ទំព័រដើម

ខួបកំណើតកូនប្រុសអាយុមួយឆ្នាំ

បញ្ចេញមតិ

រីករាយថ្ងៃខួបកំណើតមួយឆ្នាំ ឆ្លងវ័យ ចូលឆ្នាំទីពីរ កូនប្រុសសំណព្វចិត្ត! ស្រី សម្បត្តិសគុណ #២៨តុលា២០១៦

ពេលវេលាដើរទៅមុខលឿនមែនទែន! តែមួយប៉ប្រិចភ្នែកសោះ កូនប្រុសខ្ញុំ ដែលទើបតែកើតមួយថ្ងៃមុនសោះ ចម្រើនវ័យ ជិតឆ្លងផុតមួយឆ្នាំ ឈានចូលឆ្នាំទីពីរ ត្រឹមប៉ុន្មានម៉ោងទៀតប៉ុណ្ណោះ។ បើសួរថា អាយុប៉ុណ្ណឹងចេះអីខ្លះហើយ? ខ្ញុំអាចរាប់បានថា សគុណ ចេះប៉ៅទឹកដោះគោ (តាំងពីថ្ងៃទីមួយនៃការចាប់កំណើត) ចេះញាំស៊ុប (អាយុ៦ខែ) ចេះដើរតែសតាក់ (អាយុ៨ខែ) ចេះក្តក់ (អាយុ១០ខែ) ដុះធ្មេញក្រោមទឹក (អាយុ១១ខែ) ចេះបើកទ្វាឡាន យំតាម ចង់តែដើរជិះម៉ូតូឡានលេង (អាយុ១២ខែ) ។ល។

តាំងពីគាត់នៅក្នុងផ្ទៃ រហូតដល់ មួយឆ្នាំនេះ អាចនិយាយបានថា វត្តមានរបស់គាត់ មានតម្លៃខ្លាំងបំផុតសម្រាប់ជីវិតខ្ញុំ។ គាត់ជាកម្លាំងចិត្ត ថាមពលមិនចេះរីងស្ងួត ក្តីសង្ឃឹម និងមរតកតែមួយគត់ដែលខ្ញុំមាន។ (និយាយដល់ត្រឹមនេះ អាចមានអ្នកអន់ចិត្ត ច្រណែនកូនខ្លួនឯង ដែលទទួលបានក្តីស្រឡាញ់ច្រើនជាង #ប្រពន្ធ)

ក្តីសុខបំផុតរបស់ខ្ញុំដែលជា ឪពុកម្នាក់ កន្លងមកនេះ គឺគ្រាន់តែចង់ត្រឹមឃើញ កូនមានសុខភាពល្អ អ្នកផងចូលចិត្ត និងកូនជាមនុស្សល្អ (និស្ស័យល្អ)។ ចឹងហើយទើបខ្ញុំ តែងតែស្វែងរកអ្វីៗដែលល្អបំផុត សម្រាប់ជូនគាត់ សូម្បីតែឈ្មោះរបស់គាត់ ក៏ខ្ញុំជ្រើសរើសបំផុត អាហារបំប៉នសុខភាព (ទឹកដោះគោសម្រាប់ម្តាយ និងកូន) កម្មវិធីអប់រំផ្លូវចិត្តកូន (ចាក់ដន្ត្រី) ការកំសាន្ត អនាម័យសំលៀកបំពាក់-កំប៉ុងទឹកដោះគោ-កន្លែងគេង ។ល។ 


អរគុណម្តាយក្មេកធំបំផុត ដែលបានបរិច្ចាកកម្លាំងកាយចិត្ត មើលថែ ចៅសគុណ យ៉ាងល្អ និងដោយក្តីស្រឡាញ់កន្លងមកនេះ។ បើគ្មានគាត់ទេ សគុណ ប្រហែលមិនងាយ ជាសៈស្បើយ ពីមេរោគផ្តាសាយ ដែលនៅជាប់ខ្លួនជាប់ ជិត២ខែ និងរក្សាទម្ងន់យក្សបានដដែល នោះទេ។ សគុណ អាយុ មួយឆ្នាំ ទម្ងន់ ១១គីឡូក្រាម ញាំទឹកដោះគោ មួយកំប៉ុងបានប្រាំថ្ងៃប៉ុណ្ណោះ។ 


នៅថ្ងៃខួបកំណើតឆ្នាំនេះ ខ្ញុំនិងប្រពន្ធ បានត្រៀមកម្មវិធីមួយចំនួនដែរ ដើម្បីអបអរកូន ដូចជា ជ្រើសរើសរូបថត មួយឆ្នាំ ដើម្បីផ្តិតដាក់ក្នុងអ៊ាល់ប៊ុម តែដោយសាររវល់ការងារផង ទើបមិនទាន់អាចបានបំពេញ។ យ៉ាងណាក៏ដោយ ព្រឹកនេះ យើង (ខ្ញុំ ប្រពន្ធ និងសគុណ) បាន យកចង្ហាន់រួមគ្នា ទៅប្រគេនព្រះសង្ឃតាំងពីព្រឹកព្រលឹម ដើម្បីសុំសេចក្តីសុខ មុនពេលខ្ញុំមកសាលារៀនបន្ថែម ចំណែកប្រពន្ធ ចូលរួមសិក្ខាសាលា។ ល្ងាចនេះ យើងនឹងមានកម្មវិធីកាត់នាំខេក និងញាំអាហារជួបជុំគ្រួសារបន្តិចបន្តួជា

កម្រងរូបថត សគុណ មួយឆ្នាំកន្លងមកនេះ នឹងបង្ហាញជូនឆាប់ៗនេះ 😍😍😍

Advertisements

កូនខ្ញុំមុខដូចស្រី

បញ្ចេញមតិ

មុខឲ្យឡើងកំប្លង់ៗ នរណាហៅ ក៏ ញញឹមដាក់ រួសរាយ ជា ចរិកកូនខ្ញុំ ស្រី សម្បត្តិសគុណ។

មនុស្សភាគច្រើនតែងតែច្រលំថា កូនប្រុសខ្ញុំ គឺជា កូនស្រី។ សូម្បីតែពេទ្យ ក៏ហៅខ្ញុំកូនខ្ញុំទៅជា #សកុណា ឯនោះវិញ។ 

មុខដូចស្រី អាចមកពីកូនយើងទុកសក់វែង!

នេះជាគំនិតរបស់ប្រពន្ធខ្ញុំ

ចឹងហើយថ្ងៃនេះ យើងសម្រេចចិត្តយកកូនទៅកាត់សក់។ កាត់សក់ជាងនៅក្បែរផ្ទះ មួយក្បាល បួនពាន់រៀល។ មានអីកាត់សក់ខ្លីចឹង មុខដូចប្រុសវិញហើយ 555

ចង់ទៅរៀនក្រៅប្រទេស

បញ្ចេញមតិ

កូនប្រុសខ្ញុំអាយុជិតមួយឆ្នាំ ហាក់មានចេតនាឃាត់ខ្ញុំ មិនចង់ឲ្យខ្ញុំទៅក្រៅប្រទេសចោលគាត់ទៀត។

នេះជាអារម្មណ៍មួយ ឆ្លើយតបនឹងប្រតិកម្មរបស់កូនប្រុសខ្ញុំ នៅយប់ ថ្ងៃទី១២ ខែតុលា ឆ្នាំ២០១៧។ គ្រាន់តែខ្ញុំបញ្ចប់កិច្ចសន្ទនាជាមួយ ភរិយា ពីគោលបំណង របស់ខ្ញុំដែល ចង់ដាក់ពាក្យទៅ រៀននៅអាមេរិក រយៈពេល បីខែ ខណៈដែល ភរិយាយល់ស្រប ស្រាប់តែ កូនប្រុសខ្ញុំ ស្រែកយំ ហើយស្ទុះមកអោបខ្ញុំជាប់ ទ្រេតខ្លួនលើទ្រូងខ្ញុំ នេបនិតប្រលែងជាមួយខ្ញុំ រហូតដល់គេងលក់។ ខ្ញុំគិតថា វាគ្រាន់តែជាអារម្មណ៍ខ្ញុំប៉ុណ្ណោះទេ ប៉ុន្តែម៉ោងនេះហើយ (ម៉ោង៤និង២០នាទី ព្រឹកថ្ងៃសុក្រ ទី១៣ ខែតុលា) គាត់តែនៅគេងកើយ និងទ្រូងខ្ញុំនៅឡើយទេ។ បែបនេះគឺ ខុសធម្មតាហើយ!

កាលពីចុងខែកញ្ញា (ខែមុន) ខ្ញុំមានអារម្មណ៍ភ្ញាក់ផ្អើលនៅពេលបើកមើលលិខិតឆ្លងដែន ដែលមានសុពលភាពដល់ឆ្នាំ២០២៥របស់ខ្ញុំ បានវាយត្រាឆ្លងកាត់ច្រកទ្វាអន្តោរប្រវេសន៍ ដើម្បីចាកចេញទៅចូលរួម សិក្ខាសាលាថ្នាក់តំបន់មួយ ក្នុងប្រទេសថៃ។ ជាការចាកចេញលើកទីមួយ បន្ទាប់ពីការវិលត្រឡប់មកពីបរទេស ប្រទេសស្វីស ចុងក្រោយបំផុត ក្នុងខែមីនា ឆ្នាំ២០១៥។ ភ្លេចខ្លួនជិតពីរឆ្នាំហើយ ដែលខ្ញុំភ្លេចនឹកនាដល់ឱកាសទៅក្រៅប្រទេស តែផ្តល់តម្លៃឲ្យគ្រួសារតូចរបស់ខ្លួនឯង ពិសេសចង់នៅក្បែរកូនពូជ។

នៅពេលនេះខ្ញុំហាក់ស្ទាក់ស្ទើរថា តើគួរតែដាក់ពាក្យទៅក្រៅប្រទេសទៀតឬអត់? 🤔🤔🤔 

ទោះបីជា ត្រឹមរយៈពេលខ្លី បីខែ តែកូនខ្ញុំពិតជា នឹកខ្ញុំខ្លាំងមិនខានទេ 😑😑😑 
សកម្មភាពដែលយើងមានទំនាក់ទំនងនឹងគ្នាបច្ចុប្បន្ននេះគឺ ពេលព្រឹកខ្ញុំយកកូនចុះក្រោមមុនទៅធ្វើការ ពេលល្ងាច លាងដបទឹកដោះគោ កំដរកូនលេងរហូតងូតទឹក និងបំប៉ៅទឹកដោះគោឲ្យកូនបិទភ្នែកគេង។ ថ្ងៃចុងសប្តាហ៍ ជូនកូនដើរលេង ទិញម្សៅទឹកដោះគោ បោកខោអាវ ជូនទៅពេទ្យ ។ ក្រៅពីការងារ គាត់កក់យកពេលវេលាពី ខ្ញុំទាំងអស់ សូម្បីប្រពន្ធខ្ញុំក៏ច្រណែនគាត់ដែរ 😄😄😄

My BD 36th

2 មតិ

ឆ្លងផុតម៉ោង៧និង៣០នាទីយប់នេះ ខ្ញុំឈានចូលវ័យ ៣៦ឆ្នាំ ជាផ្លូវការហើយ ! (មិនមែនក្មេងទេ ទោះបី សាច់ចាំ មុខក្មេងជាងវ័យ ក៏ដោយ) :):):)

ដល់វ័យប៉ុណ្ណេះ ទ្រព្យដ៏មហិមារបស់ខ្ញុំ គឺ កូនប្រុសមួយ #ស្រីសម្បត្តិសគុណ 😍😍😍

អរគុណប្រពន្ធសម្លាញ់ #ស៊នសុខឃៀង សម្រាប់ការផលិតកូនប្រុសមួយនេះ ដូចខ្ញុំទាំងភ្នែក ដៃជើង និងទម្រង់មុខ។

ទោះបីជា ប៉ាប៉ា មិនសូវសង្ហា តែក៏មិនខ្វះមនុស្សស្រីស្រឡាញ់ដែរកូនប្រុស។ ចឹងសង្ហាត្រឹមប៉ាប៉ា គឺ អាចទទួលយកបានហើយ។ ;););)

image

សូមឲ្យអំពើល្អដែលខ្ញុំបានសាងកន្លងមក  ក្លាយជាកុសលមួយ ជួយតាមថែរក្សាការពារកូនប្រុសរបស់ខ្ញុំ ប្រកបដោយសុខភាពល្អ ប្រាជ្ញាឆ្លាតវៃ ស្រស់សង្ហា និងពើបប្រទះតែរឿងល្អៗក្នុងជីវិត…

My 2nd Anniversary of Marriage

បញ្ចេញមតិ

She Cried

បញ្ចេញមតិ

នាងយំនៅចំពោះមុខខ្ញុំទៀតហើយ… នេះក៏ជាលើកទីពីរហើយ ដែលនាងយំដោយសារ កូន។ លើកទីមួយ គឺនាងយំខ្លាំង ពេលដឹងថា កូនប្រុស ក្នុងផ្ទៃរបស់នាង ទំនងជានឹង ប្រហោងបេះដូង។ តែក្រោយមក វាគ្រាន់តែជា ការសង្ស័យរបស់ពេទ្យប៉ុណ្ណោះ។ នាងយំលើកនេះព្រោះ អាណិតកូនប្រុស ដែលត្រូវចូលមន្ទីរពេទ្យ ដើម្បី វះកាត់សាច់ដុះលើផ្ចិត។ ទឹកភ្នែករលីងរលោង របស់នាងតិចតួចមែន តែវា បានដក់ជ្រាំលើ បេះដូងខ្ញុំ ធ្វើឲ្យគាំង ស្ទើរតែលែងដើរ លែងធ្វើអ្វីកើត… តែខ្ញុំព្យាយាម អង្អែលក្បាលនាង ហើយលួងលោមនាងថា មិនអីតេអូន វាគ្រាន់តែជាការវៈកាត់តូចតាចមួយប៉ុណ្ណោះ

image

ក្បួនមហាទក្សា

បញ្ចេញមតិ

ដោយសារ កូនប្រុស របស់ខ្ញុំកើត ថ្ងៃសុក្រ ឈ្មោះ #វរ័្មន ដែលខ្ញុំបានត្រៀមចិត្តថា នឹងដាក់ឲ្យកូនខ្ញុំ គឺ មិនសក្តិសម សម្រាប់គាត់ឡើយ។ ឈ្មោះនេះ តាមក្បួន មិនត្រូវបានណែនាំ ឲ្យឈ្មោះកូនខ្ញុំ មិនមែនដោយសារ ជាឈ្មោះមាន បារមី ខ្ពស់ស្មើ ស្តេច ដូចដែល អស់លោកមួយចំនួនគិតទុកទេ។ ឈ្មោះ ដែលផ្តើមដោយ អក្សរបួន គឺ យ រ ល វ ក្បួនណែនាំថា គួរវៀរ (កុំ) ឲ្យឈ្មោះកូនប្រុសស្រី កើតថ្ងៃសុក្រ។ គួរបញ្ជាក់ថា ការដាក់ឈ្មោះកូន វរ្ម័ន មិនមែន ខ្ញុំចង់ប្រដូចខ្លួនឯង ទៅនឹងរាជវង្សឡើយ តែដោយសារ ពាក្យនេះ ផុសចេញពីចិត្ត ខណៈប្រពន្ធខ្ញុំទៅ រៀបចំធ្វើកម្មវិធីវប្បធម៌ នៅទឹកដីអង្គរ ខេត្តសៀមរាប។ មួយវិញទៀត ឈ្មោះ វរ្ម័ន កាន់តែធ្ងន់ ដោយសារ ខ្ញុំត្រកូល #ស្រី នរណាស្តាប់ទៅ ក៏សាហាវដែរ។ សូម្បី ឈ្មោះដែល អ្នកអក្សរសាស្រ្តណែនាំ #សុខោទ័យ (សេចក្ដីសុខបានចាប់កំណើតឡើង) #សុមេធា (អ្នកប្រាជ្ញឧត្តម) ក៏ត្រូវ អ្នកស្តាប់មួយចំនួន ពេបម៉ាត់ ដែរ តែអ្នកអក្សរសាស្រ្ត ផ្តល់យោបល់ថា ឈ្មោះ ជា សម្រាប់សាធារណៈ មិនបានរើសអើងឋានៈ ដូចមនុស្សរស់លើផែនដីឡើយ។

ខ្ញុំរៀនបាន តាមក្បួនបុរាណនេះថា ទារកកើតមក គឺនៅចន្លោះ ថ្ងៃចន្ទ ដល់ថ្ងៃអាទិត្យ ដូច្នេះ ឈ្មោះ ដែលត្រូវដាក់ ឲ្យទារក គឺត្រូវស្របនឹង ថ្ងៃកំណើត នោះនឹងនាំឲ្យ ទារកធំធាត់ឡើង ព្រមជាមួយនឹង តេជៈ សិរី បុណ្យកុសល អាស្រ័យតាម ឥទ្ធិពល ឈ្មោះ ដែលផ្គុំឡើងពី តួអក្សរខ្មែរ ទាំង ៣៣តួ មានចាប់ពី ក ខ គ ឃ ង ដល់ ស ហ ឡ អ។ ឈ្មោះបុគ្គលខ្លះ អាចពិរោះ ស្តាប់ទៅ គួរឲ្យខ្លាច ប៉ុន្តែ បើ បុគ្គលកើតថ្ងៃត្រូវ តួអក្សរ គ្មានបារមី នោះ រាសីផ្ទាល់ខ្លួនគាត់ ក៏មិនមានអំណាចអ្វីឡើយ។ ប៉ុណ្ណឹង គួរឲ្យចាប់អារម្មណ៍អត់ !?

បើចង់ដឹងច្បាស់ សូមអាន សៀវភៅ #ក្បួនមហាទក្សា ដើម្បីយល់ដឹងពីរបៀបឲ្យឈ្មោះកូន តាម #បុរាណបណ្ឌិត ដើម្បីជា មង្គលប្រសើរ។

khmer-name-code

ក្បួនមហាទក្សា ជាក្បួនបុរាណប្រើសម្រាប់ឲ្យឈ្មោះកូនចៅ ដើម្បីជា សុភមង្គលដល់គ្រួសារ។ ខ្ញុំបានទិញសៀវភៅនេះ យូរហើយ តែអានមិនយល់ ទើបទុកចោល រហូតទាល់តែបានជួប ជាមួយ ព្រះសង្ឃមួយព្រះអង្គ កាលពីថ្ងៃពុធ ទី១ វិច្ឆិកា។ តាមពិត ខ្ញុំ និងម្តាយ ទៅទូលព្រះអង្គ ដើម្បីសុំ ខ្សែចំណង ពាក់ឲ្យកូនប្រុស ដែលមានអាករ ដូចមិនសូវធម្មតា ឧស្សាហ៍ ញញឹម ដូចកំពុងលេងជាមួយ #វិញ្ញាណ។ បន្ទាប់ពី ព្រះសង្ឃ ធ្វើខ្សែដៃ ពាក់សង្ខាងរួច ព្រះអង្គក៏បាន សួរនាំថ្ងៃកំណើតកូនប្រុសខ្ញុំ បំណងជួយមើល ជតារាសី។ ព្រះអង្គ បាន ព្យាយាមពន្យល់ នឹងណែនាំតួអក្សរ មួយចំនួន ឲ្យខ្ញុំជា អ្នករើសឈ្មោះដាក់ឲ្យកូន ដោយព្រះអង្គបកស្រាយថា ឪពុកម្តាយ ផ្តល់ឈ្មោះឲ្យកូន មានមង្គល និង បារមីជាងគ្រូអាចារ្យទាំងពួង។ ព្រះអង្គ មិនបានផ្តល់ឈ្មោះ សូម្បីមួយ ដើម្បីឲ្យខ្ញុំជ្រើស តែជំនួស ដោយផ្តល់ តួអក្សរមួយចំនួន ដើម្បីរៀបចំ និងផ្គុំជាឈ្មោះ សម្រាប់ដាក់ឲ្យកូន។

ទោះបី ខ្ញុំ អានសៀវភៅយល់ តែក៏មិនទាន់មាន សមត្ថភាព រកឈ្មោះល្អមួយ សម្រាប់កូនខ្លួនឯង បានឡើយ ដូច្នេះ ត្រូវសុំជំនួយ ពីមនុស្សពូកែអក្សរសាស្រ្តមួយចំនួន។ ពួកគាត់បានផ្តល់ឈ្មោះជូនយ៉ាងច្រើន តែនៅតែមិនពេញចិត្តប្រពន្ធខ្ញុំ។

គាត់ព្រមានថា «កុំអឺអើម្នាក់ឯង ! ត្រូវចាំថា គាត់ក៏ជាកូនខ្ញុំដែរ ! កុំសម្រេចចិត្តម្នាក់ឯងណា លោកប្តី !» ចឹងហើយ រើសឈ្មោះ ត្រូវពេញចិត្តទាំងពីរនាក់។

ដើម្បីរើសឈ្មោះឲ្យរឹតពិរោះមានន័យ គួរប្រើ វចនានុក្រមខ្មែរ ជាជំនួយ។ ទើបខ្ញុំសម្រេចចិត្តទិញ រចនានុក្រម ថ្មីមួយក្បាល។

ខ្ញុំនៅចាំបានថា ខ្ញុំបាននាំអ្នកផ្ទះ និងគ្រួសារ ភ្ញាក់ផ្អើលច្រើនដងពេកហើយ រឿងកូនប្រុសមួយនេះ ! ទាំងអំពីភេទ និងឈ្មោះ…

ថ្ងៃនេះ ខ្ញុំចំណាយពេល បីម៉ោង រើសឈ្មោះមួយសម្រាប់កូន ទាល់តែបានសម្រេច ព្រោះ ប្រពន្ធក៏ពេញចិត្ត តិចៗដែរ។ តែជាថ្មីម្តងទៀត គាត់មិនទាន់ឲ្យខ្ញុំប្រកាសជា សាធារណៈ… គឺ ត្រូវរងចាំ ភ្លើងបៃបង ពីគាត់សិន…

#មិនមែនខ្លាចប្រពន្ធទេតែខ្ញុំគោរពគាត់

បើគ្មានគាត់មើលកូន នៅពេលយប់ទេ ម្លេះខ្ញុំគ្មានកម្លាំងមកធ្វើការងារឡើយ។ ព្រោះ លោកកូនខ្ញុំ ចង់លេងពេលយប់ ជាងគេថ្ងៃ ពេលថ្ងៃគាត់គេង  ដល់ពេលយប់បើកភ្នែកប៉ុនពងមាន់។

Older Entries

ឯកសារ​ច្បាប់​ខ្មែរ

គេហទំព័រ ចែក​រំលែក​ គ្មាន​ដែន​កំណត់!

ទៅ​លេង​សៀមរាប​

តើ​គួរ​ទៅ​លេង​ឯ​ណា​ខ្លះទៅហ្ន៎?​

SOKRETH RIN

I Write, You Read

ស្រី សិទ្ធិ សួស្ដី ជ័យ

សិរី សេចក្ដីសម្រេច សួស្ដី ជ័យជម្នះ

HERITAGE_KH

Promote cultural heritage in Cambodia for public awareness

Yin Rany / យិន រ៉ានី

When there is a will, then there is a way.

solarooham

4 out of 5 dentists recommend this WordPress.com site

មាន​សង្ឃឹម

ចង់​ឃើញ​ស្នាម​ញញឹម​លើ​ផ្ទៃ​មុខ​មនុស្ស​គ្រប់​គ្នា

Noan Sereiboth

Together for Our Nation

ឃុន សចរិយា

អតីតកាលជាកញ្ចក់ឆ្លុះបញ្ចាំងអនាគត

សំណេរក្មេងតូច

This is a blog where you can read contemporary khmer poetry and short fiction!

Chouk Khmer

...a knowledge bank in Khmer

khmerforkhmernet

ខ្មែររួបរួមគ្នាដើម្បីកសាងសង្គមជាតិដ៏ល្អប្រសើរមួយសំរាប់ខ្មែរគ្រប់គ្នា

ម៉ាំប្រហុក

កាន់តែរៀនកាន់តែល្ងង់ The more you learn the more you become ignorant

វាយោស្រុកស្រែ

ជំនោរ រសាត់ រសាប់រសល់ រសេះរសោះ​ រសេមរសាម

ស៊ូសុធារី

ការចែករំលែករបស់ខ្ញុំទៅកាន់អ្នក

SSK News

Enjoy all news in our website and keep update with us. From SSK All for Memory (by Saky SSK)

Thea Literature Blog

Just want to write something beneficial for the world.

ជ្រិន សុជាតិ

រក្សាស្នាដៃ និងគំនិតអ្នកប្រាជ្ញ

mcuubu.wordpress.com/

[URL=http://info.flagcounter.com/XivV][IMG]http://s03.flagcounter.com/count/XivV/bg_FFFFFF/txt_000000/border_CCCCCC/columns_2/maxflags_12/viewers_0/labels_0/pageviews_0/flags_0/[/IMG][/URL]

love ٩(●̮̃•)۶ novel

“If you were expecting Prince Charming, I'm sorry. He's with his boyfriend.”

yongieyuki

Reading is the best choice for you

ស្នាមញញឹម

ស្នាមញញឹមរបស់អ្នកជាមហោសថសម្រាប់មនុស្សដែលស្រឡាញ់អ្នក

MAKING A COME BACK

Free from the fires of greed. (Panha Udom@ All rights reserved, 2017)

ទេវតាចិត្តល្អ

ឆ្អែតណាក៏មិនស្មើនឹងស្កប់ សុខណាក៍មិនស្មើនឹងស្ងប់

Tola Moeun

Every individual deserves equal rights

Photo Khmer

A fine WordPress.com site

Cheasovann

No One Is Perfect!

ប្លក់សុផាត បន្ទាយមានជ័យ

ជីវិតអ្នកមកពីជនបទ!

A CORNER OF LIFE...

MSNKH

អប់រំ ចែករំលែក បទពិសោធន៍ និង ពតិ៍មាន

It's Me, I and Myself!

It's time to​​ share something. It's just an imagination of the writer but based on the true story somehow...

VM-KH

Free all document to you!

PaHnA

ភាពច្នៃប្រឌិតនៃគំនិតទៅកាន់ភាពពិត Creative blog of Dream come truth

Explorer

Everywhere is learning

Miss. KHEANG

Look up and smile, cause life is beautiful.

សម្រាប់​ខ្មែរ

ព័ត៌មាន, កម្សាន្ត, ចំណេះដឹង​ផ្សេង ៗ ...

Book of Life

What different of the Style-idea????

~XtremeLife~

Live Like It's The Last Day of Life

laroolovely

Smile! You’re at the best WordPress.com site ever

%d bloggers like this: