ទំព័រដើម

ហ្វេសប៊ុក​​វិទ្យុ​​បារាំង-ខេមរភាសា​ មាន​​​អ្នក​​ចុច Likes លើស ៣​​លាន​​នាក់​ !

បញ្ចេញមតិ

អត្ថបទដោយ៖ ស្រី សុភ័ក្រ្ត
ពិនិត្យដោយ ៖ ហ្សង់ ហ្វង់ស័រ តាន់

បណ្តាញសង្គមហ្វេសប៊ុក របស់ វិទ្យុបារាំងអន្តរជាតិ ផ្សាយជា ខេមរភាសា (www.facebook.com/RFIKhmer) កាលពីថ្ងៃទី១៨ ខែមេសា បានកើនចំនួនអ្នកចុច Likes លើស ៣លាន ហើយ ! បើតាម គេហទំព័រវិភាគបណ្តាញសង្គមហ្វេសប៊ុក ក្នុងចំណោមអ្នកប្រើប្រាស់ហ្វេសប៊ុកនៅកម្ពុជា សរុបជាង ៤លាន៨សែន មាន អ្នកចុច Likes ហ្វេសប៊ុក វិទ្យុបារាំង-ខេមរភាសា ជាង ២លាន៤សែន ឬ ស្មើនឹង ពាក់កណ្តាលនៃ អ្នកប្រើប្រាស់ហ្វេសប៊ុកទាំងអស់ នៅកម្ពុជា។

RFI Likes Social Bakers 2017 copy

វិទ្យុបារាំងអន្តរជាតិ (Radio France Internationale – RFI) ត្រូវបានបង្កើតឡើងដំបូង ក្នុងឆ្នាំ១៩៧៥។ បច្ចុប្បន្នវិទ្យុ RFI ផ្សាយ ២៤ម៉ោងក្នុងមួយថ្ងៃ ជាភាសាបារាំង និង១៤ ភាសាផ្សេងទៀត ក្នុងនោះរួមទាំង ខេមរភាសាផងដែរ។

រីឯ វិទ្យុបារាំងអន្តរជាតិជាភាសាខ្មែរវិញ បានផ្តើមឡើងនៅឆ្នាំ១៩៩៣ ផ្សាយមួយថ្ងៃមួយម៉ោង រហូតដល់ឆ្នាំ២០១៣ ពីទីក្រុងបារីស ប្រទេសបារាំង។ ក្រោយមកទៀត គឺ នៅខែមិថុនា ឆ្នាំ២០១៣ វិទ្យុ RFI ជាភាសាខ្មែរ បានមកដាក់ទីតាំងផ្សាយ នៅក្នុងទីក្រុងភ្នំពេញ ប្រទេសកម្ពុជា តែម្តង តាមរលកធាតុអាកាស FM 92 MHz នៅភ្នំពេញ និងសៀមរាប និង FM 94.5 MHz នៅបាត់ដំបង កំពង់ចាម និងទីក្រុងព្រះសីហនុ។

បើតាមការស្ទង់មតិមួយ ផ្តួចផ្តើមឡើងដោយ វិទ្យុបារាំងអន្តរជាតិ RFI ផ្ទាល់ នៅដើមឆ្នាំ២០១៤ ការផ្សាយជា ខេមរភាសា របស់ វិទ្យុRFI មានអ្នកស្តាប់យ៉ាងទៀងទាត់ ប្រមាណមួយលាននាក់ ក្នុងមួយសប្តាហ៍។ ដោយឡែក នៅឆ្នាំ២០១៤ដដែលនោះ  ទំព័រហ្វេសប៊ុករបស់ វិទ្យុបារាំង-ខេមរភាសា មានអ្នកចុច Likes ជាង ៧៥ម៉ឺននាក់ប៉ុណ្ណោះ។ បីឆ្នាំក្រោយមក ពោលគឺ ក្នុងខែមេសា ឆ្នាំ២០១៧នេះ អ្នកចុច Likes បានកើនឡើងលើស ៣លាននាក់  ហើយបន្ថែមពីនេះ រាល់អត្ថបទ ដែលបានផ្សព្វផ្សាយនៅលើ ហ្វេសប៊ុក វិទ្យុបារាំង-ខេមរភាសា បានប៉ះពាល់ និងបានទៅដល់ អ្នកប្រើប្រាស់ហ្វេសប៊ុក ជិត ៤លាននាក់ ក្នុងមួយសប្តាហ៍។

អត្តសញ្ញាណរបស់ វិទ្យុបារាំង-ខេមរភាសា គឺ ព័ត៌មាន ! កម្មវិធីព័ត៌មានដែលសំខាន់ជាងគេ គឺពេលព្រឹក ពីម៉ោង៧ ដល់ម៉ោង៨ ថ្ងៃរសៀលពីម៉ោង១ ដល់ម៉ោង២ និងពេលយប់ពី ម៉ោង៧ ដល់ម៉ោង៨។ លើសពីនេះទៅទៀត រៀងរាល់មួយម៉ោងម្តង វិទ្យុបារាំង-ខេមរភាសា មានផ្សាយព័ត៌មានខ្លី ទាន់ហេតុការណ៍ ទាំងជាតិ និងទាំងអន្តរជាតិ។ វិទ្យុបារាំង-ខេមរភាសា ក៏ផ្សព្វផ្សាយ ក្នុងគោលដៅផ្តល់ចំណេះដឹង ទាក់ទងនឹងព្រឹត្តការណ៍ព័ត៌មានជាតិ-អន្តរជាតិថ្មីៗទាន់ហេតុការណ៍ បទយកការណ៍ បទវិភាគ អំពីភូមិសាស្រ្តនយោបាយ ប្រវត្តិសាស្រ្តខ្មែរ-ពិភពលោក អក្សរសិល្ប៍ខ្មែរ-អក្សរសិល្ប៍ បារាំង សុខភាព-អនាម័យ ។ល។និង។ល។

អ្នកសារព័ត៌មានរបស់ វិទ្យុបារាំង-ខេមរភាសា មានពីរក្រុម និងបុគ្គលិកទាំងអស់ជាង ៣០នាក់។ មួយក្រុម នៅទីក្រុងប៉ារីស ប្រទេសបារាំង ចាត់ចែងព័ត៌មានអន្តរជាតិ និងមួយក្រុមទៀត នៅទីក្រុងភ្នំពេញ ប្រទេសកម្ពុជា តាមដានជាពិសេសព្រឹត្តិការណ៍ព័ត៌មានជាតិ។

គួរជម្រាបថា តាមគេហទំព័រ តាមដានបណ្តាញសង្គម Geeks in Cambodia នៅប្រទេសកម្ពុជា មានអ្នកប្រើប្រាស់ហ្វេសប៊ុក ប្រមាណជាង ៤លាន៨សែន គិតត្រឹមដើមឆ្នាំ២០១៧។ តាមគេហទំព័រវិភាគបណ្តាញសង្គម Socialbakers បានបង្ហាញថា ក្នុងចំណោមអ្នកចុច Likes ហ្វេសប៊ុក វិទ្យុបារាំង-ខេមរភាសា ជាង ៣លាននោះ អ្នកចុច Likes ជាង ២លាន៤សែន ឬ ស្មើនឹង ៨០% គឺជា អ្នកប្រើប្រាស់ហ្វេសប៊ុក នៅកម្ពុជា ហើយ អ្នកចូលចិត្ត តាមដាន គាំទ្រ បន្តបន្ទាប់ទៀត គឺជា អ្នកប្រើប្រាស់ហ្វេសប៊ុក នៅក្នុងប្រទេសវៀតណាម ថៃ ភូមា  សហរដ្ឋអាមេរិកជាដើម៕

 

មានផ្សាយនៅលើ គេហទំព័រវិទ្យុបារាំងអន្តរជាតិ ៖ khmer.rfi.fr/cambodia/rfi-3m-likes-19-04-2017

Advertisements

My BD 36th

2 មតិ

ឆ្លងផុតម៉ោង៧និង៣០នាទីយប់នេះ ខ្ញុំឈានចូលវ័យ ៣៦ឆ្នាំ ជាផ្លូវការហើយ ! (មិនមែនក្មេងទេ ទោះបី សាច់ចាំ មុខក្មេងជាងវ័យ ក៏ដោយ) :):):)

ដល់វ័យប៉ុណ្ណេះ ទ្រព្យដ៏មហិមារបស់ខ្ញុំ គឺ កូនប្រុសមួយ #ស្រីសម្បត្តិសគុណ 😍😍😍

អរគុណប្រពន្ធសម្លាញ់ #ស៊នសុខឃៀង សម្រាប់ការផលិតកូនប្រុសមួយនេះ ដូចខ្ញុំទាំងភ្នែក ដៃជើង និងទម្រង់មុខ។

ទោះបីជា ប៉ាប៉ា មិនសូវសង្ហា តែក៏មិនខ្វះមនុស្សស្រីស្រឡាញ់ដែរកូនប្រុស។ ចឹងសង្ហាត្រឹមប៉ាប៉ា គឺ អាចទទួលយកបានហើយ។ ;););)

image

សូមឲ្យអំពើល្អដែលខ្ញុំបានសាងកន្លងមក  ក្លាយជាកុសលមួយ ជួយតាមថែរក្សាការពារកូនប្រុសរបស់ខ្ញុំ ប្រកបដោយសុខភាពល្អ ប្រាជ្ញាឆ្លាតវៃ ស្រស់សង្ហា និងពើបប្រទះតែរឿងល្អៗក្នុងជីវិត…

PHNOM PENH POST SHIT US

បញ្ចេញមតិ

នៅល្ងាច ថ្ងៃអាទិត្យ ទី១៩ មីនា នេះ កាសែតភ្នំពេញប៉ុស្តិ៍ ភាសាអង់គ្លេស បានផ្សាយឡើងវិញ តាមរយះហ្វេសប៊ុករបស់ខ្លួន នូវ អត្ថបទមួយ ដែលប្រពន្ធរបស់ខ្ញុំ ធ្លាប់ផ្តល់ បទសម្ភាសន៍ តាំងពី អំឡុង ខែមករា ឆ្នាំ២០១៧ ទាក់ទងនឹង ផ្ទះក្នុងសុបិន្ត។

ខុសពីលើកមុន កាសែតដាក់ចំណងជើងត្រឹមថា《ស្វាមីភរិយាវ័យក្មេងភាគច្រើន ប្រាថ្នាចង់បានជីវភាពរស់នៅ បែបទំនើបទាន់ សម័យ》លើកនេះ គេថែម សំណួរថា《តើពួកគេអាចលៃលក់ទិញផ្ទះនោះបានទេ !?》

image

image

ជាចំណងជើង ដែលទាក់ទាញ មតិ រិះគន់ (អវិជ្ជមាន) ជាច្រើន។ អ្នករិះគន់ទៀតសោត ជា ជនបរទេស ដែលគិតថា ខ្លួនឆ្លាត ឬសំបូរយោបល់។ យ៉ាងណា មនុស្សតែងមាន ទស្សនៈ និងការយល់ឃើញផ្សេងគ្នា។ រាល់ទស្សនៈ មិនខុសនោះទេ ព្រោះ មនុស្សមានខួរ ឬអត់ខួរ ក៏តែងមាន ទស្សនៈនិងការយល់ឃើញរៀងខ្លួនដែរ។

តាមពិត ខ្ញុំមិនចង់ប្រតិកម្មអ្វីទៅលើ ចំណង
ជើងរឿង ដើម្បីទាក់ទាញ អ្នកអានមួយនេះទេ តែប្រពន្ធខ្ញុំប្រាប់ថា គាត់រន្ធត់ចិត្ត នឹងពាក្យរិះគន់ របស់អ្នកអាន។ គាត់មិនសុខចិត្ត គាត់បាន ខលសួរ អ្នកយកព័ត៌មាន ដែលសរសេរអត្ថបទនោះ ភ្លាមៗ បន្ទាប់ពីដឹងរឿង តាមការ tag ឈ្មោះគាត់ ក្នុងអត្ថបទ។ អ្នកសរសេរអត្ថបទនោះ បានបកស្រាយថា គាត់ឈប់ធ្វើការទីនោះហើយ តាំងពីខែមករា ដែរ ដោយ សារ និពន្ធនាយក។

ងាកមក ប្រតិកម្មរបស់ខ្ញុំវិញ !

ផ្ញើជូន និពន្ធនាយកក្បាលសំរាម [ថាតាមអ្នកយកព័ត៌មានទេ] !

image

មិនថា លោកមានបទពិសោធន៍ច្រើនឆ្នាំហើយ ឬទើបចេញពី សាលាកាសែតទេ តែលោកកំពុងតែ បំផ្លាញកេរ្តិ៍ឈ្មោះខ្លួនឯង ចំពោះចំណងជើង ហួសពី អត្ថបទ ដែលមិនមែនជា ទស្សនៈ ឬវិចារណកថា របស់ ភ្នំពេញប៉ុស្តិ៍។ លោកនិពន្ធនាយក មាន កំហុសផ្នែក ក្រមសីលធម៌វិជ្ជាជីវៈ អ្នកកាសែត ដោយសារលោក បានយក ឈ្មោះ និងរូបថត របស់ប្រភព មកឲ្យ អ្នកអាន រិះគន់ និង សើចចំអក ទាំងលោកមិនបាន ការពារប្រភពដោយ សុចរិត និងអព្យាក្រឹត្យ។ យ៉ាងហោចណាស់ ក៏ប្រភព គួរមានឱកាស ដើម្បី អាចបកស្រាយចំពោះសំនួរលោក ក្នុងចំណងជើង។ តែគ្មានឡើយ អំណៈអំណាង ពីប្រភព ! លោកទុកសំណួរឲ្យអ្នកអានឆ្លើយ ដោយគ្មានមូលដ្ឋានពិចារណា។ គ្មានឡើយ អ្នកជំនាញវាយតម្លៃ ភាពអាចទៅរួច នៃសុបិន្តរបស់ក្មេងៗ។ លោកចាស់ដល់ថ្នាក់ភ្លេចភ្លាំង ឬលោកនៅស្ទើរពេកទើបមើលរំលងចំណុចនេះ។

លោកមិនដឹងទេថា ព្រោះតែ សុបិន្ត ទើបក្មេងៗ មានកម្លាំងចិត្ត និងគោលដៅជីវិតពិតប្រាកដ។ លោកមិនដឹងទេថា ដើម្បីសម្រេចសុបិន្តនេះ ប្រពន្ធរបស់ខ្ញុំ ខំប្រឹងប្រែងធ្វើការងារ និងខំរៀនបន្ថែមលំបាកយ៉ាងណា !?

ប្រហែលជា លោកគ្មានប្រពន្ធ គ្មានកូន គ្មានសុបិន្តទាំងថ្ងៃ ដូចក្មេងៗជំនាន់នេះ តែលោក នឹងយល់នៅថ្ងៃដែល លោកហ៊ានសុបិន្ត។

ខ្ញុំសូមដាក់បណ្តាសារ លោកឲ្យទទួលកម្មពៀរនិងយល់អារម្មណ៍នេះ ឆាប់ៗ !!!

My 2nd Anniversary of Marriage

បញ្ចេញមតិ

សវនាការនៃមរណភាពលោកបណ្ឌិត កែម ឡី

បញ្ចេញមតិ

វាជាលើកដំបូងសម្រាប់ខ្ញុំ ដែលបានចូលរួមស្តាប់ សវនាការ របស់តុលាការ នៅរាជធានីភ្នំពេញ ក្នុងសំណុំរឿងឃាតកម្មលោកបណ្ឌិត កែម ឡី។ ខ្ញុំធ្លាប់ចូលរួមស្តាប់ សវនាការ ម្តងដែរ កាលពីឆ្នាំ២០០៨ នៅខេត្តសៀមរាប អំឡុងពេលបំពេញការងារ ជាអ្នកសារព័ត៌មាន។

ថ្ងៃនេះពេញមួយព្រឹក ខ្ញុំចូលប្រជុំ ដាច់បាយ ព្រោះបន្ទាប់ពី បញ្ចប់ ភារៈដឹកនាំកម្មវិធីផ្សាយព័ត៌មាន រយៈពេលមួយម៉ោង របស់ វិទ្យុបារាំងអន្តរជាតិ ខ្ញុំបានតម្រង់ឆ្ពោះទៅរក តុលាការរាជធានីភ្នំពេញ ដើម្បីចូលរួមស្តាប់សវនាការ។ ដំបូង ប៉ូលីសដែលយាមច្រកចូល មិនអនុញ្ញាតឲ្យ ខ្ញុំចូលក្នុងឡើយ ដោយបកស្រាយថា គ្មានកន្លែងទំនេរ។ រងចាំមួយសន្ទុះ ក្រោយពីបញ្ជាក់ប្រាប់គាត់ថា ខ្ញុំជា អ្នកកាសែត មកពី វិទ្យុបារាំង មន្រ្តីប៉ូលីស ក៏ព្រមឲ្យខ្ញុំចូលក្នុង តែស្នើសុំឲ្យខ្ញុំ ទុកកាតាប នៅខាងក្រេៅ។ ខ្ញុំ បានផ្ញើនៅ ម៉ា ចិត្រា អ្នកកាសែតសហគមន៍ ប្រចាំក្រុមព័ត៌មានអ៊នឡាញដ៏ល្បី Social Breaking News

នេះជាលើកដំបូង ដែលខ្ញុំឆ្លើយឆ្លងព័ត៌មានភ្លាមៗ ដើម្បីអាចផ្សាយរហ័ស ទើបមិនសូវល្អ។ ទោះបីជា ខ្ញុំធ្លាប់រាយការណ៍ផ្ទាល់ តែបន្ទាប់ពីខកខានរាប់ឆ្នាំហើយ ទើបមិនសូវល្អ (ទទួលស្គាល់)។ ចំណែក ព័ត៌មានសម្រាប់ផ្សាយ នៅពេលយប់ ក៏មិនសូវល្អ ទើបត្រូវ កែប្រែ ម្តងទៀត…

 

ជនជាប់ចោទបាញ់សម្លាប់លោក កែម ឡី មិនផ្លាស់ប្តូរជំហរ ខណៈតុលាការគ្រោងប្រកាសសាលក្រមនៅថ្ងៃទី២៣ មីនា

 សវនាការពេញមួយព្រឹក នៅថ្ងៃទី១ មីនា ដើម្បីជំនុំជម្រះសំណុំរឿងឃាតកម្មលើលោកបណ្ឌិត កែម ឡី អ្នកវិភាគនយោបាយកម្ពុជា បានបញ្ចប់ដោយស្រពិចស្រពិល និងមិនអស់ចិត្ត សម្រាប់អ្នកចូលរួមតាមដានក្នុងបន្ទប់សវនាការ។ ស្រពិចស្រពិល ត្បិតអត្តសញ្ញាណរបស់ ជនជាប់ចោទ នៅតែព្យាយាមអះអាងថា ខ្លួនឈ្មោះ ជួប សំលាប់ ហើយច្រានចោលឈ្មោះក្នុងសំបុត្រកំណើត អឿត អាង ដែលសមត្ថកិច្ចសើបអង្កេតដឹង។ ចំណែករឿងមិនអស់ចិត្ត ក៏ព្រោះតែ វិដេអូភស្តុតាង ក្នុងសវនាការ មិនបានបង្ហាញពីសកម្មភាពនៃការបាញ់សម្លាប់លោកបណ្ឌិត កែម ឡី ទេ គឺវិដេអូទាំង ៧ឈុត បង្ហាញត្រឹម សកម្មភាពបុរសម្នាក់ ដើរចេញចូលហាងស្តារម៉ាត ដកកាំភ្លើងផ្ទុះអាវុធ និងរត់គេចតាមផ្លូវប៉ុណ្ណោះ។ យ៉ាងណាក៏ដោយ តុលាការរាជធានីភ្នំពេញ បានសម្រេចប្រកាសសាលក្រមនៅថ្ងៃទី២៣ ខែមីនា ខាងមុខ ដើម្បីកំណត់វាសនា ជួប សំលាប់។

ស្រី សុភ័ក្រ្ត អ្នកកាសែតវិទ្យុបារាំង ដែលបានចូលរួមស្តាប់អង្គជំនុំជម្រះជាង បួនម៉ោង ធ្វើសេចក្តីរាយការណ៍ពីទិដ្ឋភាពទូទៅក្នុងបន្ទប់សវនាការ…

meet-and-kill-action-10-july-2016

វិដេអូសកម្មភាពឃាតកម្មលោកបណ្ឌិត កែម ឡី ដែលតុលាការចាក់ផ្សាយ ក្នុងសវនាការ។

ឈរក្នុងរង្វង់ក្រចកសេះ នៃសវនាការតុលាការរាជធានីភ្នំពេញ នៅថ្ងៃពុធ នេះ បុរសជាជនជាប់ចោទ អះអាងតាំងពីដើមដល់ចប់ថា លោកមានឈ្មោះ ជួប សំលាប់ កើតនៅបន្ទាយមានជ័យ ជាកូនកំព្រា គ្មានប្រពន្ធកូន និងរក្សាចម្លើយសារភាពថា ពិតជាឃាតករ បានសម្លាប់លោកបណ្ឌិត កែម ឡី កាលពីថ្ងៃទី១០ កក្កដា ឆ្នាំ២០១៦ នៅហាងស្តារម៉ាត (Star Mart) ក្នុងស្ថានីយសាំងកាល់តិច (Caltex) ស្តុបបូកគោ រាជធានីភ្នំពេញ។ ជួប សំលាប់ រៀបរាប់ថា ការសម្លាប់លោក កែម ឡី គឺដោយសារគំនុំខឹងលោក កែម ឡី បោកយកប្រាក់បីពាន់ដុល្លារ។ នៅថ្ងៃកើតហេតុ ជួប សំលាប់ បានបាញ់ពីរគ្រាប់ សំដៅផ្តាច់ជីវិតលោក កែម ឡី ដោយមួយគ្រាប់ដំបូងសំដៅចំ ក្បាល និងមួយគ្រាប់ទៀតសំដៅ ក មុនពេលដើរចេញពីហាងស្តារម៉ាត។

អត្តសញ្ញាណជនជាប់ចោទនាម ជួប សំលាប់ គឺខុសពី របាយការណ៍សើបអង្កេតរបស់សមត្ថកិច្ច ដែលបញ្ជាក់ថា លោក មានឈ្មោះក្នុងសំបុត្របញ្ជាក់កំណើត អឿត អាង កើតនៅថ្ងៃទី១០ ធ្នូ ១៩៧២ មានស្រុកកំណើតនៅស្រុកពួក ខេត្តសៀមរាប មានប្រពន្ធពីរ និងម្តាយរស់នៅ ខេត្តសៀមរាប។ អឿត អាង ជា អតីតទាហានខ្មែរក្រហម ធ្លាប់បួសជាសង្ឃ នៅវត្តប្រាសាទភ្នំ និង មុនពេលចាប់ខ្លួន មានតួនាទីជា នាយករងប្រតិបត្តិនៃអង្គការការពារបរិស្ថាន និងអភិវឌ្ឍន៍ សាខាខេត្តសៀមរាប។

ក្នុងសវនាការរយៈពេលជាង បួនម៉ោងក៏បាន ចាក់វិដេអូសកម្មភាព ៧ឈុត ដែលក្នុងឈុតទីមួយ បង្ហាញពីសកម្មភាពបុរស ម្នាក់ដកកាំភ្លើងផ្ទុះអាវុធ ក្នុងហាងស្តារម៉ាត កន្លែងកើតហេតុ តែមិនឃើញមុខ លោក កែម ឡី ឡើយ។ វិដេអូនៅសល់ គឺជា សកម្មភាពរត់តាមផ្លូវ រហូតដល់ ចាប់ខ្លួនបាន ។ ចំណែកសាក្សី បីរូប ជាបុគ្គលិកហាងស្តារម៉ាត និងមន្រ្តីចរាចរ ពីររូប ក៏មិនអាចបញ្ជាក់ពី មុខម៉ាត់ឃាតករបានឡើយ។ សាក្សីអាចចំណាំបានត្រឹម ឃាតករ មានកំពស់ទាប សម្បុរស្រអែម ពាក់អាវពណ៌ក្រម៉ៅ ពាក់មួកក្រហម ប៉ុណ្ណោះ។

លោក អំ សំអាត ប្រធានគ្រប់គ្រងផ្នែកអង្កេតអង្គការលីកាដូ ដែលបានចូលរួមស្តាប់សវនាការ វាយតម្លៃថា ភស្តុតាងជាវិដេអូ ក្នុងសវនាការនាព្រឹកថ្ងៃពុធនេះ មិនទាន់គ្រប់គ្រាន់ទេ ដោយសារតែមានត្រឹម សកម្មភាពជនសង្ស័យ ដើរចេញចូលហាងស្តារម៉ាត ដកកាំភ្លើង និងរត់តាមផ្លូវ ប៉ុណ្ណោះ។ ដើម្បីបំបាត់មន្ទិលសង្ស័យ មន្រ្តីសិទ្ធិមនុស្សរូបនេះ ទាមទាឲ្យ មានការបង្ហាញសកម្មភាពនៃការបាញ់សម្លាប់លោកបណ្ឌិត កែម ឡី ទើបធ្វើឲ្យសវនាការមានភាពជឿជាក់ពិតប្រាកដ និងអស់ចិត្ត ព្រោះបើពឹងត្រឹមចម្លើយរបស់ ជនជាប់ចោទមិនអាចជឿទុកចិត្តបានឡើយ សូម្បីនាមខ្លួន ជួប សម្លាប់។

ព្រះរាជអាជ្ញា វាយតម្លៃថា អឿត អាង ឬ ជួប សំលាប់ ជាមនុស្សតែមួយ ជានីតិជន មានសមត្ថភាព យល់ដឹងពីផលវិបាកកើតពីអំពើរបស់ខ្លួន បើវិភាគប្រៀបធៀបភិនភាគ សំបុត្រកំណើត កោសល្យវិច្ឆ័យស្នាមមេដៃទាំងដប់ ផ្ទៀងផ្ទាត់ជាមួយនឹង ទិន្នន័យអត្តសញ្ញាណកម្ម របស់ក្រសួងមហាផ្ទៃ ។ តំណាងអយ្យការ លោក លី សុផាណា បានសម្រេចចោទប្រកាន់បុរសឈ្មោះ អឿត អាង ពីបទឃាតកម្មគិតទុកជាមុន និងកាន់កាប់អាវុធខុសច្បាប់ ផ្អែកតាមមាត្រា ២០០ និង ៤៩០ នៃក្រមព្រហ្មទណ្ឌកម្ពុជា។

លោក យុង ផានិត មេធាវីការពារជនជាប់ចោទឈ្មោះ ជួប សម្លាប់ បានស្នើឲ្យចៅក្រម ពិនិត្យមើលស្ថានសម្រាលទោស ដល់ជនជាប់ចោទ ព្រោះ ជនជាប់ចោទគួរឲ្យអាណិត ហើយគួរតែផ្តល់ឱកាសឲ្យកែខ្លួន ដើម្បីអាចបម្រើប្រយោជន៍សង្គម។ ក៏ប៉ុន្តែ ជួប សំលាប់ ទោះនៅនាទីចុងក្រោយក្នុងសវនាការ ក៏មិនបានស្នើសុំឲ្យតុលាការបន្ថយទោសឡើយ តែក្នុងកំណត់ហេតុលើកទីមួយ ដំណាក់កាលសើបសួរ  ជួប សំលាប់ បានសុំឲ្យតុលាការផ្តន្ទាទោសតាមច្បាប់ទៅចុះ។

អង្គជំនុំជម្រះ នៅថ្ងៃទី១ ខែមីនានេះ មាន ចៅក្រមបីរូប តំណាងអយ្យការមួយរូប ជួប សំលាប់ មេធាវីការពារក្ដីជនជាប់ចោទ មកពីគណៈមេធាវី សាក្សី មន្រ្តីបច្ចេកទេសរបស់រដ្ឋាភិបាល ព្រមទាំងអ្នកសារព័ត៌មាន មន្រ្តីសង្គមស៊ីវិល សាធារណជនសរុបប្រមាណជាង ៥០នាក់។ ក្នុងសាលសវនាការទី១នេះ គ្មានឡើយវត្តមាន ដើមបណ្តឹងជនរងគ្រោះ គឺ លោកស្រី ប៊ូ រចនា ភរិយាលោកបណ្ឌិត កែម ឡី។ តុលាការរាជធានីភ្នំពេញ បានសម្រេច ប្រកាសសាលក្រមនៅថ្ងៃទី២៣ ខែមីនា វេលាម៉ោង ៨និង៣០នាទីព្រឹក ដើម្បីកំណត់វាសនាបុរស ជួប សំលាប់៕

ខណ្ឌទាំង១២ និង ៩៦សង្កាត់ ក្នុងរាជធានីភ្នំពេញ (គិតត្រឹមខែកុម្ភៈ ២០១៧)

បញ្ចេញមតិ

admin-map-of-phnom-penh-2017

ខណ្ឌទាំង១២ និង ៩៦សង្កាត់ ក្នុងរាជធានីភ្នំពេញ (គិតត្រឹមខែកុម្ភៈ ២០១៧)

  1. ខណ្ឌព្រែកព្នៅ ( ៥សង្កាត់ ៖ គោករកា ពន្សាំង ពញាពន់ ព្រែកព្នៅ សំរោង)
  2. ខណ្ឌជ្រោយចង្វារ (៥សង្កាត់ ៖ ព្រែកលៀប ព្រែកតាសេក ជ្រោយចង្វារ បាក់ខែង កោះដាច់)
  3. ខណ្ឌសែនសុខ (៦សង្កាត់ ៖ ក្រាំងធ្នង់ ឃ្មួញ ភ្នំពេញថ្មី គោកឃ្លាង ទឹកថ្លា អូរបែកក្អម)
  4. ខណ្ឌមានជ័យ (៧សង្កាត់ ៖ ស្ទឹងមានជ័យទី១ ស្ទឹងមានជ័យទី២ ស្ទឹងមានជ័យទី៣ បឹងទំពន់ទី១ បឹងទំពន់ទី២ ចាក់អង្រែលើ ចាក់អង្រែក្រោម)
  5. ខណ្ឌឬស្សីកែវ (៧សង្កាត់ ៖ ទួលសង្កែទី១ ទួលសង្កែទី២ ស្វាយប៉ាក គីឡូម៉ែត្រលេខ៦ ឬស្សីកែវ ច្រាំងចំរេះទី១ ច្រាំងចំរេះទី២)
  6. ខណ្ឌ៧មករា (៨សង្កាត់ ៖ អូរឬស្សីទី១ អូរឬស្សីទី២ អូរឬស្សីទី៣ អូរឬស្សីទី៤ មនោរម្យ មិត្តភាព វាលវង់ បឹងព្រលឹត)
  7. ខណ្ឌច្បារអំពៅ (៨សង្កាត់ ៖ ព្រែកប្រា ច្បារអំពៅទី១ ច្បារអំពៅទី២ និរោធន៍ ក្បាលកោះ ព្រែកឯង ព្រែកថ្មី វាលស្បូវ)
  8. ខណ្ឌទួលគោក (១០សង្កាត់ ៖ ផ្សារដេប៉ូទី១ ផ្សារដេប៉ូទី២ ផ្សារដេប៉ូទី៣ ទឹកល្អក់ទី១ ទឹកល្អក់ទី២ ទឹកល្អក់ទី៣ បឹងកក់ទី១ បឹងកក់ទី២ ផ្សារដើមគរ បឹងសាឡាង)
  9. ខណ្ឌដូនពេញ (១១សង្កាត់ ៖ ផ្សារថ្មីទី១ ផ្សារថ្មីទី២ ផ្សារថ្មីទី៣ បឹងរំាង ផ្សារកណ្តាលទី១ ផ្សារកណ្តាលទី២ ចតុមុខ ជ័យជំនៈ ផ្សារចាស់ ស្រះចក វត្តភ្នំ)
  10. ខណ្ឌចំការមន (១២ សង្កាត់ ៖ ទន្លេបាសាក់ បឹងកេងកងទី១ បឹងកេងកងទី២ បឹងកេងកងទី៣ អូឡាំពិក ទួលស្វាយព្រៃទី១ ទួលស្វាយព្រៃទី២ ទំនប់ទឹក ទួលទំពូងទី១ ទួលទំពូងទី២ បឹងត្របែក ផ្សារដើមថ្កូវ)
  11. ខណ្ឌពោធិ៍សែនជ័យ (១៣សង្កាត់ ៖ ត្រពាំងក្រសាំង ភ្លើងឆេះរទេះ ចោមចៅទី១ ចោមចៅទី២ ចោមចៅទី៣ កាកាបទី១ កាកាបទី២ សំរោងក្រោម បឹងធំ កំបូល កន្ទោក ឳឡោក ស្នោរ)
  12. ខណ្ឌដង្កោ (១៣សង្កាត់ ៖ ដង្កោ ពងទឹក ព្រៃវែង ព្រៃស ក្រាំងពង្រ ប្រទះឡាង សាក់សំពៅ ជើងឯក គងនយ ព្រែកកំពឹស រលួស ស្ពានថ្ម ទៀន)

admin-khan-of-phnom-penh-2017

My Will

បញ្ចេញមតិ

ថ្ងៃទី២៦ ខែកុម្ភៈ ឆ្នាំ២០១៧ វេលាម៉ោង ២២និង២២នាទី

ផ្ទះម៉ាក់ស្រីពយ ខណ្ឌសែនសុខ រាជធានីភ្នំពេញ

អំឡុងពេលខ្ញុំជិះម៉ូតូឌុបប្រពន្ធខ្ញុំត្រឡប់មកផ្ទះវិញ ស្រាប់តែមានរថយន្តទំនើបមួយគ្រឿង បើកយ៉ាងលឿន វ៉ារថយន្តពីមុខ តែបែរជាស្ទើរជ្រុលចង្កូតមកបុកពួកខ្ញុំទាំងជំហរ ខណៈយើងធ្វើដំណើរបញ្រ្ចាស់ទិសគ្នា។ សំណាងល្អ ដែលពួកយើងមិនបានប៉ះទង្គិចគ្នាទេ ព្រោះខ្ញុំរក្សាជំហរម៉ូតូនៅនឹងទ្រឹង ខណៈរថយន្តនោះ ក៏បត់គេចទាន់ពេលដែរ។

មកដល់ផ្ទះ ខ្ញុំបានសាកសួរ ម្តាយក្មេកថា បើពួកខ្ញុំអស់ជីវិតទាំងពីរនាក់ប្តីប្រពន្ធ តើគាត់អាចប្រគល់កូនខ្ញុំឲ្យទៅ ម្តាយឪពុកបង្កើតរបស់ខ្ញុំចិញ្ចឹមបានដែរឬទេ ? ម្តាយក្មេកខ្ញុំ គាត់បានបដិសេធន៍។

ទើបខ្ញុំចង់សរសេរបណ្តាំមុនមរណភាព ដោយសង្ឃឹមថា ភាគីពាក់ព័ន្ធ នឹងមានការគោរពឆន្ទៈរបស់ខ្ញុំ។

១- ប្រសិនបើខ្ញុំស្លាប់ដោយប្រការណាមួយ សិទ្ធិចាត់ចែងកូន នឹងបានទៅលើប្រពន្ធខ្ញុំ។
២- ប្រសិនបើ ខ្ញុំនិងប្រពន្ធ (ស៊ន សុខឃៀង) ស្លាប់បាត់បង់ជីវិតទាំងពីរនេះ ខ្ញុំសូមប្រគល់សិទ្ធិចិញ្ចឹមកូនប្រុសខ្ញុំឈ្មោះ ស្រី សម្បត្តិសគុណ (កើតថ្ងៃទី២៨ ខែតុលា ឆ្នាំ២០១៦) ឲ្យទៅ ម្តាយបង្កើតរបស់ខ្ញុំ (សុក វណ្ណា) ជាអ្នកមើលថែ។

image

ស្រី សម្បត្តិសគុណ

ឲ្យខ្ញុំសុំទោស ម្តាយក្មេកទុកជាមុនផងចុះ ដែលខ្ញុំប្រឆាំងនឹងបំណងល្អរបស់គាត់។ តែខ្ញុំដឹងច្បាស់ណាស់ថា ម្តាយក្មេកខ្ញុំ គាត់ស្រឡាញ់ចៅខ្លាំង។ ខ្ញុំដឹងក៏អាចមើលដឹងដែរថា បើកូនប្រុសខ្ញុំអត់ពីខ្ញុំ និងប្រពន្ធទៅ ហើយត្រូវបាន ម្តាយបង្កើតរបស់ខ្ញុំជួយមើលថែ នោះកូនប្រុសខ្ញុំនឹងមាន អ្នកជួយទំនុកបំរុងច្រើនជាង ពេលកូននៅជាមួយម្តាយក្មេក។ ព្រោះត្រឹមតែ ស្រឡាញ់មួយមុខ មិនទាន់គ្រប់គ្រាន់ទេ លទ្ធភាពអាចពឹងពាក់បាននៅថ្ងៃអនាគតទើបសំខាន់ជាង។

សូម បុណ្យកុសល និងគុណបំណាច់ ដែលខ្ញុំធ្លាប់សាងកន្លងមក តាមជួយបីបាច់រក្សា កូនប្រុសខ្ញុំ ឲ្យជួបសំណាងល្អ សុខភាពល្អ សុភមង្គល ជោគជ័យក្នុងជីវិតផង។

ដើម្បីអនាគតចៅ សូមម្តាយក្មេកមេត្តាគោរពឆន្ទៈរបស់ខ្ញុំជាឪពុកម្នាក់ផង។

ស្រលាញ់អ្នកទាំងអស់គ្នា !

Older Entries Newer Entries

ឯកសារ​ច្បាប់​ខ្មែរ

គេហទំព័រ ចែក​រំលែក​ គ្មាន​ដែន​កំណត់!

ទៅ​លេង​សៀមរាប​

តើ​គួរ​ទៅ​លេង​ឯ​ណា​ខ្លះទៅហ្ន៎?​

SOKRETH RIN

I Write, You Read

ស្រី សិទ្ធិ សួស្ដី ជ័យ

សិរី សេចក្ដីសម្រេច សួស្ដី ជ័យជម្នះ

HERITAGE_KH

Promote cultural heritage in Cambodia for public awareness

Yin Rany / យិន រ៉ានី

When there is a will, then there is a way.

solarooham

4 out of 5 dentists recommend this WordPress.com site

មាន​សង្ឃឹម

ចង់​ឃើញ​ស្នាម​ញញឹម​លើ​ផ្ទៃ​មុខ​មនុស្ស​គ្រប់​គ្នា

Noan Sereiboth

Together for Our Nation

ឃុន សចរិយា

អតីតកាលជាកញ្ចក់ឆ្លុះបញ្ចាំងអនាគត

សំណេរក្មេងតូច

This is a blog where you can read contemporary khmer poetry and short fiction!

Chouk Khmer

...a knowledge bank in Khmer

khmerforkhmernet

ខ្មែររួបរួមគ្នាដើម្បីកសាងសង្គមជាតិដ៏ល្អប្រសើរមួយសំរាប់ខ្មែរគ្រប់គ្នា

ម៉ាំប្រហុក

កាន់តែរៀនកាន់តែល្ងង់ The more you learn the more you become ignorant

វាយោស្រុកស្រែ

ជំនោរ រសាត់ រសាប់រសល់ រសេះរសោះ​ រសេមរសាម

ស៊ូសុធារី

ការចែករំលែករបស់ខ្ញុំទៅកាន់អ្នក

SSK News

Enjoy all news in our website and keep update with us. From SSK All for Memory (by Saky SSK)

Thea Literature Blog

Just want to write something beneficial for the world.

ជ្រិន សុជាតិ

រក្សាស្នាដៃ និងគំនិតអ្នកប្រាជ្ញ

mcuubu.wordpress.com/

[URL=http://info.flagcounter.com/XivV][IMG]http://s03.flagcounter.com/count/XivV/bg_FFFFFF/txt_000000/border_CCCCCC/columns_2/maxflags_12/viewers_0/labels_0/pageviews_0/flags_0/[/IMG][/URL]

love ٩(●̮̃•)۶ novel

“If you were expecting Prince Charming, I'm sorry. He's with his boyfriend.”

yongieyuki

Reading is the best choice for you

ស្នាមញញឹម

ស្នាមញញឹមរបស់អ្នកជាមហោសថសម្រាប់មនុស្សដែលស្រឡាញ់អ្នក

MAKING A COME BACK

Free from the fires of greed. (Panha Udom@ All rights reserved, 2017)

ទេវតាចិត្តល្អ

ឆ្អែតណាក៏មិនស្មើនឹងស្កប់ សុខណាក៍មិនស្មើនឹងស្ងប់

Tola Moeun

Every individual deserves equal rights

Photo Khmer

A fine WordPress.com site

Cheasovann

No One Is Perfect!

ប្លក់សុផាត បន្ទាយមានជ័យ

ជីវិតអ្នកមកពីជនបទ!

A CORNER OF LIFE...

MSNKH

អប់រំ ចែករំលែក បទពិសោធន៍ និង ពតិ៍មាន

It's Me, I and Myself!

It's time to​​ share something. It's just an imagination of the writer but based on the true story somehow...

VM-KH

Free all document to you!

PaHnA

ភាពច្នៃប្រឌិតនៃគំនិតទៅកាន់ភាពពិត Creative blog of Dream come truth

Explorer

Everywhere is learning

Miss. KHEANG

Look up and smile, cause life is beautiful.

សម្រាប់​ខ្មែរ

ព័ត៌មាន, កម្សាន្ត, ចំណេះដឹង​ផ្សេង ៗ ...

Book of Life

What different of the Style-idea????

~XtremeLife~

Live Like It's The Last Day of Life

laroolovely

Smile! You’re at the best WordPress.com site ever

%d bloggers like this: