ទំព័រដើម

នាំកូនស្វាទៅលេងអង្គរវត្ត ឆ្នាំ២០១៧

បញ្ចេញមតិ

srey-varman-2016-4

អង្គរវត្ត – ថ្ងៃទី២១ ខែកក្កដា ឆ្នាំ២០១៦

Srey Varman 2017

អង្គរវត្ត – ថ្ងៃទី៣០ ខែវិច្ឆិកា ឆ្នាំ២០១៧

ទីបំផុតយើងអាចត្រឡប់មកដល់ផ្ទះដោយសុវត្ថិភាពទាំងបីនាក់ បន្ទាប់ពី​ចំណាយពេល​ ៧ថ្ងៃ ទៅលេងខេត្តសៀមរាប។ សំណាងល្អ ដែលកូនប្រុសខ្ញុំ លែងក្តៅខ្លួន អាចទៅលេងខេត្តចម្ងាយជាង បីរយគីឡូម៉ែត្រ ពីភ្នំពេញ ជាមួយគ្នា​ ហើយនៅថ្ងៃទី៣០ វិច្ឆិកា ២០១៧ យើងបាន ថតរូបជុំគ្រួសារ នៅកន្លែងដដែល ដើម្បីទុកជាការរំលឹកដល់​ គ្រាកូនប្រុសនៅក្នុងផ្ទៃម្តាយ (កាលពីថ្ងៃទី២១ ខែកក្កដា ឆ្នាំ២០១៦​។​

តាមពិត ខ្ញុំត្រូវចូលរួម staffs retreat ៥ថ្ងៃ (២៧ វិច្ឆិកា ដល់ ១ ធ្នូ) ចំណែក ភរិយាខ្ញុំ ត្រូវចូលរួមយកព័ត៌មាន ព្រឹត្តិការណ៍រត់ប្រណាំងពាក់កណ្តាលម៉ារ៉ាតុង ៣ថ្ងៃ (១ ដល់ ៣ ធ្នូ) ដូច្នេះហើយ ទើបយើងត្រូវយកកូនទៅជាមួយគ្នា ព្រោះមិនចង់ឲ្យ ម៉ាក់យាយ ដែលមើលថែកូនប្រុស នៅពេលថ្ងៃ គាត់លំបាកមើលកូនយើង ពេលយប់ទៀត ម៉្យាងចង់ឲ្យកូន បានទៅដល់ទឹកដីអង្គរដ៏បវរផងដែរ។

ដោយសារភរិយាខ្ញុំ ជាប់ធុរៈទទួលពានរង្វាន់លេខប្រាំ ផ្នែកផលិតព័ត៌មានអប់រំ ទើបយើងមិនបានចេញដំណើរតាមរថយន្តក្រុង ដែលរៀបចំដោយកន្លែងធ្វើការរបស់ខ្ញុំទេ។ យើងចេញដំណើរពីភ្នំពេញ តាំងពីថ្ងៃចន្ទ ទី២៧ ខែវិច្ឆិកា វេលាម៉ោង ១១យប់ តាមរថយន្តក្រុងពេលរាត្រីរបស់ Gian Ibis Bus ទៅដល់​ខេត្តសៀមរាប នៅថ្ងៃអង្គារ ទី២៨ ខែវិច្ឆិកា វេលាម៉ោង ៦ព្រឹក។ នៅលើរថយន្ត ខ្ញុំបារម្ភថា កូនប្រុសក្តៅខ្លួន ឬស្រែកយំ តែគាត់គេងរហូត បើទោះបីជាយើងគេងនៅខាងក្រោយបំផុត ហើយសម្លេងរថយន្តលាន់ខ្លាំងរំខានយ៉ាងណាក្តី។ រថយន្តរាត្រី នេះ មានភាគច្រើនបរទេសជិះ ទើបយើងទិញគេគិតថ្លៃស្មើនឹងបរទេសដែរ ១៥ដុល្លារ មួយកៅអី (ពីរនាក់ប្តីប្រពន្ធ ៣០ដុល្លារ)។

News Awards Menulife 2017

ម្ចាស់ជ័យលាភី ឈ្នះពានរង្វាន់​ការប្រកួតអត្ថបទសុខភាព គ្រួសារ និងកីឡា

ទៅដល់ខេត្តសៀមរាប កូនប្រុសខ្ញុំ គាត់​ចង់តែដើរលេង មិនចង់នៅក្នុងបន្ទប់ទេ គាត់តែងតែស្រែកយំ ហើយចង្អុលដៃ ទៅមាត់ទ្វា នាំផ្លូវទៅមុខ ឆ្វេង ស្តាំ…។ មិនថា រាល់ពេល​យើងដើរ ឬជិះរឺម៉ក់កង់បី ត្រឡប់មកផ្ទះសំណាក់វិញទេ ឲ្យតែដល់ មាត់ផ្លូវចូលផ្ទះសំណាក់វិញ គឺ គាត់ស្រែកយំ មិនសុខចិត្ត ហើយ​ដៃចង្អុល ទៅផ្លូវផ្សេង ចង់ដើរលេងបន្តទៀត។ មិនដឹងថា គាត់កាត់ទៅរកអ្នកណាទេ ! រាល់​​​ពេលដើរលេងនៅ Pub Street ឲ្យតែ​ឮភ្លេងមុខហាងបរទេសម្តងៗ គាត់លើកដៃចេញក្បាច់ របៀបឌីជេ មិនត្រឹមតែប៉ុណ្ណោះ គាត់ចង្អុលដៃ ចង់ទាចូលស្តាប់តន្រ្តីក្នុង​បា​​ ថែមទៀត។ ខ្ញុំជា អ្នកពរគាត់ដើររហូត ព្រោះភ្លេចយកកន្រ្តកយោងកូនមកជាមួយ ទើបធ្វើឲ្យខ្ញុំ ចុកដៃ រោយជើង ហត់ ​… ខ្ញុំខឹងគាត់ នៅ​ពេលយើងឈប់សម្រាក ឬញាំអាហារម្តងៗ គាត់យំទារតែដើរ យើងរកវិធីបន្លប់គាត់ផង ប្តូរវេនគា្នញាំម្តងម្នាក់ ញាំមិនត្រង់ម៉ាត់ទេ ទម្រាំញាំរួចរាល់។ ខ្ញុំខឹងខ្លាំងមែនទេ នៅយប់ថ្ងៃពុធ ទី២៩ វិច្ឆិកា ពោលគឺបន្ទាប់ពី ក្រុមការងារចេញឡាន ទៅដើរលេងអង្គរវត្តចោលយើងបាត់ យើងក៏សម្រេចទៅរកជួលម៉ូតូដើរលេង និង​រកអីញាំនៅ Pub Street ។ យប់នោះ យើងដើរលេង អស់បីបួនម៉ោងហើយ ក៏ត្រឡប់មកផ្ទះវិញ ដោយជិះរឺម៉ក់កង់បី មកឈប់ញាំអាហារពេលល្ងាចនៅ ហាងថៃមួយ ក្បែរផ្ទះសំណាក់ គាត់មិនសុខចិត្តគាត់យំ​ ចង់ដើរ ញាំរួចហើយ ពរគាត់ទៅផ្ទះ គាត់មិនព្រមទៀត…។ ពេលយប់នោះ ខ្ញុំអត់និយាយរកគាត់ទេ តែគាត់មិនព្រមដេកឆ្ងាយពីខ្ញុំសោះ…

Siem Reap 29 Nov 2017

យប់ថ្ងៃពុធ ទី២៩ វិច្ឆិកា ប្រពន្ធខ្ញុំ ថតរូបនេះ ហើយផ្ញើសារថា «ខឹងកូនទេ តែនែបនិត្យកូនអីណា»

ថ្ងៃព្រហស្បតិ៍ ទី៣០ ខែវិច្ឆិកា យើងជិះម៉ូតូដែលជួលគេ ពេញមួយថ្ងៃ តម្លៃ ១០ដុល្លារ ដើម្បីដើរមើលប្រាសាទបុរាណ​។ តាមពិត ខ្ញុំមានបំណងធំមួយ គឺទៅថតរូបនៅប្រាសាទអង្គរវត្ត។ នេះជា ហេតុផលមួយ ដែលខ្ញុំសម្រេចចិត្ត មិនដើរកំសាន្តជាមួយនឹង ក្រុមការងារ តែដើរលេងតែបីនាក់ជុំគ្រួសារ។ ថ្ងៃនោះ ទម្រាំអាចចេញដំណើរទៅមើល​ប្រាសាទ​បាន ម៉ោងជិត ១១ថ្ងៃត្រង់ទៅហើយ ព្រោះទម្រាំញាំអាហារព្រឹក ប្រពន្ធកក់សក់…។ ពេលទៅដល់​ ប្រាសាទ​អង្គរវត្ត កូនបែរជា ដេកលក់ ទើបខ្ញុំត្រូវបរម៉ូតូ ទៅមុខលេងៗ កាត់ ទីលានជល់ដំរី រហូតដល់ ក្លោងទ្វាចេញ ពី ប្រាសាទបាយ័ន ឃើញទេសភាពស្អាត ក៏ឈប់ថតមួយប៉ុស្តិ៍។

DCIM100GOPROGOPR0724.JPG

ថ្ងៃទី៣០ វិច្ឆិកា ២០១៧ ៖ ឲ្យតែជិះម៉ូតូត្រូវខ្យល់ត្រជាក់ៗដេកលក់ស្រួលតែម្តងកូនប្រុសខ្ញុំ…

ថតមួយប៉ុស្តិ៍ក្រឹប ស្រាប់តែកូនប្រុសដឹងខ្លួន ទើប ដំណើរកំសាន្តរុករកប្រសាទរបស់យើង បានចាប់ផ្តើមបើកជាផ្លូវការ។ យើងបាន​ចូលថតរូបលេងនៅខាងមុខ ទីលានជល់ដំរី មុនពេលត្រឡប់ទៅ ញាំអាហារថ្ងៃត្រង់នៅមុខប្រាសាទអង្គរវត្ត។

DCIM100GOPROGOPR0732.JPG

ថ្ងៃទី៣០ វិច្ឆិកា ២០១៧ ៖ ក្លោងទ្វាចេញប្រសាទបាយ័ន

DCIM100GOPROGOPR0734.JPG

ថ្ងៃទី៣០ វិច្ឆិកា ២០១៧ ៖ ប្រសាទទីលានជល់ដំរី

ញាំបាយរួច យើងបាន​ចូលទៅលេងប្រាសាទអង្គរវត្ត​។ គ្រាន់តែបម្រុងដើរឆ្លងកាត់ស្ពានអណ្តែតទឹក ចូលទៅ បរិវេណប្រសាទ កូនប្រុសខ្ញុំ​ទាមទាចុះដើរ។ យី! ប្រហែលគាត់ ចង់ផ្ចាល់ខ្ញុំដែលស្តីឲ្យគាត់យប់មិញ រឿងឲ្យ ប៉ាប៉ា ពរដើររហូត បើចង់ដើរ ឲ្យដើរខ្លួនឯងហើយមើលតូវ។ គាត់ដើរតាំងពី ឆ្លងស្ពាន រហូតដល់ ប្រសាទគក់ទ្រូង ហួសទៅ បរិវេណកណ្តាល ប្រាសាទអង្គរវត្ត ហើយគាត់ទាដើរត្រឡប់មកវិញ ដោយខ្លួនឯងទៀតផង ដោយមានជំនួយ ពី ប៉ាប៉ា ម៉ាក់ម៉ាក់ កាន់ដៃ ទ្រកុំឲ្យដួល។ ស្រ្តីទេសចរជនជាតិចិនម្នាក់បាន សសើរគាត់ថា Good Boy! រឹតតែ ជោរទៀត ខំប្រឹងដើរបណ្តើរ សើចបណ្តើរ ស្រែកហៅគេបណ្តើរ…

Siem Reap 30 Nov 2017

ថ្ងៃទី៣០ វិច្ឆិកា ២០១៧ ៖ ញញឹមស្រស់មួយបែបម្នាក់!

ថ្ងៃសុក្រ ទី០១ ខែធ្នូ អំឡុងពេលដែល ក្រុមការងារឡើងឡាន​ត្រឡប់មកភ្នំពេញវិញ ខ្ញុំនឹងប្រពន្ធ បាន​ឆ្លៀតទៅសម្ភាសន៍ វិចិត្រករគូររូបលើស្លឹកត្នោត ដើម្បីដាក់ក្នុងកម្មវិធីវប្បធម៌យើង សម្រាប់ទូរទស្សន៍ស៊ីអ៊ិនស៊ី។

ថ្ងៃទី០១ ធ្នូ ២០១៧ ៖ ភរិយា​បំពេរកូនអំឡុងពេលសម្ភាសន៍ (ថតរូបលេង)

រឿងដ៏គួរឲ្យរំភើបចិត្តមួយទៀត ដែលកូនប្រុសខ្ញុំបានបង្កើតឲ្យខ្ញុំ គឺ គាត់ចូលចិត្តហែលទឹក។ គ្រាន់តែនាំគាត់ ចុះទៅដល់ អាងហែលទឹក នាសណ្ឋាគារ Lotus Blanc Hotel & Resort ដែលប្រពន្ធខ្ញុំស្នាក់នៅ អំឡុងពេលយកព័ត៌មាន កូនខ្ញុំលេងទឹក ​មិនចង់ងើបតែម្តង…

DCIM100GOPROGOPR0867.JPG

កូនស្វា សប្បាយនឹងលេងទឹក ក្នុងអាងហែលទឹកជាលើកដំបូង កាលពីថ្ងៃទី០២ ធ្នូ ២០១៧ នៅ Lotus Blanc Hotel & Resort ខេត្តសៀមរាប

 

Advertisements

My BD 36th

2 មតិ

ឆ្លងផុតម៉ោង៧និង៣០នាទីយប់នេះ ខ្ញុំឈានចូលវ័យ ៣៦ឆ្នាំ ជាផ្លូវការហើយ ! (មិនមែនក្មេងទេ ទោះបី សាច់ចាំ មុខក្មេងជាងវ័យ ក៏ដោយ) :):):)

ដល់វ័យប៉ុណ្ណេះ ទ្រព្យដ៏មហិមារបស់ខ្ញុំ គឺ កូនប្រុសមួយ #ស្រីសម្បត្តិសគុណ 😍😍😍

អរគុណប្រពន្ធសម្លាញ់ #ស៊នសុខឃៀង សម្រាប់ការផលិតកូនប្រុសមួយនេះ ដូចខ្ញុំទាំងភ្នែក ដៃជើង និងទម្រង់មុខ។

ទោះបីជា ប៉ាប៉ា មិនសូវសង្ហា តែក៏មិនខ្វះមនុស្សស្រីស្រឡាញ់ដែរកូនប្រុស។ ចឹងសង្ហាត្រឹមប៉ាប៉ា គឺ អាចទទួលយកបានហើយ។ ;););)

image

សូមឲ្យអំពើល្អដែលខ្ញុំបានសាងកន្លងមក  ក្លាយជាកុសលមួយ ជួយតាមថែរក្សាការពារកូនប្រុសរបស់ខ្ញុំ ប្រកបដោយសុខភាពល្អ ប្រាជ្ញាឆ្លាតវៃ ស្រស់សង្ហា និងពើបប្រទះតែរឿងល្អៗក្នុងជីវិត…

My 2nd Anniversary of Marriage

បញ្ចេញមតិ

Happy Birthday Boss Jean-François Tain !

បញ្ចេញមតិ

ហាសិបឆ្នាំគត់ !!!

ថៅកែវិទ្យុបារាំង លោក តាន់ ហ្សង់-ហ្វ្រង់ស័រ ឧទ្ទានឡើង «បីដង» ក្នុងពេល ក្រុមការងារ វិទ្យុបារាំង លើកនំខួបកំណើត តូចមួយ ចូលទៅក្នុងបន្ទប់របស់ គាត់ ហើយ ស្នើសុំថតរូបជុំគ្នាមួយប៉ុស្តិ៍។

jean-francois-tain-bd-25-nov-2016-50years

រូបថត ថ្ងៃខួបកំណើត ៥០ឆ្នាំគត់ ថៅកែ វិទ្យុបារាំងអន្តរជាតិ លោក ហ្សង់ ហ្វ្រង់ស័រ តាន់ ២៥ វិច្ឆិកា ២០១៦

គាត់បញ្ជាក់ថា រឿងតែមួយគត់ដែលគាត់ចាំមិនភ្លេចក្នុងសម័យប៉ុលពត គឺថ្ងៃកំណើតរបស់ខ្លួនឯង ហើយ ថ្ងៃទី២៥ ខែវិច្ឆិកា គឺជា ថ្ងៃខួបកំណើតពិតប្រាកដរបស់គាត់។

ខ្ញុំមិនធ្លាប់ត្រូវបានគេរៀបចំខួបឲ្យ រាងអៀន !

លោក ហ្សង់ ហ្វ្រង់ស័រ តាន់ ពោលម្តងទៀត មុនពេលបញ្ចប់ដោយពាក្យថា អរគុណ… ហើយ ពួកយើងបំបែកគ្នា ទៅរកអាហារថ្ងៃត្រង់រៀងខ្លួន… គាត់ទៅទទួលទានអាហារថ្ងៃត្រង់ជាមួយភរិយា…

ឆេងម៉េង នៅខេត្តកំពត

បញ្ចេញមតិ

នេះជា វិដេអូ បទយកការណ៍ ដ៏កម្រមួយ ដែលខ្ញុំបាន ផលិតឡើង បំណងដើម្បីផ្សាយក្នុងកម្មវិធី ទូរទស្សន៍ តែខកខានមិនបានផ្សាយវិញ ដោយសារហេតុផល ១-ថ្នាក់លើចង់ចាក់ផ្សាយទាក់ទងនឹង «អង្គរសង្រ្កាន្ត ខេត្តសៀមរាប។» និង ២-ថ្នាក់ក្រោមថា ហួសថ្ងៃឆេងម៉េង។ តាមពិតវាគ្រាន់តែជា ពិធីឆេងម៉េង របស់ក្រុមគ្រួសារខាងប្រពន្ធ នៅស្រុកឈូក ខេត្តកំពត តែខ្ញុំឆ្លៀត ថត ដោយសារខ្ញុំជំពាក់ បទយកការណ៍ សម្រាប់ផ្សាយមួយសប្តាហ៍ ត្រូវផលិតមួយ។ ទោះបីគេមិនផ្សាយតាមទូរទស្សន៍ យ៉ាងណា ខ្ញុំបានបំពេញកាតព្វកិច្ច ផលិតបទយកការណ៍មួយ ក្នុងមួយសប្តាហ៍រួចរាល់ ហើយក៏នៅសល់ ឯកសារមួយសម្រាប់មើល ហើយសើចលេងក្នុងក្រុមគ្រួសារ…

ខែមេសា ឆ្នាំនេះ ហោរា ទាយថា ធ្វើអ្វីមិនសូវបានដូចបំណង អ្វីៗជាច្រើនសុទ្ធខុសពីការរំពឹងទុក ចឹងខ្ញុំ ត្រូវត្រៀមចិត្តទុកមុន…

អរគុណ ប៉ាម៉ាក់ ក្មេក និងពូមីង ដែលបានចូលរួមសហការណ៍…

QingMing03042016-Kampot.JPG

រូបថត ៖ ក្រុមគ្រួសារខាងប្រពន្ធ នៅស្រុកឈូក ខេត្តកំពត (ថ្ងៃទី៣ មេសា ២០១៦)

 

QingMing05042015-Kampot (1).JPG

រូបថត ៖ ឆេងម៉េង (កម្មវិធីឳពុកក្មេក) នៅស្រុកដងទង់ ខេត្តកំពត (ថ្ងៃទី៥ មេសា ២០១៥)

QingMing05042015-Kampot (2).JPG

រូបថត ៖ ឆេងម៉េង (កម្មវិធីម្តាយក្មេក) ស្រុកឈូក ខេត្តកំពត (ថ្ងៃទី៥ មេសា ២០១៥)

 

Bar Camp Kampot 2015

បញ្ចេញមតិ

ស្លាយដ៍សូវ៍​នេះ​ត្រូវការ JavaScript។

My Wedding Day 8 March 2015

បញ្ចេញមតិ

ថ្ងៃអាទិត្យ ទី​៨ ខែមីនា ឆ្នាំ២០១៥ គឺជា ថ្ងៃមង្គលរបស់ខ្ញុំ និង ស៊ន សុខឃៀង… ថ្ងៃដ៏សប្បាយរីករាយ រំភើយ ត្រេកអរ ជាពន់ពេក ដោយសារ វត្តមាននៃ ភ្ញៀវ​ចូលរួម យ៉ាងច្រើន ហួសពីការរំពឹងទុក…

 

ស្លាយដ៍សូវ៍​នេះ​ត្រូវការ JavaScript។

Older Entries

EverydayBuzz

All that is Interesting

Romduol Experience

Your Best Site for your home experience

StreiKhmer/ ស្រ្តីខ្មែរ

Inspired by Youth, Do it for Youth

ម៉ាយ-ទីនេះ

Entertainment, Travel...

Dr. Sopheap Phan

នាំលោកអ្នកទៅរកភាពជោគជ័យក្នុងជីវិតនិងការងារ

Monkey Driver

Tour & travel agency

ឯកសារ​ច្បាប់​ខ្មែរ

គេហទំព័រ ចែក​រំលែក​ គ្មាន​ដែន​កំណត់!

ទៅ​លេង​សៀមរាប​

តើ​គួរ​ទៅ​លេង​ឯ​ណា​ខ្លះទៅហ្ន៎?​

ស្រី សិទ្ធិ សួស្ដី ជ័យ

សិរី សេចក្ដីសម្រេច សួស្ដី ជ័យជម្នះ

HERITAGE_KH

Promote cultural heritage in Cambodia for public awareness

Yin Rany / យិន រ៉ានី

When there is a will, then there is a way.

solarooham

4 out of 5 dentists recommend this WordPress.com site

មាន​សង្ឃឹម

ចង់​ឃើញ​ស្នាម​ញញឹម​លើ​ផ្ទៃ​មុខ​មនុស្ស​គ្រប់​គ្នា

Noan Sereiboth

Together for Our Nation

ឃុន សចរិយា

អតីតកាលជាកញ្ចក់ឆ្លុះបញ្ចាំងអនាគត

សំណេរក្មេងតូច

This is a blog where you can read contemporary khmer poetry and short fiction!

Chouk Khmer

...a knowledge bank in Khmer

khmerforkhmernet

ខ្មែររួបរួមគ្នាដើម្បីកសាងសង្គមជាតិដ៏ល្អប្រសើរមួយសំរាប់ខ្មែរគ្រប់គ្នា

ម៉ាំប្រហុក

កាន់តែរៀនកាន់តែល្ងង់ The more you learn the more you become ignorant

វាយោស្រុកស្រែ

ជំនោរ រសាត់ រសាប់រសល់ រសេះរសោះ​ រសេមរសាម

ស៊ូសុធារី

ការចែករំលែករបស់ខ្ញុំទៅកាន់អ្នក

SSK News

Enjoy all news in our website and keep update with us. From SSK All for Memory (by Saky SSK)

Thea Literature Blog

Just want to write something beneficial for the world.

ជ្រិន សុជាតិ

រក្សាស្នាដៃ និងគំនិតអ្នកប្រាជ្ញ

mcuubu.wordpress.com/

[URL=http://info.flagcounter.com/XivV][IMG]http://s03.flagcounter.com/count/XivV/bg_FFFFFF/txt_000000/border_CCCCCC/columns_2/maxflags_12/viewers_0/labels_0/pageviews_0/flags_0/[/IMG][/URL]

love ٩(●̮̃•)۶ novel

“If you were expecting Prince Charming, I'm sorry. He's with his boyfriend.”

yongieyuki

Reading is the best choice for you

ស្នាមញញឹម

ស្នាមញញឹមរបស់អ្នកជាមហោសថសម្រាប់មនុស្សដែលស្រឡាញ់អ្នក

MAKING A COME BACK

Free from the fires of greed. (Panha Udom@ All rights reserved, 2017)

ទេវតាចិត្តល្អ

ឆ្អែតណាក៏មិនស្មើនឹងស្កប់ សុខណាក៍មិនស្មើនឹងស្ងប់

Tola Moeun

Every individual deserves equal rights

Photo Khmer

A fine WordPress.com site

Cheasovann

No One Is Perfect!

ប្លក់សុផាត បន្ទាយមានជ័យ

ជីវិតអ្នកមកពីជនបទ!

%d bloggers like this: