ទំព័រដើម

ដួលបោកក្បាល

បញ្ចេញមតិ

ពេលព្រឹក ថ្ងៃសៅរ៍ ទី២១ ខែមេសា ÷ ខ្ញុំទើបតែបានឆ្លងកាត់ #៣០នាទី ដ៏សែនរន្ធត់បំផុត ក្នុងដើម ឆ្នាំ២០១៨នេះ។ សគុណ ដែលធ្លាប់តែ រួសរាយ មានកម្លាំងយំស្រែក ប្រែជា ទន់ជ្រាយ ឈរគ្មានលំនឹង (តាំងពីក្រោកពី ដំណេក) ទឹកមុខលែងស្រស់ស្រាយ ក្អួតម្តង ហើយមានអាការៈចង់តែ #គេង។ ខ្ញុំភ័យស្ទើរតែគាំងបេះដូងលែងដើរទៅហើយ ព្រោះរោគសញ្ញាទាំងនេះ ជា សញ្ញាអាសន្ន សម្រាប់កុមារបន្ទាប់ពី ដួលបោកក្បាលផ្នែកខាងក្រោយ។

សគុណ បានដួល បោកក្បាលផ្នែកខាងក្រោយ នៅ រមណីយដ្ឋាន អូរ រមីស នាខេត្តមណ្ឌលគីរី អំឡុងដំណើរកំសាន្តចូលឆ្នាំខ្មែរ កាលពីថ្ងៃទី១៧ មេសា ២០១៨។ ម្តាយ សគុណ មិនបានប្រយត្ន ទើបធ្វើឲ្យ សគុណ ដួលពីលើតុថ្ម ធ្លាក់មកថ្ម ដើរ ឮសូរតែ #ផូស។ បន្ទាប់ពី ដួល សគុណ ដូចជា គេងច្រើនជាងធម្មតាបន្តិច។ មកដល់ ភ្នំពេញ ខ្ញុំ និងភរិយា បាននាំកូន ទៅ #មន្ទីរពេទ្យកុមារជាតិ (ថ្ងៃទី១៨ មេសា) បំណងឆ្លុះអេកូ ក្រែងលោ ស្រាំលលាដ៏ក្បាល។ តែពេទ្យណែនាំឲ្យ តាមដានអាការៈ អាសន្នមួយចំនួនសិន ដូចជា ប្រកាច់ ក្អួតចង្អោរ ធីងធោង ដេកសន្លឹម…។ វេជ្ជបណ្ឌិតក្មេង (ដែលទំនងជាពេទ្យកម្មសិក្សា) មិនបានចេញវេជ្ជបញ្ជា ដើម្បីបើកថ្នាំផ្សៈ ថ្នាំបន្ថយកំដៅ ឬ ថ្នាំពេទ្យមួយគ្រាប់ឡើយ ឬសូម្បីតែការណែនាំឲ្យ លាបប្រេងខ្យល់ លើកន្លែងដួលបោកក្បាលក៏គ្មានដែរ។ គាត់មានត្រឹមតែពាក្យថា សូមដានតាមអាការៈកូនមួយរយៈ តាមក្រដាសណែនាំមួយសន្លឹកប៉ុណ្ណោះ។ ខ្ញុំបញ្ជាក់ថា កូនខ្ញុំដួលពីលើតុបោកក្បាលផ្នែកខាងក្រោយ ហើយខ្ញុំសុំបើកថ្នាំវីតាមីនខ្លះ តែគាត់តបថា បើមិនជឿពេទ្យក៏តាមចិត្ត។ សរុបទឹកប្រាក់ ថ្លៃប្រឹក្សាយោបល់ បីនាទី ពេទ្យ ស្ទាបក្បាលកូនបន្តិច អស់ មួយម៉ឺនប្រាំពាន់រៀល។

ខ្ញុំបានសុំច្បាប់ការងារសម្រាក ពីរថ្ងៃ ដើម្បីតាមដានអាការៈកូន ៤៨ម៉ោង តាមក្រដាសណែនាំ។ សភាពកូនប្រុស ដូចជា ធម្មតា មិនខុសប្រក្រតីខ្លាំងឡើយ។ ទើបតែ ព្រឹកថ្ងៃសៅរ៍នេះ គាត់ប្រែប្រួលខ្លាំង…

ប៉ុន្មាននាទីនោះ ខ្ញុំខំប្រឹងប្រមូលអារម្មណ៍ ដើម្បីគិតរកវិធីសង្គ្រោះកូនប្រុស។ ខ្ញុំរលឹកឃើញសម្តីគ្រូពេទ្យឯកទេសរោគកុមារ ដែលជា ស្វាមី របស់មិត្តភក្តិប្រពន្ធខ្ញុំ។ ក្រោយចេញពី មន្ទីរពេទ្យកុមារជាតិ យើងបានទៅជួបគាត់។ គាត់បាន បើកថ្នាំមួយចំនួន ដើម្បីការពារគ្រាំក្នុង បន្ថយកំដៅ… គាត់ផ្តាំថា ត្រូវតែឲ្យ កូនញាំថ្នាំនោះ ដើម្បីការពារ និងព្យាបាល។ ខ្ញុំបញ្ចកថ្នាំកូនដែលម៉ាក់យាយលាយរួច អស់មួយសារ៉ាង បន្ទាប់មក ចាប់កូនកូសខ្យល់ជាមួយនឹង ក្រូចឆ្មារ ដែលម៉ាក់យាយ ទៅទិញក្បែរផ្ទះភ្លាមៗ។

៥នាទីក្រោយមក សគុណ ផ្តើមញញឹមញញែម អាច រត់លេងបានវិញ និងញាំអាហារព្រឹក ហើយ ម៉ោង១១ថ្ងៃត្រង់ សគុណ អាចគេងលក់បាន ដូចធម្មតាវិញ បន្ទាប់ពី រត់លេងជាមួយក្មេងជិតខាង បៅទឹកដោះគោអស់ ៥លេខ និងម៉ាក់យាយយោងអង្រឹងជិតកន្លះម៉ោង។ តាមធម្មតា ពេលព្រឹក ឬរសៀល សគុណ គេងចន្លោះ ៣០នាទី ទៅដល់ ២ម៉ោង។

ម៉ាកយាយសន្និដ្ឋានថា សគុណ គ្រាន់តែកើតខ្យល់ចាប់ ប៉ុណ្ណោះ។

Advertisements

Mentor​ – sourmouy.com

បញ្ចេញមតិ

សួរមួយ ឬ http://www.sourmouy.com ជា​ វេទិការអនឡាញ សំរាប់ការប្រឹក្សាយោបល់ដល់ សិស្សានុសិស្ស នៅវិទ្យាល័យ និងនិស្សិតនៅ មហាវិទ្យាល័យ ទាក់ទងនឹងការជ្រើសរើសមុខវិជ្ជា នៅថ្នាក់ឧត្តមសិក្សា ការសិក្សាជំនាញបច្ចេកទេសវិជ្ជាជីវៈ សហគ្រិនភាព ការស្វែងរកអាហារូបករណ៍ក្រៅប្រទេស និងពិភាក្សាអំពីការរៀបចំគំរោងការងារអនាគត។

គេហទំព័រនេះ នឹងប្រកាសឲ្យប្រើប្រាស់ជាផ្លូវការ នៅថ្ងៃអាទិត្យនេះហើយ !

16-03-07-fifdh-head-grand-voyage-cinema-cambodge-marie-de-lutzimg-2573-web

ខ្ញុំក៏បាន​ចុះឈ្មោះ ដើម្បីធ្វើជា Mentor ម្នាក់ដែរ !

 

 

Happy 3rd Wedding Anniversary

បញ្ចេញមតិ

ចំពោះអ្នកដទៃ ថ្ងៃទី៨ មីនា គឺជា ទិវាសិទ្ធិនារីអន្តរជាតិ តែសម្រាប់ពួកយើង វាលើសពីនេះ គឺវាជា ខួបអាពាហ៍ពិពាហ៍ នៃចំណងស្នេហ៍មួយ។
#អរគុណដែលចូលមកក្នុងជីវិតបង

សិក្ខាកាមឆ្នើម

បញ្ចេញមតិ

Outstanding Sopheak CCI 2018

លោក ស្រី សុភ័ក្រ្ត ទទួល លិខិតសរសើរ ជា សិក្ខាកាមឆ្នើម ពី នាយកវិទ្យាស្ថានសារគមនាគមន៍កម្ពុជា លោក សោម រតនា កាលពីថ្ងៃទី២០ កុម្ភៈ ឆ្នាំ២០១៨

នៅរសៀលថ្ងៃអង្គារ ទី២០ ខែកុម្ភៈនេះ ខ្ញុំត្រូវបាន​ជាប់ឈ្មោះជា «សិក្ខាកាមឆ្នើម» ក្នុងវគ្គបណ្តុះបណ្តាលមួយ ក្រោមគម្រោង «សិទ្ធិទទួលព័ត៌មាន» របស់ វិទ្យាស្ថានសារគមនាគមន៍កម្ពុជា។ ជាវគ្គបណ្តុះបណ្តាលគាំទ្រថវិកាដោយ​ទីភ្នាក់ងារជំនួយអភិវឌ្ឍន៍អន្តរជាតិប្រទេសស៊ុយអែត (SIDA) តាមរយះ អង្គការ UNESCO។ វគ្គនេះ បង្រៀនរៀងរាល់ថ្ងៃព្រហស្បតិ៍ សុក្រ សៅរ៍ ពេញមួយថ្ងៃ រយះពេល ៤ខែ ដោយក្នុងនោះ ២៣ថ្ងៃ រៀនទ្រឹស្តី ក្នុងថ្នាក់ សល់ប៉ុន្មាន សិក្ខាកាមចុះអនុវត្តសម្ភាសន៍ដោយផ្ទាល់ តែគ្មានគ្រូបង្គោលចុះទៅមូលដ្ឋានជាមួយទេ។ សិក្ខាកាម ត្រូវបាន​ផ្តល់ការអប់រំទាក់ទងនឹង ប្រធានបទបី ចំបង គឺ

  • សិទ្ធិទទួលព័ត៌មាន (ណែនាំដោយ លោកគ្រូ គង់ ផល្លៈ)
  • ក្រមសីលធម៌ព័ត៌មាន (ណែនាំដោយ លោកគ្រូ កៃ គឹមសុង)
  • ការរាយការណ៍ព័ត៌មានបែបសើបអង្កេត (ណែនាំដោយ លោកគ្រូ មឿន ឈានណារិទ្ធិ)

ចំណុចខ្លាំង និងទាក់ទាញសិក្ខាកាមផ្សេងទៀត ក៏ដូចជា រូបខ្ញុំដែរ សម្រាប់វគ្គបណ្តុះបណ្តាលនេះគឺ សិក្ខាកាម សុទ្ធតែអាចទទួលបាន ១០ដុល្លារ (២៣ថ្ងៃ គុណនឹង ១០ដុល្លារ = ២៣០ដុល្លារ) អំឡុងពេលសិក្សាក្នុងថ្នាក់ពេញមួយថ្ងៃ ហើយនៅពេលបញ្ចប់វគ្គ សិក្ខាកាមតម្រូវឲ្យ សរសេរអត្ថបទបែបសើបអង្កេតមួយ ដើម្បីបញ្ចប់វគ្គសិក្សា ហើយអាចទទួលបាន ៣០ដុល្លារ បន្ថែមទៀត។

សម្រាប់ខ្ញុំ វគ្គសិក្សានេះ មានចំណុចថ្មី គួរឲ្យចាប់អារម្មណ៍ជាច្រើន ហើយ​ខ្ញុំក៏ទទួលបានចំណេះដឹងពី រៀមច្បងអ្នកកាសែតមួយចំនួន ទាក់ទងនឹងការផលិតព័ត៌មានសើបអង្កេតផងដែរ។

ចំពោះប្រធានបទដែលខ្ញុំរើសតាំងពីដំបូងសម្រាប់សរសេរព័ត៌មាននៅចុងបញ្ចប់នៃវគ្គសិក្សា គឺ «អគារប៊ូឌីងស» ព្រោះជា ប្រធានបទដែល ទាក់ទងនឹងការងារជា មន្រ្តីព័ត៌មានរបស់ខ្ញុំ ត្រូវសរសេរករណីជោគជ័យ នៃដំណោះស្រាយសម្រាប់ពលរដ្ឋរស់នៅអគារនេះ។​

ខ្ញុំគិតថា អត្ថបទឆ្នើមរបស់ខ្ញុំ លេចធ្លោ បានក៏ដោយសារ ​ខ្ញុំមានលោកគ្រូណែនាំដ៏ល្អ គឺ លោក កៃ គឹមសុុង ដែលបានចំណាយពេលវេលាដ៏មានតម្លៃ ណាត់ជួបកូនសិស្សដូចជា ខ្ញុំ ប៉ាវទឹកដូងត្រជាក់មួយផ្លែ បង្ហាញពីរបៀបសរសេរ និងសំណួរគន្លឹះសម្ភាសន៍សម្រាប់សម្ភាសន៍ ហើយចុងក្រោយលោកជួយសម្រួលឃ្លាឃ្លោងយ៉ាងស្អាតមុនពេលបញ្ជូនទៅឲ្យខាងសាលា។

img_20180220_204544_537437319741.jpg

លោក ស្រី សុភ័ក្រ្ត សិក្ខាកាមឆ្នើម និងលោកគ្រូណែនាំ កែ គឹមសុង (រូបថត ៖ ២០ កុម្ភៈ ២០១៨)

ចំណាយពេល ជាង ៤ខែ ទីបំផុតអាចទទួលបានថវិកាមួយចំនួន ទិញបានម៉ាស៊ីនថតសម្លេងមួយ សញ្ញាបត្រមួយ និងលិខិតសរសើរមួយដែរ…

Sony Stereo IC Recorder 18 Nov 2017

ម៉ាស៊ីនថតសម្លេង តម្លៃ ៦៣ដុល្លារ ប៉ុណ្ណោះ បានទិញកាលពីថ្ងៃទី១៨ វិច្ឆិកា ២០១៧

Outstanding Student CCI 2018

សញ្ញាបត្របញ្ជាក់ការសិក្សា និង​ លិខិតសរសើរ សិក្ខាកាមឆ្នើមរបស់លោក ស្រី សុភ័ក្រ្ត ចេញផ្សាយដោយ វិទ្យាស្ថាន​សារគមនាគមន៍កម្ពុជា ថ្ងៃទី២០ កុម្ភៈ ២០១៨

 

 

 

គាត់បាន​ស្បើយបន្តិចហើយ

បញ្ចេញមតិ

អំឡុងជិតភ្លឺព្រឹកមិញនេះ​ កូនប្រុសខ្ញុំ ស្រែកខ្លាំងល្មមដាក់ត្រចៀកខ្ញុំថា «ប៉ាប៉ា» ! ខ្ញុំក៏ស្រវាម្នីម្នាភ្ញាក់រលឹកតាមរកប្រភពសម្លេងរបស់ គាត់។ សង្កេតមើលយូរបន្តិចទើបដឹងថា គាត់កំពុងមមើ (និយាយក្នុងវេលាកំពុងដេកលក់) ព្រោះ​ ឃើញភ្នែកគាត់នៅបិទជិតនៅឡើយ តែម៉ាត់ខ្ជឹបខំប្រឹងញញឹមពព្រាយ។ ឃើញគាត់សប្បាយចិត្តចឹង ខ្ញុំក៏សប្បាយចិត្តដែរ និងរឹតតែធូរចិត្តពេលឃើញគាត់ស្បើយពីរោគាបន្តិចហើយ។

ខ្ញុំបានសុំច្បាប់សម្រាកមើលកូនមួយថ្ងៃ បូករួមថ្ងៃសៅរ៍ និងអាទិត្យ គឺខ្ញុំបាន​ចំណាយពេលវេលា ៣ថ្ងៃគត់ ដើម្បីមើលថែគាត់ មិនឲ្យ​នៅឆ្ងាយពីភ្នែក ព្រោះគាត់ក្អក រលាកបំពងកអំឡុងពេល អាកាសធាតុប្រែត្រជាក់បែបនេះ បើគ្មានអ្នកមើលដឹតដល់ពិបាកស្បើយរោគាណាស់។ សូម្បីម្សិលមិញ ត្រូវធ្វើដំណើរទៅ​ខេត្តកំពត ជាមួយតាយាយ ក៏ខ្ញុំប្រកែក​មិនចង់ឲ្យកូនទៅផង ព្រោះខ្លាចត្រូវម៉ាស៊ីនត្រជាក់ តែខ្ញុំយល់ចិត្តកូនថា ចង់ដើរលេង ទើបព្រមជូនគាត់ទៅ។ គាត់ពិតជា ចង់ដើរលេងមែន ដើររាប់ម៉ោង រត់លេងពេញផ្ទះ ដែលយើងបានចូលលេង។ គាត់ហាក់ អត់​ហត់សោះ សូម្បីតែពេល​ព្រឹកក៏មិនងងុយដេក តែសុខចិត្ត​ដេកពេលត្រឡប់មកផ្ទះវិញ។ លេងច្រើនពេក ទើបគេងយប់មមើ​ ញញឹម (ប្រហែលពេញចិត្តបានរត់លេង) និងស្រែកហៅ ប៉ាប៉ា ខ្លាច ប៉ាប៉ា រត់ចោល។

មុនពេល ប៉ាប៉ា ចេញមកធ្វើការ ក៏មិនដាច់ចិត្តឲ្យ ប៉ាប៉ា ទៅចោលដែរ យំតាម អោបឲ្យជាប់ទ្រូង ទាល់តែ​ឃើញ កាតាបធ្វើការ ទើបសុខចិត្តព្រលែងដៃ…

ប្រពន្ធសរសើរ

បញ្ចេញមតិ

ពេលខ្លះ ខ្ញុំនឹកមិនសរសើរប្តីរបស់ខ្ញុំ មិនបាន សម្រាប់ការដើរតួនាទី ជា លោកប៉ា ដ៏អស្ចារ្យ ក្នុងការចំណាយពេលវេលា មើលថែរក្សា ប្រុសក្មេងដ៏សែនរពិសបានយ៉ាងល្អ។

ជាពិសេស គាត់អនុញ្ញាតអោយខ្ញុំ ធ្វើអ្វីដែលខ្ញុំចង់ធ្វើ មិនថា រៀន ទៅសិក្ខាសាលា ការងារស្មគ្រ័ចិត្ត ឬ អាជីវកម្មកំប៉ិចកំប៉ុងនាពេលចុងសប្តាហឡើយ។ សព្វថ្ងៃ ខ្ញុំអភិវឌ្ឍន៍ចំនេះដឹងបានដល់កំរិតនេះ ក៏ដោយសារតែបើកចិត្ត និងផ្តល់ភាពកក់ក្តៅរបស់បុរសកំពស់ត្នោតម្នាក់នេះ។

យ៉ាងណា មើលមួយភ្លេតដូចសាមញ្ញណាស់ តែបុរសម្នាក់នេះ ធ្វើអោយខ្ញុំមានមោទនភាព និងមានសំណាងបំផុត។

Source : Sorn Sokkheang Facebook 

Sorn Sokkheang 4 Jan 2018

សញ្ញាបត្រជំនាញ​ចិញ្ចឹមកូន វគ្គមួយ និងវគ្គពីរ

ខ្សែអ្នកអាមេរិក

បញ្ចេញមតិ

ថ្ងៃនេះ (០១ កុម្ភៈ ២០១៧ – ០១ កុម្ភៈ ២០១៨) មួយឆ្នាំគត់ ដែល «ក្មួយស្រី» ញាតិខាងឳពុករបស់ខ្ញុំ ចាកចេញពីកម្ពុជា ទៅរស់នៅជាមួយ ស្វាមី លើទឹកដី សហរដ្ឋអាមេរិក រដ្ឋ Los Angeles។ យាយរបស់នាង ត្រូវជា ប្អូនស្រី របស់ ប៉ាខ្ញុំ ម្តាយរបស់នាង ត្រូវជា បងស្រីជីដូនមួយ របស់ខ្ញុំ ចឹង នាងត្រូវហៅ ខ្ញុំថា «ពូភ័ក្រ្ត»។

ការដែលនាងអាចទៅរស់នៅលើទឹកដីអាមេរិកបាន មិនមែនជារឿងចៃដន្យទេ។ មិនមែនចៃដន្យ ព្រោះនាងបានប៉ងប្រាថ្នារស់នៅលើទឹកដីអាមេរិកតាំងពីកុមារភាព មិនទាន់ពេញវ័យមកម្ល៉េះ។ តាំងពីពេលដែល មីង របស់នាង រៀបការស្វាមី ហើយទៅរស់នៅអាមេរិក មានការងារធ្វើ មានលទ្ធភាពចាយលុយរាប់ម៉ឺនដុល្លារមកជួយក្រុមគ្រួសារនៅស្រុកខ្មែរ និងធានាយាយរបស់នាង ទៅរស់នៅអាមេរិក… នាងរឹតតែបង្កើនការសន្សំចិត្ត ក្តីសុបិន្តចង់ទៅរស់នៅទឹកដីយក្សថែមមួយកម្រិតទៀត។ នាងធ្លាប់ប្រាប់ខ្ញុំថា សុបិន្តធំរបស់នាង គឺបានរស់នៅលើទឹកដីអាមេរិក មានលុយជួយក្រុមគ្រួសារនាងនៅស្រុកខ្មែរ សង់ហ្គារ៉ាស់សាំងមួយ ឲ្យប៉ាប៉ា របស់នាងរកចំណូលនៅពេលចាស់។

ទម្រាំបានទៅរស់នៅសហរដ្ឋអាមេរិក នាងត្រូវបោះបង់បេះដូងបុរស-នារីស្រុកខ្មែរ រាប់សិបនាក់ រាប់ទាំងអ្នកស្រឡាញ់នាង និងអ្នកដែលនាងស្រឡាញ់។ នាងត្រូវរៀបការជាមួយនឹងអ្នកអាមេរិកដែលមានអាយុច្រើនជាងនាងប្រមាណ ៣ឆ្នាំប៉ុណ្ណោះ តាមការណែនាំពី ម្តាយមីង កំពុងរស់នៅអាមេរិកស្រាប់។ រៀបការរួច ត្រូវរងចាំខាងស្ថានទូត ណាត់សម្ភាសន៍រាប់ឆ្នាំ (មិនមែនពីរ ឬបីឆ្នាំ តែគឺជិតបួនឆ្នាំ)។ លុះបានសម្ភាសន៍ ក៏ជាប់ភ្លាមតែម្តង។ ទោះបីនាងធ្លាប់អស់សង្ឃឹម ធ្លាប់ចង់បោះបង់សុបិន្តនេះចោល (បានខ្ញុំនៅលើកទឹកចិត្តដែរ) តែ ទីបំផុត សុបិន្តរបស់នាងកំពុងតែក្លាយជាការពិត…

ការសម្រេចសុបិន្តអាចទៅរស់នៅអាមេរិករបស់នាង បង្រៀនខ្ញុំថា «កើតជាមនុស្សត្រូវហ៊ានសុបិន្ត ហើយកុំបោះបង់!»

ស្លាយដ៍សូវ៍​នេះ​ត្រូវការ JavaScript។

នាងធ្លាប់ជា ញាតិយល់ចិត្ត និងស្និតស្នាលជាងគេបំផុតរបស់ខ្ញុំ។ តែវាបានក្លាយជា អតីតកាល ទៅហើយ តាំងពីពេលដែលមាន ស្នេហា (សង្សារប្រុសនាង មុខម៉េចខ្ញុំក៏មិនដឹងផង) និងរៀបការរួច។ ពីមុន ខ្ញុំជា ញាតិតែម្នាក់គត់ ដែលនាងតែងតែត្អួញត្អែរ ប្រឹក្សាយោបល់ និងអាចស្វែងរកជំនួយបាន។ អាចមកពី ខ្ញុំទុកនាងចោលយូរពេកដែរ ទើបគន្លាតរវាងយើងកាន់តែឆ្ងាយទៅឆ្ងាយទៅ… ពីរឆ្នាំអីទើបយើងបានប្រាស្រ័យទាក់ទងគ្នាម្តង… ក្រោយពេលនាងមានស្នេហា និងរៀបការរួច រឹតតែមិនសូវមានទំនាក់ទំនង… ។ ខ្ញុំដឹងថា នាងលំបាកច្រើន និងលះបង់ដើម្បីគ្រួសារ… តែ ឥលូវ នាងទៅដល់អាមេរិក ទាំងនាងធ្លាប់ធ្វើការងារប្រើកម្លាំងពីមុន និងចំណេះមូលដ្ឋានស្រាប់ ទឹកដីថ្មី គ្មានអ្វីជា ឧបសគ្គសម្រាប់នាង ប្រកបរបរចិញ្ចឹមជីវិត ឬរកចំណូលឡើយ។ ជូនពរឲ្យ នាងសម្រេចបំណងរំពឹងទុកទាំងឡាយ ដោយក្តីរីករាយ…

នៅពេលនេះខ្ញុំចង់រំលឹកនាងថា «ពាក្យសន្យារបស់ខ្ញុំជាមួយនឹងនាង មុនពេលនាងចាកចេញទៅ អាមេរិក ខ្ញុំបានបំពេញរួចរាល់ហើយ…» ។ សង្ឃឹមថា នាងក៏កុំភ្លេចខ្លួន សាក់រូប សាក់ចិញ្ចើម… ដូចធ្លាប់សន្យាជាមួយនឹងខ្ញុំដែរ!

Be happy, take care and good luck my beloved one!

នឹកណាស់… នឹកស្នាមញញឹម នឹកមុខសេដ នឹកអនុស្សាវរីយ៍កន្លង…

Older Entries

EverydayBuzz

All that is Interesting

Romduol Experience

Your Best Site for your home experience

StreiKhmer/ ស្រ្តីខ្មែរ

Inspired by Youth, Do it for Youth

ម៉ាយ-ទីនេះ

Entertainment, Travel...

Dr Sopheap Phan

Life and Work

Monkey Driver

Tour & travel agency

ឯកសារ​ច្បាប់​ខ្មែរ

គេហទំព័រ ចែក​រំលែក​ គ្មាន​ដែន​កំណត់!

ទៅ​លេង​សៀមរាប​

តើ​គួរ​ទៅ​លេង​ឯ​ណា​ខ្លះទៅហ្ន៎?​

ស្រី សិទ្ធិ សួស្ដី ជ័យ

សិរី សេចក្ដីសម្រេច សួស្ដី ជ័យជម្នះ

HERITAGE_KH

Promote cultural heritage in Cambodia for public awareness

Yin Rany / យិន រ៉ានី

When there is a will, then there is a way.

solarooham

4 out of 5 dentists recommend this WordPress.com site

មាន​សង្ឃឹម

ចង់​ឃើញ​ស្នាម​ញញឹម​លើ​ផ្ទៃ​មុខ​មនុស្ស​គ្រប់​គ្នា

Noan Sereiboth

Together for Our Nation

ឃុន សចរិយា

អតីតកាលជាកញ្ចក់ឆ្លុះបញ្ចាំងអនាគត

សំណេរក្មេងតូច

This is a blog where you can read contemporary khmer poetry and short fiction!

Chouk Khmer

...a knowledge bank in Khmer

khmerforkhmernet

ខ្មែររួបរួមគ្នាដើម្បីកសាងសង្គមជាតិដ៏ល្អប្រសើរមួយសំរាប់ខ្មែរគ្រប់គ្នា

ម៉ាំប្រហុក

កាន់តែរៀនកាន់តែល្ងង់ The more you learn the more you become ignorant

វាយោស្រុកស្រែ

ជំនោរ រសាត់ រសាប់រសល់ រសេះរសោះ​ រសេមរសាម

ស៊ូសុធារី

ការចែករំលែករបស់ខ្ញុំទៅកាន់អ្នក

SSK News

Enjoy all news in our website and keep update with us. From SSK All for Memory (by Saky SSK)

Thea Literature Blog

Just want to write something beneficial for the world.

ជ្រិន សុជាតិ

រក្សាស្នាដៃ និងគំនិតអ្នកប្រាជ្ញ

mcuubu.wordpress.com/

[URL=http://info.flagcounter.com/XivV][IMG]http://s03.flagcounter.com/count/XivV/bg_FFFFFF/txt_000000/border_CCCCCC/columns_2/maxflags_12/viewers_0/labels_0/pageviews_0/flags_0/[/IMG][/URL]

love ٩(●̮̃•)۶ novel

“If you were expecting Prince Charming, I'm sorry. He's with his boyfriend.”

yongieyuki

Reading is the best choice for you

ស្នាមញញឹម

ស្នាមញញឹមរបស់អ្នកជាមហោសថសម្រាប់មនុស្សដែលស្រឡាញ់អ្នក

MAKING A COME BACK

Free from the fires of greed. (Panha Udom@ All rights reserved, 2017)

ទេវតាចិត្តល្អ

ឆ្អែតណាក៏មិនស្មើនឹងស្កប់ សុខណាក៍មិនស្មើនឹងស្ងប់

Tola Moeun

Every individual deserves equal rights

Photo Khmer

A fine WordPress.com site

Cheasovann

No One Is Perfect!

ប្លក់សុផាត បន្ទាយមានជ័យ

ជីវិតអ្នកមកពីជនបទ!

%d bloggers like this: