ ថាអ្នកយកព័ត៌មាន វីអូឌី ប្រមាថសន្តិសុខ
Thursday, 22 May 2014
Kevin Ponniah និង ផាក់ ស៊ាងលី
Source : http://www.postkhmer.com/national/1-national-news/114676-2014-05-22-03-12-45
ភ្នំពេញៈលោក ខៀវ កាញារីទ្ធ រដ្ឋមន្រ្តីក្រសួងព័ត៌មានបានថ្លែងកាលពីម្សិលមិញថា លោក ឡាយ សាមៀនអ្នកយកព័ត៌មានរបស់វិទ្យុសំឡេងប្រជាធិបតេយ្យដែលបានទទួលរងការវាយយ៉ាងដំណំពីសំណាក់សន្តិសុខ ខណ្ឌដូនពេញកាលពីថ្ងៃ ទី២ ខែឧសភាខណៈពេលដែលលោកកំពុងយកព័ត៌មានអំពីបាតុកម្មគ្រោងឡើងដោយគណបក្សប្រឆាំងនោះ គឺដោយសារតែអ្នកយកព័ត៌មានរូបនេះ បានហៅសន្តិសុខថា «ឆ្កែយួន» ក្នុងចំណោមពាក្យជេរប្រមាថដទៃទៀត។
ទោះជាយ៉ាងណា លោករដ្ឋមន្រ្តីបានគូសបញ្ជាក់ថាលោកចង់បញ្ជាក់ឲ្យច្បាស់ថា លោក «មិនមែនកំពុងគាំទ្រចំពោះអំពើហិង្សាក្នុងទម្រង់ណាមួយប្រឆាំងនឹងអ្នកយកព័ត៌មានទេ»។
លោក កាញារីទ្ធ បានធ្វើការអត្ថាធិប្បាយបែបនេះពេលអ្នកយកព័ត៌មានទាក់ទងកាលពីម្សិលមិញ ដើម្បីបញ្ជាក់ថា តើលោករដ្ឋមន្រ្តី បានទាក់ទងលោក សុខ សម្បតិ្ត អភិបាល ខណ្ឌដូនពេញដើម្បីពិភាក្សាអំពីករណីសន្តិសុខតម្រង់គោលដៅវាយដំមកលើអ្នកសារព័ត៌មានហើយឬនៅ?
លោករដ្ឋមន្រ្តីបានបញ្ជាក់ថា លោកបានពិភាក្សាជាមួយនឹងលោក ប៉ាសុជាតិវង្ស អភិបាលរាជធានីភ្នំពេញអំពីបញ្ហានេះ ជំនួសវិញ ប៉ុន្តែលោកមិនបានបរិយាយឲ្យបានលម្អិតទេ។
លោកបានថ្លែងថាលោកបានស៊ើបអង្កេតអំពីមូលហេតុនៃការប៉ះទង្គិចដែលពាក់ព័ន្ធនឹងលោកសាមៀន ដែលកំពុងថតរូបក្បែរទីលានប្រជាធិបតេយ្យ នៅពេលកើតហេតុហើយបានឮពីសាក្សី និងអ្នកសារព័ត៌មាននៅកន្លែងកើតហេតុនោះថាអ្នកយកព័ត៌មានរូបនេះ បានជេរប្រមាថសន្តិសុខខណ្ឌ។
លោកបានបន្ថែមថា៖ «អ្នកថតរូបនោះបាននិយាយថា៖ហេតុអ្វីអ្នកមិនអនុញ្ញាតឲ្យប្រជាជនចូលកន្លែងនេះ។ នេះជាដីខ្មែរមិនមែនដីយួនទេ។ អ្នកគ្រាន់តែជាឆ្កែយួន»។
ប៉ុន្តែ លោក សាមៀន ដែលបានដេកសម្រាកព្យាបាលក្នុងមន្ទីរពេទ្យបន្ទាប់ពីទទួលរងការវាយយ៉ាងដំណំនោះ បានទទូចកាលពីម្សិលមិញថាលោកមិនបាននិយាយបែបនោះទេ។
លោក សាមៀន ដែលទើបត្រឡប់មកពីព្យាបាលរបួសនៅ ប្រទេសថៃបានបញ្ជាក់ថា៖ «ខ្ញុំព្យាយាមថតរូបសន្តិសុខ ដែលកំពុងដេញព្រះអង្គលួន សាវ៉ាត ដើម្បីវាយព្រះអង្គ។ ខ្ញុំបានដួល ហើយសន្តិសុខបានព្រួតគ្នាវាយខ្ញុំ។ ពួកគេរត់មកវាយខ្ញុំ»។
លោកបានបន្ថែមថា៖ «ខ្ញុំមិនដែលនិយាយឬប្រើពាក្យបែបនេះជាមួយនឹងសន្តិសុខនៅទីនោះឬនៅកន្លែងផ្សេងឡើយ។ ខ្ញុំជាអ្នកសារព័ត៌មាន។យើងស្គាល់ពីតួនាទីនិងវិជ្ជាជីវៈរបស់យើង។ យើងចេញទៅយកព័ត៌មាននិងអង្កេតព្រឹត្តិការណ៍ហើយរាយការណ៍អំពីអ្វីដែលបានកើតឡើងប៉ុណ្ណោះ»។
អ្នកសារព័ត៌មាន ភ្នំពេញ ប៉ុស្តិ៍ ម្នាក់ ដែលនៅកន្លែងកើតហេតុបានឃើញព្រះអង្គ លួន សាវ៉ាតជាអ្នកសួរសន្តិសុខថាតើហេតុអ្វីពួកគេបម្រើយួនមិនបម្រើប្រជាពលរដ្ឋខ្មែរគ្នាឯងហើយបន្ទាប់មកសន្តិសុខទាំងនោះបានដេញតាមពីក្រោយព្រះអង្គ។
ព្រះអង្គ សាវ៉ាត បានមានសង្ឃដីកាកាលពីម្សិលមិញថាព្រះអង្គមិនដែលជេរអ្នកណាម្នាក់ទេ ចាប់តាំងពីបួសជាព្រះសង្ឃតែផ្ទុយទៅវិញគឺសន្តិសុខទាំងនោះទៅវិញទេដែលចាប់ផ្តើមជេរប្រមាថព្រះអង្គបន្ទាប់មក សន្តិសុខបានទទួលបញ្ជាឲ្យដេញតាមចាប់យកម៉ាស៊ីនថតរបស់ព្រះអង្គដែលបានថតពីព្រឹត្តិការណ៍។
សន្តិសុខដែលគ្មានការបណ្តុះបណ្តាលត្រូវបានប្រើជាញឹកញាប់ដោយសាលារាជធានីភ្នំពេញដើម្បីគ្រប់គ្រងលើបាតុកម្ម ចាប់តាំងពីការបោះឆ្នោត ខែកក្កដាមកជាពិសេសនៅក្បែរទីលានប្រជាធិបតេយ្យស្ថិតក្នុង ខណ្ឌដូនពេញដែលជាញឹកញាប់សន្តិសុខទាំងនោះតែងតែប្រើអំពើហិង្សាមកលើក្រុមអ្នកតវ៉ាជានិច្ច។
បន្ទាប់ពីមានការវាយប្រហារមកលើលោក សាមៀននិងអ្នកសារព័ត៌មានដទៃទៀតរាប់ទាំងអ្នកសារព័ត៌មានស្រ្តីម្នាក់និងអ្នកថតរូបម្នាក់ កាលពីថ្ងៃ ទី ២ ខែឧសភា ក្រសួងព័ត៌មានបានចេញសេចក្តីថ្លែងការណ៍ថ្កោលទោសចំពោះការយាយីមកលើអ្នកសារព័ត៌មាន៕ TK
រាយការណ៍បន្ថែមដោយឃុតសុភចរិយា
Reporter, ‘witnesses’ tell different stories
Thu, 22 May 2014
Kevin Ponniah and Phak Seangly
Source : http://www.phnompenhpost.com/national/reporter-%E2%80%98witnesses%E2%80%99-tell-different-stories
Information Minister Khieu Kanharith said that radio journalist Lay Samean, who was badly beaten by district security guards on May 2 while covering a planned opposition rally, may have provoked the violence by calling the guards “yuon’s dogs”, among other insults.
The minister added, however, that he wanted to make it clear that he was “not condoning any form of violence against journalists”.
Kanharith made the comments when reached yesterday to confirm whether or not he had contacted Daun Penh District Governor Sok Sambath to talk about journalists being targeted.
The minister said he had spoken with Phnom Penh Governor Pa Socheatvong about the issue instead, but did not elaborate.
He added that he had “investigated the cause of the clash” involving Samean, a Voice of Democracy radio reporter who was taking photos near Freedom Park when the incident occurred, and was told by witnesses and unidentified journalists at the scene that the reporter had insulted district security guards.
“The photographer said: ‘Why don’t you allow the people to enter this area? This is Khmer soil, not yuon’s. You’re just yuon’s dog.’”
But Samean, who was hospitalised after the incident, insisted yesterday that he had said no such thing.
“I tried to take photos of the security guards who were chasing monk Luon Savath to attack him. I tripped and fell over and was beaten up by the security guards. They ran to hit me,” he said.
“I never said or used any such kinds of words with the security guards [then] or at any other time.… [I] am a journalist. We know our role and profession. We just go out to cover events and observe events and make a report about what happened.”
A Post journalist who was at the scene saw Savath, not Samean, asking the guards why they were serving the yuon – a term for Vietnamese – and not Cambodians, before he was chased.
Savath said yesterday that he had “never cursed anyone since entering the monkhood” and that instead, the guards had started insulting him before receiving an order to seize his camera.
Story – I am married
21 ខែឧសភា 2014
New Inspiration, New Relax បញ្ចេញមតិ
Husband comes home drunk and breaks some crockery,
vomits and falls down on the floor…
Wife pulls him up and cleans everything.
Next day wen he gets up he expects her to be really angry wid him….
He prays that they shouldd not have a
fight..
He finds a note near the table…
“Honey..your favourite breakfast is ready on the table,
i had to leave early to buy grocery…
i’ll come running back to you, my love.
I love you. …
He gets surprised and asks his son..,
‘what happened last night..?
Son told…,”
when mom pulled you to bed and tried
removing your boots and shirt..
you were dead drunk and you said……
” Hey Lady ! Leave Me Alone…
I M Married !!!
Thats True Love…
its all crazy:))
សុវត្ថិភាពហ្វែសប៊ុកនៅលើប្រព័ន្ធអ៊នឡាញ
20 ខែឧសភា 2014
My Diary, New Release, The Expose បញ្ចេញមតិ
មិត្តភក្តិរបស់ខ្ញុំម្នាក់ ដែលធ្លាប់ទទួលបានការបណ្តុះបណ្តាលពី សុវត្ថិភាពនៅលើប្រព័ន្ធអ៊នឡាញ ទើបតែបង្ហាញខ្ញុំពី ការប្រើប្រាស់ហ៊្វែសប៊ុកប្រកដដោយសុវត្ថិភាព កាលពីល្ងាចមិញ។ ដំបូងខ្ញុំគិតថា មិនចាំបាច់ខ្វល់ឡើយ ព្រោះខ្ញុំគ្រាន់តែជាមនុស្សធម្មតា គ្មាននរណាគេចង់ Hack ឬលួចយក គណនីយហ្វ៊ែសប៊ុករបស់ខ្ញុំឡើយ តែដោយសារ តែការងារ តម្រូវ ខ្ញុំចាំបាច់ត្រូវតែគិតគូ ពីសុវត្ថិភាពរួមជាចម្បង។ តាមពិតខ្ញុំចេះឆៅនៅឡើយទេ ក្នុងរឿងសុវត្ថិភាពអ៊នឡាញ ប៉ុន្តែដោយសារ មានបទពិសោធន៍ចាញ់បញ្ឆោត ប្លុកមួយ ដែលបានណែនាំ អោយសាកល្បង Hack ហ្វ៊ែសប៊ុក ដោយងាយៗ នៅប៉ុន្មានម៉ោងមុននេះផង ទើបខ្ញុំដឹងច្បាស់ថា ការការពារគណនីហ្វ៊ែសប៊ុករបស់ខ្លួន ពិតជាសំខាន់។ ការចែករំលែកនេះ ក៏អាចជា ទុនមួយសម្រាប់អ្នកប្រើប្រាស់ហ្វ៊ែសប៊ុកទាំងឡាយណា ដែលមានប្រថ្នូលថា ហ្វ៊ែសប៊ុករបស់ខ្លួនត្រូវគេ លួចចូល ឬបន្ទាប់ពី ដឹងខ្លួនថា ចាញ់បោក កម្មវិធី អ៊នឡាញ ណាមួយ ទុកគ្រាន់ ការពារខ្លួន។
ដោយសារតែ មានហានិភ័យមួយចំនួនដែលអ្នកមិនធ្លាប់ដឹង នៅពេលអ្នកបែរមកប្រើប្រាស់ប្រព័ន្ធផ្សព្វផ្សាយអ៊នឡាញ។ ប្រកាសនេះ នឹងចែករំលែក «វិធីការពារសុវត្ថិភាពហ្វ៊ែសប៊ុក» ពីការព្យាយាមរបស់អ្នកដទៃ ដែលប៉ុនប៉ង ចូលមើលហ្វ៊ែសប៊ុករបស់អ្នកដោយគ្មានការអនុញ្ញាត។ តាមពិតទៅ មាន វិធីរក្សាសុវត្ថិភាពហ្វ៊ែសប៊ុកជាច្រើន ដែលមានស្រាប់នៅលើ គេហទំព័រហ្វ៊ែសប៊ុក។ ដោយចេះដឹងតិចតួចផង ខ្ញុំសូមណែនាំ វិធីការពារងាយៗ ក្នុងរយៈពេល ៩(ប្រាំបួន) ជំហានតូចៗ ដោយគ្រាន់តែ ត្រូវការលេខទូរស័ព្ទរបស់ លោកអ្នក ហើយអនុវត្តតាម ការណែនាំ (អមដោយរូបភាព) ខាងក្រោម ៖
- ដំបូងអ្នកត្រូវ ចូល (Log In) ទៅក្នុងហ្វ៊ែសប៊ុក របស់អ្នកជាមុនសិន។ បន្ទាប់មក…
- អ្នកត្រូវចុចលើ រូបសោរខាងស្តាំ សំដៅ រកពាក្យថា Settings (មើលរូបភាពខាងលើ)
- បន្ទាប់មកទៀត សួមក្រឡេកមើលផ្នែកខាងឆ្វេងវិញ ហើយចុចលើ ពាក្យថា Security
- សូមស្វែងរកពាក្យថា Login Approvals (យល់ព្រមអោយចូល) ហើយចុចលើពាក្យថា Edit នៅខាងចុងផ្នែកខាងស្តាំបំផុត
- អ្នកត្រូវចុច (គូស) លើប្រអប់តូចមួយ ក្នុងជួរនេះដដែល (មានន័យថា តម្រូវអោយមាន លេខកូដសុវត្ថិភាពមួយ ដើម្បីអាចចូលទៅប្រើប្រាស់ គណនីយរបស់ខ្ញុំ ពី កម្មវិធីរុករក ដែលមិនបានស្គាល់ ឬអ្នកប្រើប្រាស់កុំព្យូទ័រ/កម្មវិធីផ្សេងពីធ្លាប់ប្រើប្រាស់)
- ចុចលើពាក្យ Get Started (មានន័យថា ពេលមានការចូលទៅក្នុង ហ្វ៊ែសប៊ុករបស់អ្នក ពី កម្មវិធីរុករក ដែលមិនបានស្គាល់ អ្នកត្រូវការ លេខកូដសុវត្ថិភាពមួយ។ អ្នកអាចទទួលបាន លេខកូដសុវត្ថិភាពច្រើន ពីទូរស័ព្ទរបស់អ្នក។ ដោយការបញ្ចូលលេខកូដ អ្នកអាចបង្ហាញថា អ្នកបានព្យាយាមចូលទៅកាន់ហ្វ៊ែសប៊ុក។)
- សូមចុចលើពាក្យ Continue ដើម្បីទទួលបាន លេខកូដសុវត្ថិភាព តាមការផ្ញើសារ ទៅកាន់ទូរស័ព្ទដៃរបស់អ្នក។
- សូមបញ្ចូលលេខទូរស័ព្ទរបស់អ្នកក្នុងប្រអប់ Phone Number ហើយពិនិត្យមើល ត្រង់ Confirm number by Sending me a text ចុងក្រោយ សូមចុចលើពាក្យថា Continue
- អ្នកនឹងទទួលបានសារជាអត្ថបទដែលមានលេខកូដ ៦ (ប្រាំមួយ) ខ្ទង់ សូមចម្លង លេខកូដទាំងនោះ ដាក់ទៅក្នុង ប្រអប់ ដែលមានពាក្យថា Enter confirmation Code និងចុងបញ្ចប់ សូមចុចលើ ពាក្យ Confirm ជាការស្រេច។
គួរបញ្ជាក់ថា ៖ តាមរយៈការសាកល្បងរបស់ខ្ញុំ ក្រុមហ៊ុន Smart និង Beeline បានអនុញ្ញាតអោយ ហ៊្វែសប៊ុក បញ្ជូនសារ លេខកូដសុវត្ថិភាព (Security Code) ពី ហ្វ៊ែសប៊ុក ដើម្បីចូល (Log In) ទៅប្រើប្រាស់គណនីផ្ទាល់ខ្លួន។ ដោយឡែក ក្រុមហ៊ុន Mobitel មិនអនុញ្ញាតឡើយ ពោលគឺ អ្នកមិនអាចប្រើប្រាស់ លេខទូរស័ព្ទ របស់ក្រុមហ៊ុន Mobitel មិនអាចទទួលសារពី ហ៊្វែសប៊ុកឡើយ។
អំណេះតទៅ រាល់ការចូលទៅកាន់ហ្វ៊ែសប៊ុករបស់អ្នក ដោយកម្មវិធីរុករក ប្លែកទូរស័ព្ទដៃ ឬកុំព្យូទ័រប្លែកពីសព្វមួយដង នោះហ្វ៊ែសប៊ុក នឹងផ្ញើសារ លេខកូដសម្ងាត់ ៦ (ប្រាំមួយ) ខ្ទង់ មកកាន់អ្នក ដើម្បីបញ្ជាក់ពីការ ព្យាយាមចូលទៅកាន់ហ្វ៊ែសប៊ុករបស់អ្នក។ សម្រាប់ការដោះសោរ ឬឈប់ប្រើ វិធីការពារសុវត្ថិភាពនេះ ខ្ញុំនឹងលើកយកមក បង្ហាញ នៅប្រកាសលើកក្រោយទៀត ប្រសិនបើ មាន ការស្នើសុំ។
សង្ឃឹមថា មានប្រយោជន៍…
Information Ministry Apologize for Failing to Broadcast Royal Ploughing Ceremony
17 ខែឧសភា 2014
ក្រសួងព័ត៌មាន បានប្រកាសសុំព្រះរាជទានទោសពីព្រះមហាក្សត្រ ព្រះបរមនាថ នរោត្តម សីហមុនី និងពលរដ្ឋកម្ពុជា ចំពោះការខកខានផ្សាយបន្តផ្ទាល់តាមកញ្ចក់ទូរទស្សន៍ជាតិកម្ពុជា អំពីព្រះរាជពិធី ច្រត់ព្រះនង្គ័ល កាលពីព្រឹកថ្ងៃទី១៧ ខែឧសភា ឆ្នាំ២០១៤។ បើតាមសេចក្តីប្រកាសព័ត៌មាន ការខកខានផ្សាយកម្មវិធីនេះ បណ្តាលមកពី ការទំនាក់ទំនងព័ត៌មាន និងខ្សែសង្វាក់ការងារ ក្នុងក្រសួងមិនបានល្អ។
ក្នុងថ្ងៃតែមួយ អគ្គនាយកទូរទស្សន៍ជាតិកម្ពុជា លោក កឹម គុណវឌ្ឍ ក៏បានបញ្ជាក់ពីការលាលែងចេញពី ដំណែងផងដែរ។ ការលាលែងដែលទំនងជា ព្យាយាមពន្យល់ដល់អត្ថន័យរបស់ លិខិតដែលបានបញ្ជាក់ថា ក្រសួងព័ត៌មានកំពុងរៀបចំការងារអោយបានល្អឡើងវិញ ដើម្បីកុំអោយមានភាពអសកម្មនេះ កើតឡើងទៀត។ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានប្រាប់ គេហទំព័រថ្មីថ្មី អំពី មូលហេតុនៃការលាលែងដ៏គួរអោយភ្ញាក់ផ្អើលនេះ ថា ៖ «គាត់ [លោក កឹម គុណវឌ្ឍ] ចង់សំរាកមួយរយៈ»។ លោក ប៉ាង ណាត បច្ចុប្បន្នជា អគ្គនាយករង ទូរទស្សន៍ជាតិកម្ពុជា នឹងឡើងកាន់តំណែងជា អគ្គនាយកស្តីទីនៃទូរទស្សន៍ជាតិកម្ពុជា ជំនួស លោក កឹម គុណវឌ្ឍ។
ប្រតិភូរដ្ឋាភិបាល ទទួលបន្ទុកជា អគ្គនាយក នាយកដ្ឋានទូរទស្សន៍ជាតិកម្ពុជា លោក កឹម គុណវឌ្ឍ មិនបានឆ្លើយប្រាប់វិទ្យុអាស៊ីសេរី ពីការលាលែងតំណែងនេះ តើបណ្ដាលមកពីទូរទស្សន៍ជាតិ ខកខានមិនបានផ្សាយពីព្រះរាជពិធី ច្រត់ព្រះនង្គ័ល ឬយ៉ាងណានោះទេ ? លោកគ្រាន់តែឆ្លើយថា «សុំទុកឲ្យខ្ញុំនៅស្ងៀមចុះ»។
មេរៀនមួយ សំរាប់មន្ត្រីអនុវត្តការងារ ៖ បើមានបញ្ជាអោយប្រែប្រួលអ្វី ដែលជាទំលាប់ ត្រូវទាមទារឯកសារជាលាយលក្ខអក្សរ។ ដកស្រង់ចេញពី ហ្វែសប៊ុក របស់លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន (KHIEV Kanharith on Facebook – May 17th, 2014 at 3pm.)
មិនមែនមានតែទូរទស្សន៍ជាតិកម្ពុជា ប៉ុណ្ណោះទេ ដែលខកខានផ្សាយផ្ទាល់ សូម្បីតែអ្នកកាសែតជាតិ អន្តរជាតិមួយចំនួន ក៏ត្រូវបាន អ្នកគ្រប់គ្រងចាត់ចែងច្រត់ព្រះនង្គ័លឆ្នាំ២០១៤នេះ មិនអនុញ្ញាតឲ្យ ចូលថតរូប និងយកព័ត៌មានផងដែរ។ រដ្ឋមន្រ្តី ក្រសួងព័ត៌មាន ហាក់បង្ហាញជំហរជាសាធារណៈ មិនគាំទ្រ ការរារាំងដល់ការផ្សព្វផ្សាយព័ត៌មាន ពីព្រះរាជពិធីនេះ «ធ្វើពិធីធំដុំ អស់លុយម៉ាគរគោក បើមិនអោយអ្នកកាសែតចូលយកព័ត៌មាន តើហៅថា ពិធីបុណ្យជាតិបានទេ ?» លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន ប្រកាសលើហ្វែសប៊ុក របស់លោក (KHIEV Kanharith on Facebook – May 17th, 2014 at 5:30pm.)
ក្នុងព្រះរាជពិធី ច្រត់ព្រះនង្គ័លឆ្នាំ២០១៤នេះ អភិបាលខេត្តកណ្ដាល និងភរិយា បានសម្តែងដើរតួជា ស្ដេចនាគ និងនាងមេហួ។ ពិធីផ្សង គោឧសភរាជបានសោយអាហារ ៣ប្រភេទ គឺ សណ្ដែក ពោត និងស្រូវ ដែលតាមទំនាយថា ដំណាំពោត សណ្ដែក និងស្រូវ នឹងបានផលល្អ។
Government Spokeman Overreacts to Media Student
12 ខែឧសភា 2014
អ្នកនាំពាក្យរដ្ឋាភិបាលកោះហៅនិស្សិតម្នាក់ពាក់ព័ន្ធនឹងការសរសេរតាមហ្វេសប៊ុក
By Alex Willemyns and Phorn Bopha | May 12, 2014
Source : http://www.cambodiadailykhmer.com/news/14277/
លោក ផៃ ស៊ីផាន អ្នកនាំពាក្យទីស្ដីការគណៈរដ្ឋមន្ត្រី បាន ហៅនិស្សិតម្នាក់នៅសាលាសារព័ត៌មានរបស់រដ្ឋមួយ ឲ្យទៅជួបគាត់នៅការិយាល័យរបស់គាត់ បន្ទាប់ពីនិស្សិត រូបនេះបានសរសេរតាមទំព័រហ្វេសប៊ុករបស់នាងសួរ អំពីអត្ថន័យនៃបាឋកថាដែលលោកបានថ្លែងកាលពី សប្ដាហ៍មុន។
កាលពីថ្ងៃព្រហស្បតិ៍ លោក ផៃ ស៊ីផាន បានថ្លែងអំពីការធ្វើ ជាអ្នកនាំពាក្យទៅកាន់និស្សិតឆ្នាំទី២ ប្រហែល២០នាក់ នៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកល វិទ្យាល័យភូមិន្ទភ្នំពេញ មុនពេលបើកឱកាសឲ្យនិស្សិត សួរ។
សំណួរផ្ដោតលើការក្ដោបក្ដាប់ដ៏តឹងរ៉ឹងរបស់ រដ្ឋាភិបាលលើប្រព័ន្ធផ្សព្វផ្សាយ ដោយនិស្សិតម្នាក់បាន សួរពីមូលហេតុចំពោះការមិនផ្ដល់អាជ្ញាប័ណ្ណទូរទស្សន៍ដល់ លោក ម៉ម សូណង់ដូ ម្ចាស់ស្ថានីយវិទ្យុមួយ ដែលមានទំនាក់ ទំនងដោយចំហជាមួយគណបក្សសង្គ្រោះជាតិ។
លោក ផៃ ស៊ីផាន បានឆ្លើយប្រាប់និស្សិតរូបនេះថា “ប្រសិន បើយើងអនុញ្ញាតឲ្យលោក ម៉ម សូណង់ដូ មានស្ថានីយទូរទស្សន៍ ដើម្បីហេតុផលនយោបាយ យើងត្រូវអនុញ្ញាតឲ្យមនុស្ស គ្រប់គ្នា មិនមែនតែគណបក្សសង្គ្រោះជាតិប៉ុណ្ណោះទេ គឺ គណបក្សសម្ព័ន្ធដើម្បីប្រជាធិបតេយ្យ និងមនុស្សគ្រប់គ្នា ផងដែរ។ វាមិនល្អសម្រាប់ទស្សនិកជនទេ ពីព្រោះ មនុស្សគ្រប់គ្នាគាំទ្រភាគីរៀងៗខ្លួន ហើយវានាំឲ្យ មានបរិយាកាសបែងចែកជាបក្ខពួក”។
លោក ផៃ ស៊ីផាន បានមានប្រសាសន៍ផងដែរថា អ្នកកាសែតមួយ ចំនួនដែលធ្វើការនៅក្នុងប្រទេសកម្ពុជាបម្រើឲ្យ “ផលប្រយោជន៍ពិសេស” របស់បរទេស។ លោកបានមានប្រសាសន៍ ថា “មនុស្សមួយចំនួនត្រូវបានគេហៅឲ្យមកប្រឆាំងនឹង រដ្ឋាភិបាលក្នុងនាមជាអង្គការមិនមែនរដ្ឋាភិបាល”។
លោកបានមានប្រសាសន៍ថា “យើងបានដឹងថា បុគ្គលិក មួយចំនួននៅកាសែត ឌឹ ខេមបូឌា ដេលី គឺមួយចំនួនតូច មិន ច្រើនទេ ត្រូវបានគេជួលឲ្យមកបំពេញការងាររបស់ ពួកគេជាអ្នកសរសេរអត្ថបទ ឬស្រាវជ្រាវ។ ពួកគេមិនមែនជា អ្នកកាសែតអាជីពទេ ប្អូនៗដឹងទេ?”។
និស្សិតម្នាក់បានឆ្លើយតបវិញថា “ខ្ញុំមិនដែលឮអំពីរឿងនេះទេ”។
លោក ផៃ ស៊ីផាន បានឆ្លើយតបថា “ពីព្រោះប្អូនមិនមែនជា រដ្ឋាភិបាល”។ បន្ទាប់ពីបាឋកថានោះ និស្សិតមួយចំនួននៅដេប៉ាតឺម៉ង់ នេះបានលើកយកបណ្ដាញទំនាក់ទំនងសង្គមទៅសួរ អំពីបាឋកថានេះ និងមាននិស្សិតម្នាក់បានសរសេរនៅតាម ហ្វេសប៊ុកដែលបានធ្វើឲ្យលោក ផៃ ស៊ីផាន ខឹង។
និស្សិតផ្នែកសារព័ត៌មានឈ្មោះ តិច ចាន់រចនា បានសរសេរនៅតាម ហ្វេសប៊ុកក្រោយពីបាឋកថានោះថា “ខ្ញុំមិនដឹង ថា គាត់និយាយអំពីអ្វីទេ ដូច្នេះវាធ្វើឲ្យខូចបរិយាកាស អស់។
លោក ផៃ ស៊ីផាន បានបញ្ជាក់តាមទូរស័ព្ទកាលពីម្សិលមិញ ថា លោកបានហៅកញ្ញា ចាន់រចនា ឲ្យមកជួប ប៉ុន្តែលោកបានមាន ប្រសាសន៍ថា លោកគ្រាន់តែចង់បញ្ជាក់ពីខ្លួនលោក ប៉ុណ្ណោះ ក្រោយពីមានការភាន់ច្រឡំរបស់និស្សិតរូប នេះ។
លោកបានមានប្រសាសន៍ថា “ឥឡូវនេះខ្ញុំត្រូវនិយាយ ជាមួយនិស្សិតម្នាក់។ សាលាបានអញ្ជើញខ្ញុំមក ដូច្នេះ ខ្ញុំបានស្ម័គ្រចិត្តលះបង់ពេលវេលារបស់ ខ្ញុំដើម្បីអប់រំនិស្សិត។ ពួកគេមិនគួរឈ្លើយទេ”។ លោកបានមានប្រសាសន៍ថា “គេគួរតែមានក្រមសីលធម៌ជា និស្សិត ប៉ុន្តែគេសរសេរមិនល្អនៅតាមហ្វេសប៊ុក ដូច្នេះហើយខ្ញុំត្រូវសាកសួរគេ”។
អ្នកនាំាពាក្យរដ្ឋាភិបាលរូបនេះក៏បានគំរាមចាត់វិធានការ ផ្លូវច្បាប់ផងដែរ ប្រសិនមិនមានការបង្ហាញពី ប្រភពនៃការថតសំឡេងរបស់លោកទេ។ លោកបានប្រាប់អ្នកយកព័ត៌មានថា “លោកត្រូវប្រាប់ខ្ញុំ ពីអ្នកដែលឲ្យខ្សែអាត់ថតសំឡេងនោះទៅលោក។ ខ្ញុំ ផ្តោតលើប្រភពនេះ បើមិនដូច្នោះទេ ខ្ញុំនឹងប្ដឹង លោកទៅតុលាការ។ ខ្ញុំចង់ដឹងថា នរណាឲ្យខ្សែអាត់ សំឡេងនេះមកលោក បើមិនប្រាប់ទេ លោកនឹងមានបញ្ហា ”។ “ពួកគេមិនបានសុំថតសំឡេងខ្ញុំទេ ហើយពួកគេបានយកវា ទៅបង្ហោះតាមហ្វេសប៊ុកទៀត។ វាជាការបំពាន។ ប្រសិន បើខ្ញុំគិតថា វាធ្វើឲ្យប៉ះពាល់ដល់កិត្តិយសរបស់ ខ្ញុំ ខ្ញុំអាចប្ដឹងទៅតុលាការបាន”។ លោកបាននិយាយថា “ខ្ញុំគ្រាន់តែព្យាយាមជួយពួកគេ ហើយ ពួកគេបានបំពានខ្ញុំ”។
លោក ផៃ ស៊ីផាន ក៏បានបដិសេធមិនប្រាប់ឈ្មោះអ្នកកាសែត ដែលរដ្ឋាភិបាលបានចាត់ទុកថា បម្រើឲ្យផលប្រយោជន៍ បរទេសនោះដែរ។ លោកបាននិយាយថា ” ខ្ញុំគោរពប្រភព របស់ខ្ញុំ”។
កញ្ញា ចាន់រចនា បានបដិសេធកាលពីម្សិលមិញមិននិយាយថា តើនាងទៅជួបលោក ផៃ ស៊ីផាន ឬអត់ទេ។
លោក សោម រតនា ប្រធានដេបា៉តឺម៉ង់ប្រព័ន្ធផ្សព្វផ្សាយ និង សារគមនាគមន៍ បានមានប្រសាសន៍ថា ជំនួយការរបស់លោកបានទទួល សំណើរបស់លោក ផៃ ស៊ីផាន ហើយបានបញ្ជូនបន្តទៅឲ្យ និស្សិតរូបនេះ។ នៅពេលសួរថា តើលោកមានតួនាទីចូល រួមពាក់ព័ន្ធឬយ៉ាងណានៅពេលមន្ត្រីជាន់ ខ្ពស់ហៅនិស្សិតឲ្យទៅជួបនោះ លោក រតនា បានបដិសេធមិនធ្វើ អត្ថាធិប្បាយ។
លោកបានមានប្រសាសន៍ថា “ខ្ញុំគិតថា លោកអាចនិយាយ ជាមួយនាងបាន។ ខ្ញុំមិនបានស្ដាប់បាឋកថានោះទេ ហើយ ខ្ញុំគិតថា ខ្ញុំមិនគួរនិយាយអំពីរឿងនេះឡើយ ។ នេះគឺជាបញ្ហារវាងនាង និងលោក ផៃ ស៊ីផាន”។
(ការបង្ហាញព័ត៌មាន៖ និពន្ធនាយកម្នាក់នៅកាសែតនេះ កំពុងធ្វើជាគ្រូក្រៅម៉ោងនៅដេប៉ាតឺម៉ង់ ប្រព័ន្ធផ្សព្វផ្សាយ និងសារគមនាគមន៍ ហើយអ្នកយកព័ត៌មានម្នាក់ ដែលសរសេរអត្ថបទនេះធ្លាប់ធ្វើការនៅសាលានេះក្នុង តួនាទីដូចគ្នាដែរកាលពីមុន)៕ គឹមហឿន
Gov’t Spokesman Summons Student Over Facebook Post
By Alex Willemyns and Phorn Bopha | May 12, 2014
Source : http://www.cambodiadaily.com/news/government-spokesman-summons-student-over-facebook-post-58460/
Council of Ministers spokesman Phay Siphan has summoned a student from the country’s top state journalism school for a meeting at his office after she used a post on her Facebook page to question the sense of a guest lecture he delivered last week.
Mr. Siphan on Thursday gave a speech on being a spokesman to a class of about 20 second-year students at the Royal University of Phnom Penh’s Department of Media and Communications (DMC) before opening the floor to questions.
The questions focused on the government’s tight grip on broadcast media, with one student asking why popular radio station owner Mam Sonando, who is openly aligned with the opposition CNRP, has been repeatedly refused television licenses.
“If you allow Mam Sonando to have a station for political reasons, you have to allow everyone,” Mr. Siphan replied to the student. “Not just CNRP—the LDP [League for Democracy Party], everybody. It’s not good for the audience because everyone is on their own side and…[it leads to] an atmosphere of polarization.”
Mr. Siphan also said that some journalists working in Cambodia are under the employ of what he termed foreign “special interests.”
“Some are called to come to be against the government as an NGO,” he said.
“A number of staff at The Cambodia Daily, we’ve learned—a few, not a lot—that they’ve been hired and provided money to do their jobs as missions to write and research,” Mr. Siphan said. “They’re not professionals of media. You get it?”
One student responded, “I’ve never heard about that.”
“Because you’re not the government,” Mr. Siphan replied.
After the lecture, a number of the DMC students took to social media to question the lecture, with one Facebook post drawing Mr. Siphan’s ire.
“I had no idea what the f–– he’s talking about!!! So f––ing mess up,” the journalism student, Teck Chan Rachna, posted after the lecture.
Mr. Siphan confirmed by telephone Sunday that he has called Ms. Chan Rachna for a meeting but said he only wished to clarify himself after the student’s confusion.
“I’m going to talk to one student now,” Mr. Siphan said. “The school asked me to come and so I volunteered my time to educate the students. They shouldn’t be rude.”
“They should have student ethics but they posted badly on Facebook and so I need to ask them questions,” Mr. Siphan said.
The government spokesman also threatened legal action if the source of the recording of his lecture was not disclosed.
“You have to tell me who gave you that one. I’m serious on that one or I will bring you to court,” Mr. Siphan told a reporter. “I need who gave you the transcript or you will be in trouble.”
“They did not ask me to record my voice, then they put it on Facebook. It’s abuse. If I think it damages my credibility, I could take it to court.”
“I was only trying to help them and they abused me,” Mr. Siphan said.
Mr. Siphan also declined to name the journalists the government had identified as being under the employ of foreign interests.
“I respect my sources,” he said.
Ms. Chan Rachna declined to comment Sunday on whether she would grant Mr. Siphan’s call for a meeting.
DMC director Som Ratana said Mr. Siphan’s request had been received by his assistant and passed on to the student. Asked if he felt a duty of care to stand in when a high-ranking official called a student for a meeting, Mr. Ratana declined to comment.
“I think maybe you can talk to her. I was not in the lecture and I feel I should not comment on that,” he said. “This is a professional thing between her and Phay Siphan.”
(Disclosure: An editor at this newspaper is currently employed as a part-time lecturer at DMC and a reporter on this article was previously employed at the school in the same position.)
willemyns@cambodiadaily.com, bopha@cambodiadaily.com
© 2014, The Cambodia Daily. All rights reserved. No part of this article may be reproduced in print, electronically, broadcast, rewritten or redistributed without written permission.
First Kiss
10 ខែឧសភា 2014
First Kiss ឬ ស្នាមថើបគ្រាដំបូង ជាភាពយន្តថៃ ផលិតក្នុងឆ្នាំ២០១២ មួយទៀតហើយ ដែលអាចធ្វើអោយខ្ញុំ ទស្សនាហើយ រំភើបចិត្ត ដល់ស្រក់ទឹកភ្នែកដោយមិនដឹងខ្លួន បន្ទាប់ពីរឿងថៃផ្សេងទៀតដូចជា Crazy Little Thing Called Love, 30 On Sale, The Teacher’s Diary ជាដើម។ សាច់រឿងនេះ ផ្តើមដោយ ថ្ងៃមួយ ក្រមុំស្រស់ស្អាតវ័យ ២៦ឆ្នាំម្នាក់ បានជ្រុលផ្តិតស្នាមបបូរម៉ាត់ (ម៉ាត់ទល់ម៉ាត់) គ្រាដំបូងរបស់ខ្លួន ជាមួយនឹង កម្លោះរូបស្រស់ប្រចាំវិទ្យាល័យម្នាក់ ដោយសារឧបទ្ទវហេតុមួយ លើរថយន្តក្រុងដែលពួកគេឧស្សាហ៍ជិះជាមួយគ្នា។ ទំនាក់ទំនងរបស់ពួកគេ ផ្តើមដោយការឌឺដង ចិត្តអាណិត សច្ចះធម៌ ហើយ កាន់តែផ្អែមល្អែម រហូតវិវឌ្ឍន៍ទៅជាស្នេហា នៅពេលដែល ក្រមុំរូបស្រស់ បានដឹងថា ទេវបុត្រ កំពូលស្នេហ៍ដែលនាងបានលួចស្រឡាញ់តាំងពីនៅវិទ្យាល័យរៀបការ។ កម្លោះតួឯក វ័យក្មេងជាង តួស្រី ៨ឆ្នាំ បន្ទាប់ពីបានប្រកាសថា នោះជា ការថើបលើកដំបូងរបស់នាយ នាយក៏បានទាមទាជម្ងឺចិត្តពីកញ្ញាស្រីស្រស់ ហើយចែចង់នាងរហូតបានបេះដូងមកឃុំគ្រង។ តាំងពី ប្តូរស្នាមថើបដំបូងមក កម្លោះយើង ថែរក្សា និងការពារបបូរម៉ាត់របស់ នារីមិនអោយប្រុសផ្សេងមានឱកាសផ្តិតដូចនាយឡើយ។ នាយបានសច្ចាជាមួយនឹងស្រស់ស្រី ថា នឹងរៀបការជាមួយគ្នាក្នុងវ័យ ២៨ នៅពេលនាយបញ្ចប់មហាវិទ្យាល័យ ហើយធ្វើការងារស្នងឳពុក។ តួស្រី មានទស្សនៈចំពោះស្នេហា ដោយប្រៀបប្រដូច «ស្នេហាប្រៀបដូចជា ការរង់ចាំរថយន្តក្រុង…»។ ឧបសគ្គនៃស្នេហារបស់ពួកគេ ក្រៅពី អាយុខុសគ្នា ការគិតក៏ខុសគ្នា នៅមានឪពុករបស់អ្នកកម្លោះតួឯក ជា ជនមានអំណាច ព្យាយាមបំបែកគូស្នេហ៍ទាំងពីរ។
អ្វីដែលធ្វើអោយទឹកភ្នែករបស់ខ្ញុំស្រក់នៅនាទីចុងក្រោយ គឺរំភើប ដោយសារ តួស្រី អាចរង់ចាំ កម្លោះវ័យក្មេងបានរហូតដល់ទៅ ៥ឆ្នាំ ដោយមិនមានទំនាក់ទំនងស្នេហាជាមួយនឹងប្រុសផ្សេង។
វាចារ/ឌឺដង