ទំព័រដើម

សង្សារ១៤ថ្ងៃ

បញ្ចេញមតិ

«សង្សារ១៤ថ្ងៃ» វាគ្រាន់តែជា ប្រលោមលោកធម្មតាៗ តួអង្គ-សាច់រឿងធម្មតាៗ អានមួយទំព័រដ៏អាចទាយដឹងដល់ទំព័របន្តបន្ទាប់ និងចុងបញ្ចប់… តែវានៅតែអាចធ្វើឲ្យខ្ញុំស្រក់ទឹកភ្នែកបានដោយមិនដឹងខ្លួន…

តាមពិតទៅ ខ្ញុំជាក៏អ្នកគាំទ្រម្នាក់របស់ អ្នកនិពន្ធ សុខ ចាន់ផល តាំងពីយូរមកហើយ តាំងពីសម័យអានរឿងតាមប្លុកម្ល៉េះ។ ប្រលោមលោកខ្នាតវែង ដែលខ្ញុំចូលចិត្តមានដូចជារឿង ខែរងា និងស្នេហាសុភាពបុរស គឺថា អានចប់ម្តងហើយ ចង់អានម្តងទៀត។ រឿងទាំងពីរនោះ ក៏ធ្លាប់ត្រូវគេខ្ចីទៅអាន ហើយស៊ីដាច់មិនសង ទើបខ្ញុំត្រូវទិញ ពីរក្បាលនោះមកវិញ អស់លុយពីរដង។ សៀវភៅប្រលោមលោករឿង «សង្សារ១៤ថ្ងៃ»នេះ តម្លៃពីមុន ៨ដុល្លារ អាលូវសល់ ៧ដុល្លារ ព្រោះបោះពុម្ពលើកទី២ [លើកទីមួយទិញមិនទាន់]។ លើកនេះ សូមប្រាប់ជាមុនថា លែងឲ្យគេខ្ចីហើយ… បើចង់អាន ទៅទិញខ្លួនឯងតូវ…

Sok Chanpal Novels

ចំពោះខ្ញុំ អារម្មណ៍ដំបូងពេលអានបានប៉ុន្មានវគ្គដំបូង គឺធម្មតាៗ ខ្ញុំអាចទាយដឹងថា ទំព័របន្ទាប់នៃសាច់រឿងនឹងទៅជាយ៉ាងម៉េច ហើយចុងបញ្ចប់នឹងទៅជាយ៉ាងណា។ ប្រហែលមកពីខ្ញុំធ្លាប់អានស្នាដៃប្រលោមលោកមុនៗច្រើន ទើបសាច់រឿងរបស់ សង្សារ១៤ថ្ងៃ ហាក់មិនសូវថ្មីសម្រាប់ខ្ញុំ។ តែអ្វីដែលថ្មី និងនៅតែល្អមិនខកបំណង គឺបច្ចេកទេសនិពន្ធ និងពាក្យពេចន៍សន្ទនា គតិអប់រំ របស់ សុខ ចាន់ផល។ បច្ចេកទេសនិពន្ធលើកនេះ អ្នកនិពន្ធប្រើ មនុស្សបីនាក់ (យ៉ានី មាសា និងឥន្រ្ទី) រៀបរាប់សាច់រឿង បន្ទាប់ពី រឿងខែរងា ដែលអ្នកនិពន្ធប្រើ មនុស្សពីរនាក់រៀបរាប់សាច់រឿង។

ប្រហែលមកពី អាយុខ្ញុំច្រើនបន្តិច មានប្រពន្ធមានកូនរួចហើយ ទើបអានប្រលោមលោកបែបស្នេហាក្មេងៗចឹងមិនសូវរំភើប។ យ៉ាងណា ខ្ញុំត្រូវចាប់កាន់សៀវភៅនេះ អានបីដង ទើបអាចអានដល់ចប់ ព្រោះរវល់មើលកូន និងត្រូវកូនរំខាន ប៉ុន្តែខ្ញុំចំណាយពេលតិចជាង ៧ម៉ោង ដើម្បីអានបញ្ចប់ប្រលោមលោក ២៩៤ទំព័រនេះ។

ដោយសារតែវាជា ប្រលោមលោកបែបយុវវ័យ ទើបនាំអារម្មណ៍ខ្ញុំឲ្យនឹកស្រមៃដល់ ស្នេហាកាលពីវ័យក្មេង។ ខ្ញុំភ្ញាក់ផ្អើលខ្លាំង នៅពេលទើបតែដឹងពី អត្ថន័យនៃពាក្យ «HATE!» ដែលមានន័យពេញសម្រាប់យុវវ័យថា

  • H = Happy to see you (រីករាយដែលបានជួបអ្នក)
  • A = Always miss you (តែងតែនឹកអ្នក)
  • T = Thinking of you (គិតពីអ្នក)
  • E = Everything for you (អ្វីទាំងអស់សម្រាប់អ្នក)

ពាក្យនេះ អតីតសង្សារចាស់ម្នាក់ធ្លាប់ឆាតមក និងប្រើជាមួយនឹងខ្ញុំ។ ខ្ញុំគិតថា នាងខឹងនឹងខ្ញុំ… ទាំងមិនយល់ន័។ ដូចគ្នានឹង ការប្រើ sticker ម្រាមដៃ តបសារ ទាំងមិនដឹងថា មានន័យថា ស្រឡាញ់អ្នក… យ៉ាងណាវាបានក្លាយទៅជា អតីតកាលទៅហើយ… អតីតកាល ដែលជាការចងចាំដ៏ល្អ…

12056-love-you-gesture-icon

មុននឹងបញ្ចប់សាច់រឿង ខ្ញុំត្រូវស្រក់ទឹកភ្នែកដោយមិនដឹងខ្លួន នៅទំព័រទី២២៦ ដែលរៀបរាប់ពី ទិដ្ឋភាពក្នុងរោងបុណ្យសពរបស់ជីតា កាន់ យ៉ានី។ អ្នកនិពន្ធបានធ្វើឲ្យខ្ញុំរលឹកឃើញដល់ លោកតារបស់ខ្ញុំ ដែលបានបាត់បង់ជីវិត កាលពីអំឡុងខែសីហា ឆ្នាំ២០១៤… ស្នាមញញឹម ក្តីស្រឡាញ់ និងពាក្យអប់រំរបស់គាត់នៅតែស្ថិតក្នុងចិត្តខ្ញុំរហូត ហើយខ្ញុំក៏ដឹងយ៉ាងប្រាកដថា តាស្រឡាញ់ខ្ញុំ…

wpid-img_20140803_021205.jpg

ឆ្លើយតបនឹងសំណូមពររបស់អ្នកនិពន្ធ

សើចខ្លាំងនៅទំព័រ ៖ (មានចេតនាទុកឲ្យទទេ)

យំខ្លាំងនៅទំព័រ ៖ ២២៦

ចូលចិត្តនៅត្រង់ឃ្លា ៖ «ខឹង ស្អប់ គុំគួន នឹងទាញយើងទៅក្នុងទុក្ខ ជាមួយនឹងសេចក្តីភ័យខ្លាច។ ចៅត្រូវតែចាកចេញពីវាឲ្យបាន ព្រោះទាំងនេះហើយ គឺជាឧបសគ្គដ៏ធំក្នុងជីវិតរបស់មនុស្សរាល់រូប។ ជ្រើសយកការស្រឡាញ់ ការដឹងគុណ ដាក់ក្នុងចិត្តរបស់ចៅឲ្យបានច្រើន…

Advertisements

រាជរដ្ឋាភិបាល អាណត្តិទី៦

បញ្ចេញមតិ

National Assembly 06-09-2018

រដ្ឋសភា បើកសម័យប្រជុំពេញអង្គ នៅថ្ងៃទី០៦ កញ្ញា ២០១៨​ (រូបថត ៖ រដ្ឋសភា)

ថ្នាក់ដឹកនាំ រាជរដ្ឋាភិបាល អាណត្តិទី៦ ត្រូវបានប្រកាសជា ផ្លូវការដោយ រដ្ឋសភា នៅព្រឹកថ្ងៃទី០៦ កញ្ញា ២០១៨ ដោយកំណត់ចំនួន នាយករដ្ឋមន្រ្តី ១រូប ឧបនាយករដ្ឋមន្រ្តី មានចំនួន ១០រូប, ទេសរដ្ឋមន្រ្តីមានចំនួន ១៧រូបរដ្ឋមន្រ្តី ២៩រូប (២៨ក្រសួង +) និងរដ្ឋមន្ត្រីប្រតិភូអមនាយករដ្ឋមន្ត្រី ១៩រូប។

Hun Sen PM 06-09-2018

លោកនាយករដ្ឋមន្រ្តី ហ៊ុន សែន ក្នុងសម័យប្រជុំរដ្ឋសភា ថ្ងៃទី០៦ កញ្ញា ២០១៨ (រូបថត ៖ រដ្ឋសភា)

នាយករដ្ឋមន្រ្តី 

  • សម្តេចអគ្គមហាសេនាបតីតេជោ ហ៊ុន សែន

ឧបនាយករដ្ឋមន្រ្តី

  1. សម្តេចក្រឡាហោម ស ខេង
  2. សម្តេចពិជ័យសេនា ទៀ បាញ់
  3. ឯកឧត្តម ហោ ណាំហុង
  4. លោកជំទាវកិត្តិសង្គហបណ្ឌិត ម៉ែន សំអន
  5. ឯកឧត្តមកិត្តិនីតិកោសលបណ្ឌិត ប៊ិន ឈិន
  6. ឯកឧត្តម យឹម ឆៃលី
  7. ឯកឧត្តម កែ គឹមយ៉ាន
  8. ឯកឧត្តម ប្រាក់ សុខុន
  9. ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន
  10. ឯកឧត្តម ជា សុផារ៉ា

ទេសរដ្ឋមន្រ្តី

  1. ​ឯកឧត្តម ឆាយ ថន
  2. ឯកឧត្តម ប៉ុល សារឿន
  3. ឯកឧត្តម គន់ គីម
  4. ឯកឧត្តម មាស សុភា
  5. ឯកឧត្តមកិត្តិសេដ្ឋាបណ្ឌិត ចម ប្រសិទ្ធ
  6. ឯកឧត្តម ញឹម វណ្ណដា
  7. ឯកឧត្តម ស៊ុន ចាន់ថុល
  8. ឯកឧត្តម ឱម យ៉ិនទៀង
  9. ឯកឧត្តម អៀង ម៉ូលី
  10. ឯកឧត្តម វ៉ា គីមហុង
  11. ឯកឧត្តម យឹម ណុលឡា
  12. ឯកឧត្តម ហ៊ឹម ឆែម
  13. ឯកឧត្តម ជិន ប៊ុនស៊ាន
  14. ឯកឧត្តម ហូ សិទ្ធី
  15. ឯកឧត្តម ឃុន ហាំង
  16. ឯកឧត្តម លី ធុជ
  17. ឯកឧត្តម អូស្មាន ហាស្សាន់

រដ្ឋមន្រ្តី

  1. ឯកឧត្តមកិត្តិនីតិកោសលបណ្ឌិត ប៊ិន ឈិន (រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី)
  2. សម្តេចក្រឡាហោម ស ខេង (រដ្ឋមន្រ្តីក្រសួងមហាផ្ទៃ)
  3. សម្តេចពិជ័យសេនា ទៀ បាញ់ (រដ្ឋមន្រ្តីក្រសួងការពារជាតិ)
  4. ឯកឧត្តម ប្រាក់ សុខុន (រដ្ឋមន្រ្តីក្រសួងការបរទេស និងកិច្ចសហប្រតិបត្ដិការអន្ដរជាតិ)
  5. ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន (រដ្ឋមន្ដ្រីក្រសួងសេដ្ឋកិច្ច និងហិរញ្ញវត្ថុ)
  6. ឯកឧត្តម  វេង សាខុន (រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ)
  7. ឯកឧត្ដម អ៊ុក រ៉ាប៊ុន (រដ្ឋមន្រ្តីក្រសួងអភិវឌ្ឍន៍ជនបទ)
  8. ឯកឧត្តម ប៉ាន សូរស័ក្តិ (រដ្ឋមន្រ្តីក្រសួងពាណិជ្ជកម្ម)
  9. ឯកឧត្ដមកិត្តិសេដ្ឋាបណ្ឌិត ចម ប្រសិទ្ធ (រដ្ឋមន្ដ្រីក្រសួងឧស្សាហកម្ម និងសិប្បកម្ម)
  10. ឯកឧត្តម ស៊ុយ សែម (រដ្ឋមន្រ្តីក្រសួងរ៉ែ និងថាមពល)
  11. ឯកឧត្តម​ ឆាយ ថន (រដ្ឋមន្រ្តីក្រសួងផែនការ)
  12. ឯកឧត្ដមបណ្ឌិតសភាចារ្យ ហង់ ជួនណារ៉ុង (រដ្ឋមន្ដ្រី ក្រសួងអប់រំ យុវជន និងកីឡា)
  13. ឯកឧត្ដម វង សូត (រដ្ឋមន្ដ្រីក្រសួងសង្គមកិច្ច អតីតយុទ្ធជន និងយុវនីតិសម្បទា)
  14. ឯកឧត្ដម ជា សុផារ៉ា (រដ្ឋមន្ដ្រីក្រសួងរៀបចំដែនដី នគរូបនីយកម្ម និងសំណង់)
  15. ឯកឧត្ដម សាយ សំអាល់ (រដ្ឋមន្ដ្រីក្រសួងបរិស្ថាន)
  16. ឯកឧត្ដម លឹម គានហោ (រដ្ឋមន្ដ្រីក្រសួងធនធានទឹក និងឧតុនិយម)
  17. ឯកឧត្ដម ខៀវ កាញារីទ្ធ (រដ្ឋមន្ដ្រីក្រសួងព័ត៌មាន)
  18. ឯកឧត្ដម អង្គ វង្សវឌ្ឍានា (រដ្ឋមន្ដ្រីក្រសួងយុត្ដិធម៌)
  19. លោកជំទាវកិត្តិសង្គហបណ្ឌិត ម៉ែន សំអន (រដ្ឋមន្ដ្រី ក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច)
  20. ឯកឧត្តម ត្រាំ អ៊ីវតឹក (រដ្ឋមន្រ្តីក្រសួងប្រៃសណីយ៍ និងទូរគមនាគមន៍)
  21. ឯកឧត្តម ម៉ម ប៊ុនហេង (រដ្ឋមន្រ្តីក្រសួងសុខាភិបាល)
  22. ឯកឧត្ដម ស៊ុន ចាន់ថុល (រដ្ឋមន្ដ្រីក្រសួងសាធារណការ និងដឹកជញ្ជូន)
  23. លោកជំទាវ ភឿង សកុណា (រដ្ឋមន្ដ្រីក្រសួងវប្បធម៌ និងវិចិត្រសិល្បៈ)
  24. ឯកឧត្ដម ថោង ខុន (រដ្ឋមន្ដ្រីក្រសួងទេសចរណ៍)
  25. ឯកឧត្ដម ហ៊ឹម ឆែម (រដ្ឋមន្ដ្រីក្រសួងធម្មការ និងសាសនា)
  26. លោកជំទាវ អុឹង កន្ថាផាវី (រដ្ឋមន្ដ្រីក្រសួងកិច្ចការនារី)
  27. ឯកឧត្ដម អុិត សំហេង (រដ្ឋមន្ដ្រីក្រសួងការងារ និងបណ្ដុះបណ្ដាលវិជ្ជាជីវៈ)
  28. ឯកឧត្ដម ពេជ្រ ប៊ុនធិន (រដ្ឋមន្ដ្រីក្រសួងមុខងារសាធារណៈ)
  29. ឯកឧត្តម ម៉ៅ ហាវណ្ណាល់ (រដ្ឋមន្រ្តីទទួលបន្ទុករដ្ឋលេខាធិការដ្ឋានអាកាសចរស៊ីវិល)

រដ្ឋមន្ត្រីប្រតិភូអមនាយករដ្ឋមន្ត្រី ១៩រូប រួមមាន៖

  1. លោក សុខ ចិន្តាសោភា អគ្គលេខាធិការក្រុមប្រឹក្សាអភិវឌ្ឍន៍កម្ពុជា
  2. លោក ម៉ម សារិន
  3. លោក ស្រ៊ី ថាមរុង្គ
  4. លោក ឈៀង យ៉ាណារ៉ា
  5. លោក យូ ស៊ុនឡុង
  6. លោក សោម សឿន
  7. លោក សុន គន្ធរ
  8. លោក ហ្សាការីយ៉ា អាដាម
  9. លោក កៅ គឹមហ៊ួន
  10. លោក អ៊ុច គឹមអន
  11. លោក កែវ រ៉េមី
  12. លោក ស្វាយ ស៊ីថា
  13. លោក​​​ ផៃ ស៊ីផាន
  14. លោក កែវ រតនៈ
  15. លោក ហ៊ុន ស៊ីថា
  16. លោក ឈឹម ផលវរុណ
  17. លោក នរ៉ាណាឫទ្ធិ អានន្ទដាយ៉ាត
  18. លោក ហារី សំអាត
  19. លោក កែវ បាភ្នំ

រដ្ឋសភា ក៏បានបោះឆ្នោតគាំទ្រ ៖

  • សម្តេច ហេង សំរិន ប្រធានរដ្ឋសភា,
  • លោក ងួន ញ៉ិល អនុប្រធានទី១ រដ្ឋសភា និង
  • លោកស្រី ឃួន សុដារី អនុប្រធានទី២ រដ្ឋសភា។

ដោយឡែកសម្រាប់គណៈកម្មការទាំង១០ នៃរដ្ឋសភារួមមាន៖

  1. លោក ប៉ា សុជាតិវង្ស ប្រធានគណៈកម្មការទី១ នៃរដ្ឋសភា (គណៈកម្មការសិទ្ធិមនុស្ស ទទួលពាក្យបណ្ដឹង អង្កេត និងទំនាក់ទំនងរដ្ឋសភា ព្រឹទ្ធសភា)
  2. លោក ជាម យៀប ប្រធានគណៈកម្មការទី២ នៃរដ្ឋសភា (ប្រធានគណៈកម្មការ សេដ្ឋកិច្ច ហិរញ្ញវត្ថុ ធនាគារ និងសវនកម្ម)
  3. លោក ជា វណ្ណដេត ប្រធានគណៈកម្មការទី៣ នៃរដ្ឋសភា (គណៈកម្មការផែនការវិនិយោគកសិកម្ម អភិវឌ្ឍន៍ជនបទ បរិស្ថាន និងធនធានទឹក)
  4. លោក ហ៊ុន ណេង ប្រធានគណៈកម្មការទី៤ នៃរដ្ឋសភា (ប្រធានគណៈកម្មការមហាផ្ទៃ ការពារជាតិ អង្កេត បោសសំអាត និងមុខងារសាធារណៈ)
  5. លោក ឈាង វុន ប្រធានគណៈកម្មការទី៥ នៃរដ្ឋសភា (គណៈកម្មការកិច្ចការបរទេសសហប្រតិបត្តិការអន្តរជាតិ ឃោសនាការ និងព័ត៌មាន)
  6. លោក ប៉ែន បញ្ញា ប្រធានគណៈកម្មការទី៦ នៃរដ្ឋសភា (គណៈកម្មការនីតិកម្ម និងយុត្តិធម៌)
  7. លោក ហ៊ុន ម៉ានី ប្រធានគណៈកម្មការទី៧ នៃរដ្ឋសភា (គណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍)
  8. លោកស្រី ឡោក ខេង ប្រធានគណៈកម្មការទី៨ នៃរដ្ឋសភា (គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី)
  9. លោកស្រី ងិន សុផុន ប្រធានគណៈកម្មការទី៩ នៃរដ្ឋសភា (ប្រធានគណៈកម្មការ សាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់)
  10. លោក ប៉ែន ស៊ីម៉ន ប្រធានគណៈកម្មការទី១០ នៃរដ្ឋសភា (គណៈកម្មការអង្កេតបោសសំអាត និងប្រឆាំងអំពើពុករលួយ)

Back to School

បញ្ចេញមតិ

ID-PUC-0087416

មានអារម្មណ៍ថា ខ្លួន​​ឯងចាស់ហើយ… តែការត្រឡប់មករៀនម្តងទៀតលើកនេះ ក៏ព្រោះតែគិតដល់អនាគតដ៏មាន​សេចក្តី​សុខជានិច្ចនិរន្ដរ៍មួយ។ ប្រហែលអាច​យឺតពេលបន្តិចដែរ សម្រាប់ការវិលត្រឡប់មករៀនមកជំនាញបន្ថែមលើកនេះ តែពេលខ្ញុំនឹកដល់ពាក្យរបស់ Abraham Lincoln ដែលទូន្មានថា “I am a slow walker, but I never walk back.“  ទើបធ្វើឲ្យខ្ញុំមានកម្លាំងចិត្ត បន្តដំណើរទៅមុខទៀត។ ខ្ញុំប្រាប់ខ្លួនឯងថា វាគ្រាន់តែជាការ​បោះជំហានដំបូងប៉ុណ្ណោះ គោលដៅស្ថិតនៅប៉ុន្មានឆ្នាំខាងមុខទៀតឯណោះ!

ជាការពិត វាមិនមែនជារឿងងាយទេ សម្រាប់អ្នកមានការងារធ្វើហើយត្រូវបន្តការសិក្សាទៀត រឹតតែពិបាកមួយកម្រិតទៀត​សម្រាប់ឳពុកម្តាយមាន កូនតូច ត្រូវ​មើលថែបន្ថែមទៀត។ រាល់ថ្ងៃត្រូវ ចេញពីផ្ទះតាំងពីព្រលឹមម៉ោង ៧ព្រឹក ហើយចូលមកដល់ផ្ទះវិញម៉ោង ៩យប់។ បើគ្មានពេលវេលា​ចុងសប្តាហ៍សម្រាប់កូនទេ ម្ល៉េះសមកូនភ្លេចមុខ លែងនិយាយរកមិនខានទេ។ គ្រួសារខ្លះ សំណាងណាស់ដែលនៅមាន​ មនុស្សចាស់ ឬម៉ាក់យាយ នៅមើលកូនតូច ជំនួស បើគ្មានគាត់ទេ ម៉្លេះសមមិនអាចចេញទៅពង្រឹងសមត្ថភាព​ បន្ថែមជំនាញ ឬប្រកបរបរទទួលទាន​បានឡើយ។ ដូច្នេះ គួរតែចេះរក្សា និងតបស្នងការស្រឡាញ់ទៅ មនុស្សចាស់ជា តាយាយកូនរបស់អ្នក​វិញផង។​

ដោយសារថ្នាក់របស់ខ្ញុំ មានសិស្សភាគច្រើនជា អ្នកមានការងារធ្វើ ហើយទំនងជា មក​សិក្សាដើម្បីចំណេះពិតប្រា​កដ ខ្ញុំកម្រឃើញ ពួកគាត់ បើកទូរស័ព្ទក្នុងម៉ោងសិក្សាណាស់។ បើប្រើទូរស័ព្ទ គឺមានត្រឹមតែពេលនរណា​ខល​មក ឬថតចម្លងមេរៀន ចែកគ្នាមើលប៉ុណ្ណោះ។ មាន បងប្រុសម្នាក់នោះ ចាស់ជាងខ្ញុំ ប្រហែល ២០ឆ្នាំ គាត់ថា រៀនមិន​សូវចូលទេ តែចេះតែខំប្រឹងទៅ… ចេះតែនឹកស្រណោះខ្លួនឯងថា មិនសមណាមករៀនវិញក្នុងកាលៈទេសៈនេះ​សោះ​។ ខ្ញុំមិនសូវមានពេលវេលាជជែកលេងជាមួយ មិត្តរួមថ្នាក់ថ្មីដែរ ដោយសារ​រវល់រៀងខ្លួន ព្រោះ​ចូលមកដល់ថ្នាក់ គឺចាប់ផ្តើមមេរៀន រៀនចប់ប្រញាប់ទៅផ្ទះ កូនប្រពន្ធរងចាំ…

រៀបរាប់មកដល់ត្រង់នេះ ប្រហែលជាមានអ្នកចង់ដឹងថា ខ្ញុំកំពុងរៀនស្អីគេ!??

អត់ទាន់ចង់ប្រាប់!!! :p

My Design 2013

បញ្ចេញមតិ

ព្រឹកមិញនេះ មន្រ្តីព័ត៌មាន «ថ្មី» នៃ អង្គការខុមហ្វ្រែល បានឆាតមកសួររក​ ស្នាដៃរចនា Banner​ កម្មវិធី សំឡេងសង្គមស៊ីវិល​ របស់ខ្ញុំ​ (ជាឯកសារ PSD តាំងពីឆ្នាំ​២០១៣)។ ដោយសារ ខ្ញុំបានរក្សាទុកវាយ៉ាងមានរបៀប… ត្រឹមរយះពេល ១០នាទីប៉ុណ្ណោះ ខ្ញុំ​អាចអាប់ឡូតចូលទៅក្នុង Google Drive ហើយ​បញ្ជូនទៅឲ្យគាត់​យ៉ាងរហ័សទាន់ចិត្ត។ តាមពិត នៅមានស្នាដៃរចនាមួយចំនួនទៀត ដែលខ្ញុំនៅតែរក្សា​សំណៅដើម ក្រែងលោមានអ្នកចង់បាន ហើយអាចប្រើប្រាស់បាន​ដូចថ្ងៃនេះចឹង។

Tip : ខ្ញុំតែងអាប់ឡូតសំណៅដើម ឬឯកសារសំខាន់ៗមួយចំនួន ទៅក្នុង Google Drive ឬ Dropbox ដើម្បីអាចងាយស្រួលរុករក និងផ្ញើបន្តឆាប់រហ័ស។

Banner VOC- 20 June 2013

Banner VOC- Modified on June 20, 2013

VOC 16 Oct 2013

The Media Team – VOC 16 Oct 2013

លទ្ធផលបោះឆ្នោតផ្លូវការឆ្នាំ២០១៨

បញ្ចេញមតិ

Official Election Result 2018

លទ្ធផល​ផ្លូវការនៃ​ការបោះឆ្នោត​ជ្រើសតាំងតំណាងរាស្រ្ត​ នីតិកាល​ទី​៦ ​ដែល​ ប្រកា​ស​​​​​​ដោយ ​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) នៅ​យប់​ថ្ងៃទី​១៥ ខែ​សីហា ឆ្នាំ​២០១៨ បានបង្ហាញថា សន្លឹកឆ្នោតក្នុងហិបសរុប ដែលស្មើនឹងចំនួនអ្នក​ចេញ ទៅបោះឆ្នោត មាន​សរុបជាង ៦លាន៩សែន (៦,៩៥៦,៩០០) សន្លឹក ឬ ៨៣.០២% នៃពលរដ្ឋមានឈ្មោះក្នុងបញ្ជីបោះឆ្នោត ជាងប្រាំបីលានបីសែន(៨,៣៨០,២១៧)នាក់​។

ក្នុងនោះដែរ សន្លឹកឆ្នោតបាន​ការ មានសរុបជាង ៦លាន៣សែន (៦,៣៦២,២៤១) សន្លឹក និង​សន្លឹកឆ្នោតមិនបានការ ដែលភាគច្រើនខូចខាត ដោយសារ ចេតនារបស់អ្នកបោះឆ្នោតគូសវាស ឬសរសេរថែម មានចំនួនសរុប ៥សែន៩ម៉ឺន (៥៩៤,៦៥៩) សន្លឹក ឬស្មើនឹង ៨ ភាគរយនៃសន្លឹកឆ្នោតសរុបក្នុងហិបឆ្នោត។

គួរបញ្ជាក់ថា ក្នុងចំណោមគណបក្សនយោបាយទាំង ២០ ដែលចូលរួម​ប្រកួតប្រ​ជែង គណបក្សប្រជាជនកម្ពុជា កំពុងកាន់អំណាច ទទួល​បាន​​សំឡេងឆ្នោតច្រើនជាងគេ គឺ​

  • គណបក្សប្រជាជនកម្ពុជា របស់លោក ហ៊ុន សែន នាយករដ្ឋមន្រ្តីចាំផ្ទះ ទទួល​បាន​សំឡេងឆ្នោតជាង ៤លាន៨សែន (៤,៨៨៩,១១៣)។ សំឡេង​ជាង ៤លាន៨សែន នេះ បានជួយ​ឲ្យ ​គណបក្ស​ប្រជាជនកម្ពុជា​ឈ្នះ​ឆ្នោត​ដោយ​គ្មានគូប្រៀប ឈាន​ទៅ​កាន់កាប់​អាសនៈទាំងអស់ ១២៥ លើ ១២៥។
  • គណបក្សហ៊្វុនស៊ិនប៉ិច របស់ សម្តេចក្រុមព្រះ នរោត្តម រណឬទ្ធិ ​ ស្ថិតក្នុង​លំដាប់​ថ្នាក់​​ទី​ពីរ ទទួលបានសំឡេងគាំទ្រជាង ៣សែន៧ម៉ឺនសន្លឹក (៣៧៤៥១០)។
  • គណបក្សសម្ព័ន្ធដើម្បីប្រជាធិបតេយ្យ របស់លោក ខឹម វាសនា ទទួលបាន​សំឡេង​ឆ្នោត​ជាង ៣សែនសន្លឹក (៣០៩៣៦៤)។
  • គណបក្សឆន្ទៈខ្មែរ របស់លោក ​គង់ មុនី​កា​ (កូន​ប្រុស​ពៅ​របស់​លោក​គង់ គាំ ​ឧ​ត្ត​ម​ទី​ប្រឹក្សា​អតីត​គណបក្ស​សង្គ្រោះ​ជាតិ) ទទួលបាន ២១២,៨៦៩សន្លឹក។
  • គណបក្សខ្មែររួបរួមជាតិ របស់លោក ញឹក ប៊ុនឆៃ ទទួលបាន ជាង ៩ម៉ឺន៩ពាន់ (៩៩៣៧៧) សន្លឹក។
  • គណបក្សប្រជាធិបតេយ្យមូលដ្ឋាន របស់លោក យ៉ងសាំង កុមារ ទទួលបាន ជាង ៧ម៉ឺន (៧០៥៦៧) សន្លឹក។
  • គណបក្សសំបុក្រឃ្មុំសង្គមប្រជាធិបតេយ្យ របស់លោក ម៉ម សូណង់ដូរ ទទួលបាន ៥ម៉ឺន៦ពាន់ (៥៦០២៤) សន្លឹក​។
  • គណបក្សខ្មែរឈប់ក្រ ៖ ៥៥,២៩៨សន្លឹក
  • គណបក្សខ្មែរតែមួយ ៖ ៤៨,៧៨៥សន្លឹក
  • គណបក្សសញ្ជាតិកម្ពុជា ៖ ៤៥,៣៧០សន្លឹក
  • គណបក្សខ្មែរសាធារណរដ្ឋ ៖ ៤១,៦៣១សន្លឹក
  • គណបក្សយុវជនកម្ពុជា ៖ ៣៩,៣៣៣សន្លឹក
  • គណបក្សធម្មាធិបតេយ្យ ៖ ២៩០៦០
  • គណបក្សខ្មែរអភិវឌ្ឍន៍សេដ្ឋកិច្ច ២៣,២៥៥សន្លឹក
  • គណបក្សខ្មែរក្រោក ៖ ២២,០០២សន្លឹក
  • គណបក្សពន្លឺថ្មី ៖ ១៣,៥០៩សន្លឹក
  • គណបក្សជនជាតិដើមប្រជាធិបតេយ្យកម្ពុជា ៖ ១០,១៩៧
  • គណបក្សមាតុភូមិយើង ៖ ៩,១៧៤សន្លឹក
  • គណបក្សសាធារណរដ្ឋប្រជាធិបតេយ្យ ៖ ៨,៥៩១សន្លឹក
  • គណបក្សរស្មីខេមរា ៖ ៤,២១២សន្លឹក

Logo parties in elections 2018 NEC

Ung Chansophea – អ៊ុង ច័ន្ទសោភា [Friend’s Net]

បញ្ចេញមតិ

FB Friend with UNG Chansophea

ថ្ងៃនេះ ហ្វ៊េសប៊ុក (Facebook) បាន​រំលឹកខ្ញុំថា ថ្ងៃទី១៥ សីហា [២០១១] ប្រាំពីរឆ្នាំមុន ខ្ញុំនឹង កញ្ញា អ៊ុង ច័ន្ទសោភា បានក្លាយជា​ មិត្តលើបណ្តាញហ្វេសប៊ុក (Friend’s net)។ ហ្វេសប៊ុក បាន​ផលិត វិដេអូ ១៣វិនាទី ដើម្បីអបអរ​មិត្ត​ភាពមួយនេះ។

ខ្ញុំនៅចាំបានថា ខ្ញុំស្គាល់ឈ្មោះ អ្នកយកព័ត៌មានវ័យក្មេងរូបស្រស់ម្នាក់នេះ [បច្ចុប្បន្នវ័យ ៣៥ឆ្នាំ] តាមរយៈសំឡេងរបស់គាត់​នៅ​លើរលកវិទ្យុបារាំងអន្តរជាតិ (RFI-Khmer) ហើយ គាត់ក៏ជា អាយដល ម្នាក់របស់ខ្ញុំផងដែរ។ បើទោះបីជា យើងទើបតែបានជួបមុខគ្នាផ្ទាល់ក្នុងឆ្នាំ២០១៨នេះ តែខ្ញុំបានដានតាមដឹងរឿង Secret របស់គាត់មួយចំនួនដែរ។ រឿងមួយដែលខ្ញុំអាចអួតនៅទីនេះ​បាន គឺ គាត់មានបំណងប្រាថ្នាពីតូចក្រូចឆ្មាមក ចង់ធ្វើជា «អ្នកចម្រៀង»។ បំណងនេះ មានតែ សាច់ញាតិ និងអ្នកជិតស្និទ្ធរបស់គាត់​ប៉ុណ្ណោះទើបអាចដឹង។

បើអ្នកស្វែងរកឈ្មោះ​ Ung Chansophea អ៊ុង ច័ន្ទសោភា នៅលើ google search តែបន្តិច អ្នកនឹងឃើញ​​ព័ត៌មានជាច្រើន អំពីគាត់។ អត្ថបទព័ត៌មានមួយដែលខ្ញុំចូលចិត្តជាងគេ គឺ អត្ថបទរបស់គាត់ ដែលផលិតឡើងសម្រាប់ The Indochina Media Memorial Foundation (IMMF) ទាក់ទងនឹងប្រធានបទ «ការតស៊ូប្រយុទ្ធនឹងភាពក្រីក្រ ​ចេញផ្សាយ» ក្នុងខែតុលា ឆ្នាំ២០០៧។

Young Lisu caught between money and culture
Ung Chansophea
Cambodia

Sri Dton Yen village – Her hands busy sewing long strips of colorful cloth, 18-year-old Sabai Tip proudly wears a traditional Lisu costume made of pink, black and blue velour. She said she wears it everyday, even at home.

In contrast, the decorations on her body are modern: hair highlighted deep yellow, two modern bracelets, a bright earring, and violet-colored nails.

“My parents don’t say anything about my makeup or jewelry and I don’t think I do anything wrong. It’s normal,” replied Sabai Tip, sitting in front of her bamboo house. “It’s true now that a lot of young Lisu prefer to wear normal clothes at home because they think the traditional costume is hot. But for me, I wear it to make my mum happy. Old people still love that their children wear this costume.”

Sabai Tip’s outfit looks new. She just returned from a traditional dance performance at Lisu Lodge, a small resort of Lisu-style houses located just outside Sri Dton Yen village, about 50 km north of Chiang Mai town.
Next door to Sabai Tip, another young Lisu woman, wearing a flower-painted shirt and shorts that rode well above her knees, was cleaning her shiny black motorbike. She could easily be mistaken for a girl from the city.

Such modern clothes and makeup are far from the traditional dress of the Lisu, a hill tribe that originated from Tibet and migrated through Myanmar and into northern Thailand.

“Since the village opened business connections with the outside world because of poverty, the new generation has changed,” said Lao Chiv, chief of this village that contains 150 families.
“They accept more and more clothes from the outside world and they prefer to use Thai or other languages rather than their own language. Maybe the Lisu language is no longer as important as English or French or Thai, which bring them more income.”

Lao Chiv recognizes that Lisu culture – symbolized by its costumes, language and belief in ancestor worship – might be lost in the near future.

“We might lose our culture one day, but it’s happening not only in our village but in all villages of minorities in the countryside where people have connections with the outside world,” the village chief said.

Playing a key role in the tension between old and new cultures is Lisu Lodge, founded in 1992 by The East West Siam tour company. The resort brings outsiders to the once remote village, increasing contact with the modern world. At the same time, the resort gives villagers another incentive for keeping their traditions alive.
Many young children want to learn traditional dances so they can earn money from tourists.
Villagers also say the lodge has boosted sales of handicrafts, which now accounts for 70 percent of all village income.

About 6,000 tourists from England, Germany, France, and South America visit each year.
“After Lisu Lodge, our sales in the village increased because of the tourists,” said Alepha, a 52-year-old man who can earn 150 baht per day as a silversmith. “And they have created more jobs for young Lisu who had nothing to do beside growing rice and some vegetables.”

Alepha, whose son plays traditional music at Lisu Lodge, wears a simple shirt and trousers at home. Even the chief of the village wears a normal T-shirt.

“In the past, some people didn’t agree with the project of Lisu Lodge because they were concerned about culture,” said Lao Chiv. “They were afraid that when more and more tourists came, they would bring their way of dressing. They worried that Lisu would lose their polite dress. This is very wrong in our culture. Anyway, time has passed, and the new generation wears even shorter and shorter [clothes] than the tourists.”

In the greeting book that Lisu Lodge provides for tourists, visitors are expected to dress modestly and to refrain from showing open affection with partners. “Villagers do not consider it polite to show their bodies, particularly women,” the book states.

For Lovmi, a 19-year-old waitress at Lisu Lodge, it’s not so much the influence of tourists; rather, it’s the young Lisu who study or sell handicrafts in the city. They come back wearing urban clothes. TV also has a big influence, she said.

“It’s globalization,” Lovmi said. “This century, everyone needs the same things.”

Lovmi had a French boyfriend when she was selling handicrafts in the Mae Taeng elephant camp, where she earned 4,500 baht per month, less than the 6,000 baht she now receives at Lisu Lodge. But she finally married a Lisu man after pressure from her parents.

Besides her good salary, Lovmi enjoys learning English by talking with foreigners. She said she’s happy to meet tourists and learn about other cultures. Some foreigners try to flirt with her.

“When they approach me, they ask me if I have boyfriend or not, and they say, ‘If I want to marry you, how much money or stuff do I have to pay for the wedding,’ but I reply simply that I’m already married,” Lovmi said with a smile.

In the past, when a single man wanted to speak with a woman, the conversation was controlled by the parents. “But now old persons have started to accept the liberty of love of their children, and some let their children choose their own husband or wife,” Lao Chiv said.

Such change will continue, thanks to the influence of tourists and urban life. Many in the village, however, pay more attention to the increase in income.
“Before, the village was undeveloped, but now it has become more developed. More income is generated for the villagers and the management is better. The village looks cleaner. We are asked to keep it clean for the tourists. I don’t see any change of culture,” said an old woman, Ami Malaosi, who was collecting trash in front her large house made of stone.

At a neighbor’s house made of bamboo, a 77-year-old man worried about the changes, but saw a good future for the young generation.

“A lot of culture has changed – the way of dressing and language,” said Aphapha, who sat alone in front of his house. “But to me, it’s rather good for the young generation because they have better education and have good contact with people. It’s good for their future.”

តាមពិត កញ្ញា អ៊ុង ច័ន្ទសោភា បានផលិតព័ត៌មាន និងស្នាដៃ​ជាច្រើន ជា ភាសាបារាំង តែខ្ញុំអានមិនដាច់ ទើបមិនបានយកមកបង្ហាញ៕

 

លទ្ធផលបោះឆ្នោតបណ្តោះអាសន្ន២០១៨

បញ្ចេញមតិ

ដូចការគ្រោងទុក ! នៅថ្ងៃទី១១ សីហា ២០១៨ គណៈកម្មាធិការជាតិរៀបចំការបោះឆ្នោត (គជប) ប្រកាសផ្សាយ លទ្ធផល បណ្តោះ​​​អាសន្ននៃការបោះឆ្នោតជ្រើសតាំងតំណាងរាស្រ្តនីតិកាលទី៦ បានបង្ហាញថា សន្លឹកឆ្នោតក្នុង​ហិបសរុបមាន ជាង ៦លាន៩សែន សន្លឹក (៦,៩៥៦,៩០០) ដែលនាំឲ្យចំនួនអ្នកចេញទៅបោះឆ្នោតកើនឡើងដល់ ៨៣.​០២​ភាគរយ​នៃចំនួនអ្នកមានសិទ្ធិបោះឆ្នោត(ក្នុងបញ្ជីឈ្មោះបោះឆ្នោត) និងសន្លឹកឆ្នោតមិនបានការ ៥សែន​៩ម៉ឺន (៥៩៤៦៥៩)។ តាមលទ្ធផលបណ្តោះអាសន្នដដែល បក្សប្រជាជន​កម្ពុជា កំពុងកាន់អំណាច ទទួលបានសំឡេង​ឆ្នោតជាង ៤លាន​៨សែន (៤,​៨៨៩​,១១៣​)​ បក្សហ៊្វុនស៊ិនប៉ិចរបស់ សម្តេចក្រុមព្រះ នរោត្តម រណឬទ្ធិ ទទួល​បានសំឡេង​គាំទ្រជាង ៣សែន៧ម៉ឺន (៣៧៤៥១០) បក្សសម្ព័ន្ធដើម្បីប្រជាធិបតេយ្យរបស់លោក ខឹម វាសនា ទទួលបានសំឡេងឆ្នោតជាង ៣សែន (៣០៩៣៦៤) បក្សខ្មែររួបរួមជាតិ ជាង ៩ម៉ឺន៩ពាន់ (៩៩៣៧៧) បក្សប្រជា​ធិ​បតេយ្យមូលដ្ឋាន ជាង ៧ម៉ឺន(៧០៥៦៧) បក្សសំបុក្រឃ្មុំសង្គមប្រជាធិបតេយ្យ ៥ម៉ឺន៦ពាន់ (៥៦០២៤) បក្សខ្មែរក្រោក ២ម៉ឺន២ពាន់ (២២០២២)។ គួរបញ្ជាក់ថា គិតត្រឹមថ្ងៃទី១១ សីហា មានគណបក្ស៤ ក្នុងចំណោម ២០​គណ​បក្ស​ដែលចូលរួមបោះឆ្នោត បានចេញមុខប្រកាសមិនទទួលស្គាល់លទ្ធផលបោះឆ្នោត។ គណបក្សទាំង ៤នោះរួមមាន គណបក្សយុវជនកម្ពុជា ទទួលបានសន្លឹកឆ្នោតជាង ៣ម៉ឺន៩ពាន់ (៣៩៣៣៣) គណបក្សខ្មែរឈប់ក្រ ជាង​៥ម៉ឺន (៥៥២៩៨) គណបក្សខ្មែរអភិវឌ្ឍន៍សេដ្ឋកិច្ច ជាង២ម៉ឺន (២៣២៥៥) និង គណបក្សរស្មីខេមរា ជាង៤ពាន់សំឡេង (៤២១២)។ ប្រធានគណបក្សយុវជនកម្ពុជា លោក ពេជ្រ ស្រស់ បានអះអាងថា សន្លឹកគាំទ្រដែលគណ​បក្ស​លោកទទួលបានពិតប្រាកដគឺមានចំនួន៣ម៉ឺន៩ពាន់៤១៧សំឡេង តែលទ្ធផលបណ្ដោះ​អាសន្នបាត់អស់ ៨៤សន្លឹកឆ្នោត ទើបលោកសម្រេចដាក់ពាក្យបណ្ដឹងតវ៉ាទៅកាន់ គជប ជុំវិញការបាត់សំឡេងឆ្នោត នៅថ្ងៃចន្ទ ទី១៣ សីហានេះ។

PR-NEC-11-08-2018

វត្ត និងព្រះសង្ឃ

បញ្ចេញមតិ

«នៅកម្ពុជា មាន វត្តអារ៉ាម សរុប ៤៩២៥វត្ត និង​ព្រះសង្ឃសរុប ៦៦០៥៦ ព្រះអង្គ» នេះបើយោងតាម ប្រសាសន៍របស់លោកនាយករដ្ឋមន្រ្តី ហ៊ុន សែន ថ្លែងបញ្ជាក់​ក្នុងពិធី​ប្រកាស​តែងតាំង និងស្រោចស្រពព្រះសុគន្ធវារី ប្រគេនសម្តេចព្រះកិត្តិយស ៣ព្រះអង្គ នៃ​គណៈមហា​និកាយ នៃ​ព្រះរាជា​ណាចក្រកម្ពុជា កាលពីថ្ងៃទី២៤ ខែឧសភា ឆ្នាំ២០១៨។

សេរីភាពសារព័ត៌មាននៅកម្ពុជា ឆ្នាំ២០១៨

បញ្ចេញមតិ

ជារៀងរាល់ឆ្នាំ អង្គការ​អ្នក​កាសែត​គ្មាន​ព្រំ​ដែន ​ឬ Reporters Without Borders (RWB), អង្គការ​អន្តរជាតិ​មួយ មាន ទីស្នាក់ការនៅក្នុងទីក្រុងប៉ារីស ប្រទេសបារាំង ដើរតួនាទី លើកស្ទួយ ការពារ​សេរីភាពនៃ​ការ​ទទួល​ព័ត៌មាន និងសេរីភាពសារព័ត៌មាន តែងចេញផ្សាយជាប្រចាំ របាយការណ៍ វាយតម្លៃ សេរីភាព​សារ​ព័ត៌មាន នៅ​ទូទាំង​ពិភពលោក

តាមរបាយការណ៍របស់ អង្គការ​អ្នក​កាសែត​គ្មាន​ព្រំ​ដែន ក្នុងឆ្នាំ២០១៨ ប្រទេសដែលមាន​សេរីភាព​សារព័ត៌មាន ល្អជាងគេបំផុត គឺប្រទេស Norway ជាប់ចំណាត់ថ្នាក់លេខមួយ ពិន្ទុ ៧.៦៣ (លេខមួយ ដូច​ឆ្នាំ​២០១៧) ដោយសារ​ ប្រព័ន្ធផ្សព្វផ្សាយ​ និងអ្នកកាសែត មិនមែនជា គោលដៅ​នៃ ការរិតត្បិត ឬសម្ពាធ​នយោ​បាយ។ បើទោះបីជា មាន​ការគំរាមកំហែងដោយ​ក្នុងតំបន់អ្នកកាន់សាសនាអ៊ីស្លាមខ្លះៗ តែកម្រមាន អំពើហិង្សាប្រឆាំងនឹង អ្នក​កាសែត និងប្រព័ន្ធផ្សព្វផ្សាយ។

ចំណែក ប្រទេសបាតតារាង ក្នុងចំណាត់ថ្នាក់ ១៨០ គឺ កូរ៉េខាងជើង។ ដូចឆ្នាំមុនដែរ កូរ៉េខាងជើង ដែល​ដឹកនាំដោយ Kim Jong-un តាំងពីឆ្នាំ 2012 បន្តគ្រប់គ្រង​ទាំងស្រុងលើ ប្រព័ន្ធផ្សព្វផ្សាយ បើទោះបីជា ប្រទេសកុុំមុយ​នីស​មួយនេះ អនុញ្ញាតឲ្យ មាន​អ្នកកាសែតអន្តរជាតិ មួយចំនួន អាចចូលទៅ យកព័ត៌មានក្នុងប្រទេស បានក៏ដោយ​​។

បើធៀបនឹង ប្រទេសក្នុងតំបន់ អាស៊ីអគ្នេយ៍ ចំណាត់ថ្នាក់ ១៤២ គឺ កម្ពុជា ទាបជាង បីប្រទេស គឺ​ប្រទេសឥណ្ឌូនេស៊ី ហ្វីលីពីន និង​ថៃ តែប្រសើរជាង ៦ប្រទេស ផ្សេងទៀត។​

  • ឥណ្ឌូនេស៊ី = ១២៤
  • ហ្វីលីពីន = ១៣៣
  • ថៃ = ១៤០
  • ម៉ាឡេស៊ី = ១៤៥
  • សឹង្ហបុរី = ១៥១
  • មីយ៉ាន់ម៉ា = ១៥៣
  • ប្រុយណេ = ១៥៣
  • ឡាវ = ១៧០
  • វៀតណាម = ១៧៥

ក្នុង​ចំណោម​ប្រទេស​១៨០ នៅ​ទូទាំង​ពិភលោក អង្គការ​អ្នក​កាសែត​គ្មាន​ព្រំ​ដែន ​កាលពីថ្ងៃពុធ ២៥ មេសា ២០១៨ បាន វាយតម្លៃ សេរីភាពសារព័ត៌មាន កម្ពុជា​ក្នុងឆ្នាំ២០១៨ ជាប់​ក្នុង​ចំណាត់​ថ្នាក់ លេខ ​១៤២ គឺ​ធ្លាក់​ចុះ ចំនួន ១០​លេខ​ ខុស​ពី​ឆ្នាំ​មុន​។ ឆ្នាំមុន ឆ្នាំ​​២០១៧ សេរីភាពសារព័ត៌មាននៅកម្ពុជា ​​ជាប់​ចំណាត់​​ថ្នាក់​​លេខ ១៣២​។ កាល​ពី​ឆ្នាំ​២០១៦ កម្ពុជា​ ទទួល​បាន​ចំណាត់​ថ្នាក់​លេខ ​១២៨។

អង្គការ​អ្នក​កាសែត​គ្មាន​ព្រំ​ដែន បានពន្យល់ថា បន្ទាប់ពីការបោះឆ្នោតឃុំសង្កាត់ កាលពីខែ​មិថុនា ២០១៧ គណបក្ស​ប្រឆាំង​ទទួល​បាន​សន្ទុះ​គាំទ្រ​ខ្លាំង​ក្លា​ របបដឹកនាំ បាន​ចាប់ផ្តើម​ សង្រ្គាមប្រឆាំងនឹង​ប្រព័ន្ធផ្សព្វផ្សាយឯករាជ្យ ក្នុងគោលបំណងធ្វើឲ្យប្រាកដថា នឹងទទួលបាន​ជ័យជំនះ ក្នុងការបោះឆ្នោត​តំណាង​រាស្រ្ត ដែលគ្រោងធ្វើនៅខែកក្កដា ២០១៨។ តាមរបាយការណ៍របស់ អង្គការអ្នកកាសែតគ្មានព្រំដែន ស្ថានីយ​វិទ្យុប្រមាណ ៣០ ត្រូវបាន​បំបិតសម្លេង លើសពីនោះ  កាសែតខេមបូឌា ដេលី ផ្សាយជាពីរភាសា ខ្មែរ និង​អង់គ្លេស ដែលបាន​ ចេញផ្សាយតាំងពី ទសវត្សឆ្នាំ១៩៩០ ក៏ត្រូវបាន​ «បង្ខំឲ្យបិទ»។ ថ្វីត្បិតតែនៅកម្ពុជា គ្មាន អ្នកកាសែតណាម្នាក់ ត្រូវបានសម្លាប់ ក្នុងឆ្នាំ២០១៨ តែ មាន អ្នកកាសែតមួយចំនួន ត្រូវបាន​ចោទ​ប្រកាន់​ដាក់ពន្ធនាគារ ដោយគ្មានមូលដ្ឋាន​ ។​

យ៉ាងណាក៏ដោយ រដ្ឋាភិបាល​កម្ពុជា យល់ថា ​របាយការណ៍​សេរីភាពសារព័ត៌មាន​ មិន​ឆ្លុះ​បញ្ចាំង​ពី​ការ​ពិត។ តាមរយះ អ្នកនាំ​ពាក្យ​គណបក្សប្រជាជនកម្ពុជា លោក សុខ ឥសាន បានច្រានចោលរបាយការណ៍វាយ​តម្លៃ​កម្រិត​សេរីភាព​សារ​ព័ត៌មាននៅកម្ពុជានេះ ដោយថា មិនបានឆ្លុះបញ្ចាំងការពិត និងមានភាពលម្អៀងផ្នែកនយោបាយ។ លោក​បាន​ថ្លែងប្រាប់ VOD ថា អង្គការអន្ដរជាតិមួយនេះ គួរសិក្សាឲ្យបានស៊ីជម្រៅថែមទៀតអំពីករណីកម្ពុជា និង​មិន​គួរលើកយកតែជ្រុងមួយមកធ្វើការវាយតម្លៃនោះទេ៕

កាលប្បវត្តិព្រឹត្តិការណ៍សំខាន់ៗឆ្នាំ២០១៧

បញ្ចេញមតិ

KEM SOKHA 03 Sep 2017

លោក កឹម សុខា ប្រធានគណបក្សសង្រ្គោះជាតិ ត្រូវបាន​​សមត្ថកិច្ច​ចាប់ខ្លួន​ពី​ក្នុងផ្ទះរបស់លោក​ស្ថិត​ក្នុង​ខណ្ឌទួលគោក កាល​ពី​យប់​រំលង​អាធ្រាត​ចូល​ថ្ងៃទី០៣ កញ្ញា ២០១៧

  • ថ្ងៃទី០៣ ខែកញ្ញា ឆ្នាំ២០១៧លោក កឹម សុខា ប្រធានគណបក្ស សង្គ្រោះជាតិ ត្រូវបានអាជ្ញាធរមានសមត្ថកិច្ចចាប់ខ្លួន នៅផ្ទះរបស់លោក ស្ថិតនៅក្នុង ខណ្ឌទួលគោក រាជធានីភ្នំពេញ កាលពីវេលាម៉ោង ០០.៣៥នាទី រំលងអធ្រាត្រ ចូលថ្ងៃទី០៣ ខែកញ្ញា ២០១៧។ ការចាប់ខ្លួននេះ ធ្វើឡើងក្រោយមានការចុះផ្សាយនៅបណ្តាញទំនាក់ទំនងសង្គម និងចែករំលែកតៗគ្នា នូវវីឌីអូខ្លីមួយ ដែលមានរូប លោក កឹម សុខា ថ្លែងទៅកាន់ពលរដ្ឋរស់នៅបរទេសមួយក្រុម និងបានលើកឡើង អំពីយុទ្ធសាស្ដ្រនយោបាយ ដែលលោកថា មានការគាំទ្រពីសហរដ្ឋអាមេរិក។ ពេលនោះ រដ្ឋាភិបាលកម្ពុជា បានចោទលោក កឹម សុខា ថា មានផែនការប៉ុនប៉ងផ្តួលរំលំរដ្ឋាភិបាល។ ថ្ងៃទី០៥ ខែកញ្ញា ២០១៧ ៖ ព្រះរាជអាជ្ញា​អមតុលាការក្រុងភ្នំពេញ បានសម្រេច​ចោទប្រកាន់លោកកឹម សុខា ជាផ្លូវការពី បទសន្ទិដ្ឋិភាពជាមួយបរទេសតាមមាត្រា៤៤៣នៃក្រមព្រហ្ម​ទណ្ឌកម្ពុជា។ បទសន្ទិដ្ឋិភាពជាមួយបរទេស គឺជាអំពើត្រូវរ៉ូវគ្នាដោយសម្ងាត់ជាមួយរដ្ឋបរទេស ឬភ្នាក់​ងារបរទេស ដើម្បីបង្កើតឲ្យមានអំពើប្រទូស្តរ៉ាយ ឬឲ្យមានអំពើឈ្លានពានប្រឆាំងនឹងកម្ពុជា។ បទល្មើសនេះ អាចត្រូវជាប់ពន្ធនាគារពី ១៥ ដល់ ៣០ឆ្នាំ៕

Older Entries

Lonn Pichdara

BEING A BETTER VERSION OF ONESELF EVERY SINGLE DAY

Something by Evan

Something by Evan

les yeux bridés

Un blog pour parler de l'Asie en France

EverydayBuzz

All that is Interesting

Romduol Experience

Your Best Site for your home experience

StreiKhmer/ ស្រ្តីខ្មែរ

Inspired by Youth, Do it for Youth

ម៉ាយ-ទីនេះ

Entertainment, Travel...

Monkey Driver

Tour & travel agency

ឯកសារ​ច្បាប់​ខ្មែរ

គេហទំព័រ ចែក​រំលែក​ គ្មាន​ដែន​កំណត់!

ទៅ​លេង​សៀមរាប​

តើ​គួរ​ទៅ​លេង​ឯ​ណា​ខ្លះទៅហ្ន៎?​

SOKRETH RIN

My Personal Blog

ហ៊ុន ឈុនតេង

ភាសាបច្ចុប្បន្នមានដានពីភាសាបុរាណ

HERITAGE_KH

Promote cultural heritage in Cambodia for public awareness

Yin Rany / យិន រ៉ានី

When there is a will, then there is a way.

solarooham

4 out of 5 dentists recommend this WordPress.com site

មាន​សង្ឃឹម

ចង់​ឃើញ​ស្នាម​ញញឹម​លើ​ផ្ទៃ​មុខ​មនុស្ស​គ្រប់​គ្នា

Noan Sereiboth

Together for Our Nation

ឃុន សចរិយា

អតីតកាលជាកញ្ចក់ឆ្លុះបញ្ចាំងអនាគត

សំណេរក្មេងតូច

This is a blog where you can read contemporary khmer poetry and short fiction!

Chouk Khmer

...a knowledge bank in Khmer

khmerforkhmernet

ខ្មែររួបរួមគ្នាដើម្បីកសាងសង្គមជាតិដ៏ល្អប្រសើរមួយសំរាប់ខ្មែរគ្រប់គ្នា

ម៉ាំប្រហុក

កាន់តែរៀនកាន់តែល្ងង់ The more you learn the more you become ignorant

ស៊ូសុធារី

ការចែករំលែករបស់ខ្ញុំទៅកាន់អ្នក

SSK News

Enjoy all news in our website and keep update with us. From SSK All for Memory (by Saky SSK)

Thea Literature Blog

Just want to write something beneficial for the world.

ជ្រិន សុជាតិ

រក្សាស្នាដៃ និងគំនិតអ្នកប្រាជ្ញ

mcuubu.wordpress.com/

[URL=http://info.flagcounter.com/XivV][IMG]http://s03.flagcounter.com/count/XivV/bg_FFFFFF/txt_000000/border_CCCCCC/columns_2/maxflags_12/viewers_0/labels_0/pageviews_0/flags_0/[/IMG][/URL]

love ٩(●̮̃•)۶ novel

“If you were expecting Prince Charming, I'm sorry. He's with his boyfriend.”

yongieyuki

Reading is the best choice for you

ស្នាមញញឹម

ស្នាមញញឹមរបស់អ្នកជាមហោសថសម្រាប់មនុស្សដែលស្រឡាញ់អ្នក

MAKING A COME BACK

Free from the fires of greed. (Panha Udom@ All rights reserved, 2017)

ទេវតាចិត្តល្អ

ឆ្អែតណាក៏មិនស្មើនឹងស្កប់ សុខណាក៍មិនស្មើនឹងស្ងប់

Tola Moeun

Every individual deserves equal rights

Photo Khmer

A fine WordPress.com site

Cheasovann

No One Is Perfect!

ប្លក់សុផាត បន្ទាយមានជ័យ

ជីវិតអ្នកមកពីជនបទ!

%d bloggers like this: