ទំព័រដើម

បើកប្រាក់ខែ

បញ្ចេញមតិ

ថ្ងៃទី៣១ ខែឧសភា ឆ្នាំ២០១៨ ៖ ថ្ងៃនេះគឺជា ថ្ងៃបើកប្រាក់ខែដំបូងរបស់ខ្ញុំពី មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ ហើយក៏ជាថ្ងៃដែលខ្ញុំទន្ទឹងរង់ចាំយូរជាងគេបំផុត រាប់តាំងពីរៀបការមក។ ថ្វីត្បិតតែវាមិនបានច្រើនដូចប្រាក់ខែកន្លងមក ប៉ុន្តែតាំងពីចូលដើមឆ្នាំ២០១៨នេះភ្លាម ខ្ញុំត្រូវប្រឈមនឹងបញ្ហាថវិកាជាខ្លាំង ទាំងប្រភពចំណូល និងការចំណាយ។ តួយ៉ាង ប្រាក់ខែត្រូវបង្កករាប់ខែ រហូតបង្ខំខ្ញុំឲ្យផ្លាស់ប្តូរការងារ ដោយសារបន្ទុកចំណាយថេរ និងចំណាយប្តូរ ហើយចាយលុយសន្សំអស់រលីង។ ក្នុងខែឧសភានេះដែរ ក៏មានឥទ្ធិពលដល់ ឳពុកម្តាយខ្ញុំ ឲ្យបង្ខំចិត្តលក់ផ្ទះ នៅជិតមាត់ទន្លេ ក្នុងសង្កាត់ផ្សារកណ្តាលទី១ ខណ្ឌដូនពេញ ដែលគាត់រស់នៅតាំងពីបែកសម័យខ្មែរក្រហម ត្បិតខ្ញុំខកខានមិនបានផ្តល់ប្រាក់ជូនគាត់មួយខែកាលពីខែកុម្ភៈ ទើបធ្វើឲ្យគាត់បារម្ភពីអនាគត បើទោះបីជាខ្ញុំបានសងត្រឡប់បង្គ្រប់វិញនៅខែមីនា និងខែមេសា ក៏ដោយ។ ទិញទូរស័ព្ទថ្មីសម្រាប់ខ្លួនឯង បន្ទាប់ទិញជូន ម៉ាក់ក្មេក និងប៉ាខ្ញុំ រួមផ្សំនឹងការចាយ វាយ អំឡុងពេលចូលឆ្នាំខ្មែររាងក្រាស់ដែរ ចឹងហើយ ថ្ងៃបើកប្រាក់ខែនេះ ធ្វើឲ្យខ្ញុំរំភើបខ្លាំង។ ខ្ញុំសន្យានឹងខ្លួនឯងថា មិនឲ្យមានបញ្ហាថវិកាដូច្នេះទៀតទេ ត្រូវចាយតាមខ្ទង់ចំណាយ និងផែនការណ៍ច្បាស់លាស់។ យើងអាចកាត់បន្ថយការចំណាយមិនសូវចាំបាច់មួយចំនួន ដូចជា ព្រះរាជពិធីចម្រើនព្រះជន្មព្រះករុណាព្រះបាទសម្តេចព្រះបរមនាថ នរោត្តម សីហមុនី (១៣-១៥ ឧសភា ២០១៨) កន្លងមក យើងសម្រេច មិនដើរកំសាន្តខេត្តឆ្ងាយ ទើបសងលុយចាយដល់ដាច់ខែ។

ចាប់ពីខែនេះតទៅ ខ្ញុំត្រូវក៏សម្រេចចិត្តបង្កក ប្រាក់ខែជួយឧបត្ថម្ភ ម្តាយឳពុកខ្ញុំ មួយរយះពេលដែរ ព្រោះគាត់លក់ផ្ទះរួច បានទិញផ្ទះហើយ ក៏សល់ប្រាក់មួយចំនួនសម្រាប់ចិញ្ចឹមខ្លួនឯងច្រើនគួរសមដែរ។ ខ្ញុំក៏ត្រូវការប្រាក់នេះដើម្បីរៀនជំនាញបន្ថែម សន្សំទុកសម្រាប់កូនប្រុស និងចាយវាយនៅពេលចាំបាច់ប៉ុណ្ណោះ។

សង្ឃឹមថា អ្វីៗនឹងប្រសើរឡើងវិញចាប់ពីថ្ងៃនេះតទៅ…

ខ្ញុំ : ប៉ា ប្រាក់ខែដែលខ្ញុំតែងជួយរាល់ខែ ខ្ញុំសុំផ្អាកសិន…

ប៉ា : មិនបាច់ទេ…

ខ្ញុំ : ខ្ញុំយកទៅរៀនបន្ថែម…

Advertisements

Mentor​ – sourmouy.com

បញ្ចេញមតិ

សួរមួយ ឬ http://www.sourmouy.com ជា​ វេទិការអនឡាញ សំរាប់ការប្រឹក្សាយោបល់ដល់ សិស្សានុសិស្ស នៅវិទ្យាល័យ និងនិស្សិតនៅ មហាវិទ្យាល័យ ទាក់ទងនឹងការជ្រើសរើសមុខវិជ្ជា នៅថ្នាក់ឧត្តមសិក្សា ការសិក្សាជំនាញបច្ចេកទេសវិជ្ជាជីវៈ សហគ្រិនភាព ការស្វែងរកអាហារូបករណ៍ក្រៅប្រទេស និងពិភាក្សាអំពីការរៀបចំគំរោងការងារអនាគត។

គេហទំព័រនេះ នឹងប្រកាសឲ្យប្រើប្រាស់ជាផ្លូវការ នៅថ្ងៃអាទិត្យនេះហើយ !

16-03-07-fifdh-head-grand-voyage-cinema-cambodge-marie-de-lutzimg-2573-web

ខ្ញុំក៏បាន​ចុះឈ្មោះ ដើម្បីធ្វើជា Mentor ម្នាក់ដែរ !

 

 

Happy 3rd Wedding Anniversary

បញ្ចេញមតិ

ចំពោះអ្នកដទៃ ថ្ងៃទី៨ មីនា គឺជា ទិវាសិទ្ធិនារីអន្តរជាតិ តែសម្រាប់ពួកយើង វាលើសពីនេះ គឺវាជា ខួបអាពាហ៍ពិពាហ៍ នៃចំណងស្នេហ៍មួយ។
#អរគុណដែលចូលមកក្នុងជីវិតបង

សិក្ខាកាមឆ្នើម

បញ្ចេញមតិ

Outstanding Sopheak CCI 2018

លោក ស្រី សុភ័ក្រ្ត ទទួល លិខិតសរសើរ ជា សិក្ខាកាមឆ្នើម ពី នាយកវិទ្យាស្ថានសារគមនាគមន៍កម្ពុជា លោក សោម រតនា កាលពីថ្ងៃទី២០ កុម្ភៈ ឆ្នាំ២០១៨

នៅរសៀលថ្ងៃអង្គារ ទី២០ ខែកុម្ភៈនេះ ខ្ញុំត្រូវបាន​ជាប់ឈ្មោះជា «សិក្ខាកាមឆ្នើម» ក្នុងវគ្គបណ្តុះបណ្តាលមួយ ក្រោមគម្រោង «សិទ្ធិទទួលព័ត៌មាន» របស់ វិទ្យាស្ថានសារគមនាគមន៍កម្ពុជា។ ជាវគ្គបណ្តុះបណ្តាលគាំទ្រថវិកាដោយ​ទីភ្នាក់ងារជំនួយអភិវឌ្ឍន៍អន្តរជាតិប្រទេសស៊ុយអែត (SIDA) តាមរយះ អង្គការ UNESCO។ វគ្គនេះ បង្រៀនរៀងរាល់ថ្ងៃព្រហស្បតិ៍ សុក្រ សៅរ៍ ពេញមួយថ្ងៃ រយះពេល ៤ខែ ដោយក្នុងនោះ ២៣ថ្ងៃ រៀនទ្រឹស្តី ក្នុងថ្នាក់ សល់ប៉ុន្មាន សិក្ខាកាមចុះអនុវត្តសម្ភាសន៍ដោយផ្ទាល់ តែគ្មានគ្រូបង្គោលចុះទៅមូលដ្ឋានជាមួយទេ។ សិក្ខាកាម ត្រូវបាន​ផ្តល់ការអប់រំទាក់ទងនឹង ប្រធានបទបី ចំបង គឺ

  • សិទ្ធិទទួលព័ត៌មាន (ណែនាំដោយ លោកគ្រូ គង់ ផល្លៈ)
  • ក្រមសីលធម៌ព័ត៌មាន (ណែនាំដោយ លោកគ្រូ កៃ គឹមសុង)
  • ការរាយការណ៍ព័ត៌មានបែបសើបអង្កេត (ណែនាំដោយ លោកគ្រូ មឿន ឈានណារិទ្ធិ)

ចំណុចខ្លាំង និងទាក់ទាញសិក្ខាកាមផ្សេងទៀត ក៏ដូចជា រូបខ្ញុំដែរ សម្រាប់វគ្គបណ្តុះបណ្តាលនេះគឺ សិក្ខាកាម សុទ្ធតែអាចទទួលបាន ១០ដុល្លារ (២៣ថ្ងៃ គុណនឹង ១០ដុល្លារ = ២៣០ដុល្លារ) អំឡុងពេលសិក្សាក្នុងថ្នាក់ពេញមួយថ្ងៃ ហើយនៅពេលបញ្ចប់វគ្គ សិក្ខាកាមតម្រូវឲ្យ សរសេរអត្ថបទបែបសើបអង្កេតមួយ ដើម្បីបញ្ចប់វគ្គសិក្សា ហើយអាចទទួលបាន ៣០ដុល្លារ បន្ថែមទៀត។

សម្រាប់ខ្ញុំ វគ្គសិក្សានេះ មានចំណុចថ្មី គួរឲ្យចាប់អារម្មណ៍ជាច្រើន ហើយ​ខ្ញុំក៏ទទួលបានចំណេះដឹងពី រៀមច្បងអ្នកកាសែតមួយចំនួន ទាក់ទងនឹងការផលិតព័ត៌មានសើបអង្កេតផងដែរ។

ចំពោះប្រធានបទដែលខ្ញុំរើសតាំងពីដំបូងសម្រាប់សរសេរព័ត៌មាននៅចុងបញ្ចប់នៃវគ្គសិក្សា គឺ «អគារប៊ូឌីងស» ព្រោះជា ប្រធានបទដែល ទាក់ទងនឹងការងារជា មន្រ្តីព័ត៌មានរបស់ខ្ញុំ ត្រូវសរសេរករណីជោគជ័យ នៃដំណោះស្រាយសម្រាប់ពលរដ្ឋរស់នៅអគារនេះ។​

ខ្ញុំគិតថា អត្ថបទឆ្នើមរបស់ខ្ញុំ លេចធ្លោ បានក៏ដោយសារ ​ខ្ញុំមានលោកគ្រូណែនាំដ៏ល្អ គឺ លោក កៃ គឹមសុុង ដែលបានចំណាយពេលវេលាដ៏មានតម្លៃ ណាត់ជួបកូនសិស្សដូចជា ខ្ញុំ ប៉ាវទឹកដូងត្រជាក់មួយផ្លែ បង្ហាញពីរបៀបសរសេរ និងសំណួរគន្លឹះសម្ភាសន៍សម្រាប់សម្ភាសន៍ ហើយចុងក្រោយលោកជួយសម្រួលឃ្លាឃ្លោងយ៉ាងស្អាតមុនពេលបញ្ជូនទៅឲ្យខាងសាលា។

img_20180220_204544_537437319741.jpg

លោក ស្រី សុភ័ក្រ្ត សិក្ខាកាមឆ្នើម និងលោកគ្រូណែនាំ កែ គឹមសុង (រូបថត ៖ ២០ កុម្ភៈ ២០១៨)

ចំណាយពេល ជាង ៤ខែ ទីបំផុតអាចទទួលបានថវិកាមួយចំនួន ទិញបានម៉ាស៊ីនថតសម្លេងមួយ សញ្ញាបត្រមួយ និងលិខិតសរសើរមួយដែរ…

Sony Stereo IC Recorder 18 Nov 2017

ម៉ាស៊ីនថតសម្លេង តម្លៃ ៦៣ដុល្លារ ប៉ុណ្ណោះ បានទិញកាលពីថ្ងៃទី១៨ វិច្ឆិកា ២០១៧

Outstanding Student CCI 2018

សញ្ញាបត្របញ្ជាក់ការសិក្សា និង​ លិខិតសរសើរ សិក្ខាកាមឆ្នើមរបស់លោក ស្រី សុភ័ក្រ្ត ចេញផ្សាយដោយ វិទ្យាស្ថាន​សារគមនាគមន៍កម្ពុជា ថ្ងៃទី២០ កុម្ភៈ ២០១៨

 

 

 

គាត់បាន​ស្បើយបន្តិចហើយ

បញ្ចេញមតិ

អំឡុងជិតភ្លឺព្រឹកមិញនេះ​ កូនប្រុសខ្ញុំ ស្រែកខ្លាំងល្មមដាក់ត្រចៀកខ្ញុំថា «ប៉ាប៉ា» ! ខ្ញុំក៏ស្រវាម្នីម្នាភ្ញាក់រលឹកតាមរកប្រភពសម្លេងរបស់ គាត់។ សង្កេតមើលយូរបន្តិចទើបដឹងថា គាត់កំពុងមមើ (និយាយក្នុងវេលាកំពុងដេកលក់) ព្រោះ​ ឃើញភ្នែកគាត់នៅបិទជិតនៅឡើយ តែម៉ាត់ខ្ជឹបខំប្រឹងញញឹមពព្រាយ។ ឃើញគាត់សប្បាយចិត្តចឹង ខ្ញុំក៏សប្បាយចិត្តដែរ និងរឹតតែធូរចិត្តពេលឃើញគាត់ស្បើយពីរោគាបន្តិចហើយ។

ខ្ញុំបានសុំច្បាប់សម្រាកមើលកូនមួយថ្ងៃ បូករួមថ្ងៃសៅរ៍ និងអាទិត្យ គឺខ្ញុំបាន​ចំណាយពេលវេលា ៣ថ្ងៃគត់ ដើម្បីមើលថែគាត់ មិនឲ្យ​នៅឆ្ងាយពីភ្នែក ព្រោះគាត់ក្អក រលាកបំពងកអំឡុងពេល អាកាសធាតុប្រែត្រជាក់បែបនេះ បើគ្មានអ្នកមើលដឹតដល់ពិបាកស្បើយរោគាណាស់។ សូម្បីម្សិលមិញ ត្រូវធ្វើដំណើរទៅ​ខេត្តកំពត ជាមួយតាយាយ ក៏ខ្ញុំប្រកែក​មិនចង់ឲ្យកូនទៅផង ព្រោះខ្លាចត្រូវម៉ាស៊ីនត្រជាក់ តែខ្ញុំយល់ចិត្តកូនថា ចង់ដើរលេង ទើបព្រមជូនគាត់ទៅ។ គាត់ពិតជា ចង់ដើរលេងមែន ដើររាប់ម៉ោង រត់លេងពេញផ្ទះ ដែលយើងបានចូលលេង។ គាត់ហាក់ អត់​ហត់សោះ សូម្បីតែពេល​ព្រឹកក៏មិនងងុយដេក តែសុខចិត្ត​ដេកពេលត្រឡប់មកផ្ទះវិញ។ លេងច្រើនពេក ទើបគេងយប់មមើ​ ញញឹម (ប្រហែលពេញចិត្តបានរត់លេង) និងស្រែកហៅ ប៉ាប៉ា ខ្លាច ប៉ាប៉ា រត់ចោល។

មុនពេល ប៉ាប៉ា ចេញមកធ្វើការ ក៏មិនដាច់ចិត្តឲ្យ ប៉ាប៉ា ទៅចោលដែរ យំតាម អោបឲ្យជាប់ទ្រូង ទាល់តែ​ឃើញ កាតាបធ្វើការ ទើបសុខចិត្តព្រលែងដៃ…

ប្រពន្ធសរសើរ

បញ្ចេញមតិ

ពេលខ្លះ ខ្ញុំនឹកមិនសរសើរប្តីរបស់ខ្ញុំ មិនបាន សម្រាប់ការដើរតួនាទី ជា លោកប៉ា ដ៏អស្ចារ្យ ក្នុងការចំណាយពេលវេលា មើលថែរក្សា ប្រុសក្មេងដ៏សែនរពិសបានយ៉ាងល្អ។

ជាពិសេស គាត់អនុញ្ញាតអោយខ្ញុំ ធ្វើអ្វីដែលខ្ញុំចង់ធ្វើ មិនថា រៀន ទៅសិក្ខាសាលា ការងារស្មគ្រ័ចិត្ត ឬ អាជីវកម្មកំប៉ិចកំប៉ុងនាពេលចុងសប្តាហឡើយ។ សព្វថ្ងៃ ខ្ញុំអភិវឌ្ឍន៍ចំនេះដឹងបានដល់កំរិតនេះ ក៏ដោយសារតែបើកចិត្ត និងផ្តល់ភាពកក់ក្តៅរបស់បុរសកំពស់ត្នោតម្នាក់នេះ។

យ៉ាងណា មើលមួយភ្លេតដូចសាមញ្ញណាស់ តែបុរសម្នាក់នេះ ធ្វើអោយខ្ញុំមានមោទនភាព និងមានសំណាងបំផុត។

Source : Sorn Sokkheang Facebook 

Sorn Sokkheang 4 Jan 2018

សញ្ញាបត្រជំនាញ​ចិញ្ចឹមកូន វគ្គមួយ និងវគ្គពីរ

Happy New Year 2018

បញ្ចេញមតិ

ឆ្នាំ២០១៧នេះ ឆ្លងឆ្នាំនៅផ្ទះទៀតហើយ។ ថាឆ្នាំមុនចុះ កូននៅតូច ឆ្នាំនេះកូនធំល្មម ហើយកូនចង់ដើរលេងឆ្លងឆ្នាំទៀត យើងនៅតែឆ្លងឆ្នាំនៅផ្ទះដដែល។ ឲ្យទៅឆ្លងនៅ ឯណាបានក្រៅពីផ្ទះ បើម៉ាក់ៗ ស្អែកត្រូវទៅធ្វើការជំនួសគេតាំងពីព្រឹក ចឹងមានតែទ្រាំឆ្លងនៅផ្ទះមួយឆ្នាំទៀត សិនតូវ ណា កូនប្រុស។ 

មានកូនប្រុសមួយ គាត់ចូលចិត្តដើរលេងខ្លាំងជាងប៉ាប៉ាម៉ាក់ម៉ាក់ទៀត ! 

Older Entries

EverydayBuzz

All that is Interesting

Romduol Experience

Your Best Site for your home experience

StreiKhmer/ ស្រ្តីខ្មែរ

Inspired by Youth, Do it for Youth

ម៉ាយ-ទីនេះ

Entertainment, Travel...

Dr Sopheap Phan

Life and Work

Monkey Driver

Tour & travel agency

ឯកសារ​ច្បាប់​ខ្មែរ

គេហទំព័រ ចែក​រំលែក​ គ្មាន​ដែន​កំណត់!

ទៅ​លេង​សៀមរាប​

តើ​គួរ​ទៅ​លេង​ឯ​ណា​ខ្លះទៅហ្ន៎?​

ហ៊ុន ឈុនតេង

ភាសាបច្ចុប្បន្នមានដានពីភាសាបុរាណ

HERITAGE_KH

Promote cultural heritage in Cambodia for public awareness

Yin Rany / យិន រ៉ានី

When there is a will, then there is a way.

solarooham

4 out of 5 dentists recommend this WordPress.com site

មាន​សង្ឃឹម

ចង់​ឃើញ​ស្នាម​ញញឹម​លើ​ផ្ទៃ​មុខ​មនុស្ស​គ្រប់​គ្នា

Noan Sereiboth

Together for Our Nation

ឃុន សចរិយា

អតីតកាលជាកញ្ចក់ឆ្លុះបញ្ចាំងអនាគត

សំណេរក្មេងតូច

This is a blog where you can read contemporary khmer poetry and short fiction!

Chouk Khmer

...a knowledge bank in Khmer

khmerforkhmernet

ខ្មែររួបរួមគ្នាដើម្បីកសាងសង្គមជាតិដ៏ល្អប្រសើរមួយសំរាប់ខ្មែរគ្រប់គ្នា

ម៉ាំប្រហុក

កាន់តែរៀនកាន់តែល្ងង់ The more you learn the more you become ignorant

ស៊ូសុធារី

ការចែករំលែករបស់ខ្ញុំទៅកាន់អ្នក

SSK News

Enjoy all news in our website and keep update with us. From SSK All for Memory (by Saky SSK)

Thea Literature Blog

Just want to write something beneficial for the world.

ជ្រិន សុជាតិ

រក្សាស្នាដៃ និងគំនិតអ្នកប្រាជ្ញ

mcuubu.wordpress.com/

[URL=http://info.flagcounter.com/XivV][IMG]http://s03.flagcounter.com/count/XivV/bg_FFFFFF/txt_000000/border_CCCCCC/columns_2/maxflags_12/viewers_0/labels_0/pageviews_0/flags_0/[/IMG][/URL]

love ٩(●̮̃•)۶ novel

“If you were expecting Prince Charming, I'm sorry. He's with his boyfriend.”

yongieyuki

Reading is the best choice for you

ស្នាមញញឹម

ស្នាមញញឹមរបស់អ្នកជាមហោសថសម្រាប់មនុស្សដែលស្រឡាញ់អ្នក

MAKING A COME BACK

Free from the fires of greed. (Panha Udom@ All rights reserved, 2017)

ទេវតាចិត្តល្អ

ឆ្អែតណាក៏មិនស្មើនឹងស្កប់ សុខណាក៍មិនស្មើនឹងស្ងប់

Tola Moeun

Every individual deserves equal rights

Photo Khmer

A fine WordPress.com site

Cheasovann

No One Is Perfect!

ប្លក់សុផាត បន្ទាយមានជ័យ

ជីវិតអ្នកមកពីជនបទ!

A CORNER OF LIFE...

%d bloggers like this: