ទំព័រដើម

2017 Elections Result

បញ្ចេញមតិ

លទ្ធផលនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៤ ឆ្នាំ២០១៧ មានគណបក្សនយោបាយ ៧ ក្នុងចំណោម គណបក្ស ១០ ដែលបានចុះឈ្មោះប្រកួតប្រជែង ហើយ​ទទួលបាន​ អាសនៈសរុប ១១៥៧២ (ស្រី ១៩៣៩) ៖

  1. គណបក្សប្រជាជនកម្ពុជា ទទួលបាន ៦៥០៣ អាសនៈ ក្នុងនោះ រក្សាបាន មេឃុំចៅសង្កាត់ ១១៥៦ អាសនៈ
  2. គណបក្សសង្រ្គោះជាតិ ទទួលបាន ៥០០៧ អាសនៈ រួមទាំង មេឃុំចៅសង្កាត់ ៤៨៩ អាសនៈ
  3. គណបក្សខ្មែររួបរួមជាតិ ទទួលបាន ២៤ អាសនៈ រួមទាំងមេឃុំមួយ អាសនៈ នៅខេត្តបន្ទាយមានជ័យ
  4. គណបក្សហ្វ៊ុនស៊ិនប៉ិច ទទួលបាន ២៨ អាសនៈ
  5. គណបក្សសម័្ពន្ធដើម្បីប្រជាធិបតេយ្យ ទទួលបាន ៤អាសនៈ (១អាសនៈ ក្នុងខេត្តបាត់ដំបង ២អាសនៈ នៅសៀមរាប និង ១អាសនៈ នៅខេត្តឧត្តរមានជ័យ)
  6. គណបក្សសំបុក្រឃ្មុំ ទទួលបាន ១អាសនៈ ជំទប់ទី២ នៅខេត្តកំពង់ចាម
  7. គណបក្សប្រជាធិបតេយ្យមូលដ្ឋាន ទទួលបាន ៥អាសនៈ (២អាសនៈ ក្នុងខេត្ត​កំពង់ធំ ១អាសនៈ នៅកំពត និង ២អាសនៈ ​នៅខេត្តរតនគីរី)

NEC Officials 2017 Elections Result

Voter List 2016

បញ្ចេញមតិ

ទិន្នន័យចំនួន អ្នកបោះឆ្នោតសរុបក្នុងបញ្ជីបោះឆ្នោតផ្លូវការឆ្នាំ២០១៦ ៖

ចំនួនការិយាល័យបោះឆ្នោតសរុប ៖ 22,148 ការិយាល័យ
ចំនួនអ្នកបោះឆ្នោតក្នុងបញ្ជីបោះឆ្នោតផ្លូវការឆ្នាំ២០១៦ ៖ 7,865,033 នាក់
– បុរសចំនួន ៖ 3,654,119 នាក់
– ស្ត្រីចំនួន ៖ 4,210,914 នាក់
– ជនពិការដៃចំនួន ៖ 8,593 នាក់
– ព្រះសង្ឃចំនួន ៖ 8,824 នាក់
– អាយុពី១៨-៣០ឆ្នាំចំនួន ៖ 2,621,190 នាក់ (ស្រី : 1,369,046)
– អាយុពី៣១-៤៥ឆ្នាំចំនួន ៖ 2,707,092 នាក់ (ស្រី : 1,441,872)
– អាយុពី៤៦-៦៥ឆ្នាំចំនួន ៖ 2,024,936 នាក់ (ស្រី : 1,122,171)
– អាយុលើសពី៦៥ឆ្នាំចំនួន ៖ 511,815 នាក់ (ស្រី : 277,825)

យោង គេហទំព័រ គណៈកម្មការធិការជាតិរៀបចំការបោះឆ្នោត គជប

Post Election Conflict in Cambodia

បញ្ចេញមតិ

ជម្លោះ​​ក្រោយ​ការ​បោះ​ឆ្នោត​ឆ្នាំ​​២០១៣​ អាច​នឹង​ក្លាយ​ជា​​វិបត្តិ​​នយោ​បាយ​នៅ​កម្ពុជា

ជម្លោះ​​នៃ​ការ​បោះ​ឆ្នោត​ជាតិ ក្នុង​ខែកក្កដា ឆ្នាំ២០១៣ នៅ​កម្ពុជា បាន​​វិវត្តន៍​បន្តិច​ម្តងៗ​អាច​ទៅ​​​ជា​​វិបត្តិ​​នយោ​បាយ​។ ទោះបីជា​យ៉ាងនេះ​ក្តី ជម្លោះ​ ឬ/និង​​វិបត្តិ​​នយោបាយ​​នៅ​ក្នុង​​ប្រទេស​កម្ពុជា គឺមិនមែន​​ជា​លើ​ក​​ដំបូង​​ឡើយ​ព្រោះវា​ធ្លាប់កើ​ត​ឡើង​​តាំង​ពី​សម័យ​សង្គ្រាម​​ត្រជាក់​តាំង​ពី​​​ទសវត្ស​ឆ្នាំ១៩៧០ កម្ពុជាមាន​វិបត្តិ​នយោបាយ ដោយ​ភ្ជាប់​​ការ​តស៊ូ​ដណ្តើម​​អំណាច​​នយោបាយ​ដោយ​អាវុធ និង​​​ក្រោ​យមក​​ទៀត​បន្ទាប់​ពី​ដំណើរ​ការបោះ​ឆ្នោ​ត​ក្នុ​ង​ឆ្នាំ១៩៩៣ ​រហូត​​មក​ដល់​បច្ចុប្បន្ន​​ កម្ពុជាជួប​ប្រឈម​​ជម្លោះ​បោះ​ឆ្នោត​ ហើយ​ឈាន​​ទៅរក​​​ជម្លោះ ឬ​ជាប់​គាំង​​នយោ​​បាយ​​​ក្នុង​រយៈពេល​​ខ្លី។ ​

ជម្លោះ​​បោះឆ្នោត​​លើក​នេះ​ប្រាកដ​ណាស់ថា បាន​ចាប់ពន្លក​​​តាំងពី​ការ​រៀបចំ​​មុនពេល​បោះឆ្នោត។ ជាការ​ពិត ​ការចាត់ចែង​ការ​បោះឆ្នោត​នៅ​កម្ពុជា​ក្នុង​ឆ្នាំ​២០១៣ មិនទាន់​​មាន​ភាព​សេរី និង​យុតិ្តធម៌ ដោយ​សារ​​ខ្វះខាត​​ការប្រកួត​ប្រជែង​​​លើ​ទីលាន​​បោះឆ្នោត​​ដ៏ត្រឹមត្រូវ​។ គណបក្ស​មិន​កាន់​អំណាច​ ជា​ពិសេស​គណបក្ស​​សង្រ្គោះ​ជាតិ​​បាន​ត្អូញត្អែរ​​លើ​ចំណុច​សំខាន់ៗទាក់ទង​នឹង​​សមាស​ភាព​​សមាជិក​របស់​គណៈ​កម្មាធិការ​​ជាតិ​រៀបចំ​ការ​បោះ​ឆ្នោត(គ.ជ.ប) និង​​បញ្ជី​​ឈ្មោះ​អ្នក​បោះឆ្នោត​ ព្រមទាំង​​ការ​ចេញ​​លិខិត​បញ្ជាក់​អត្ត​សញ្ញាណ​សម្រាប់​បម្រើឱ្​យការ​បោះឆ្នោត។ សមាជិក គ.ជ.ប ទាំង​៩ ត្រូវ​បាន​​ជ្រើសរើស​​​យ៉ាង​សម្ងាត់ និង​​ជ្រើសតាំង​​ដោយ​​រដ្ឋាភិបាល​​គណបក្ស​ប្រជាជន​កម្ពុជា (រដ្ឋ​មន្រ្តី​ក្រសួង​មហាផ្ទៃ គណៈ​រដ្ឋមន្រ្តី និង​​សមាជិក​រដ្ឋសភា​របស់​​បក្ស​ប្រជាជន​កម្ពុជា)។ ទោះបីជា​គណបក្ស​សង្គ្រោះ​ជាតិ​បាន​​ស្នើ​ដើម្បី​ពន្យារ​ពេល​​បោះ​ឆ្នោត​ ដើម្បី​​​រៀប​ចំ​​ការចុះឈ្មោះ​បោះឆ្នោត​​ឡើងវិញ ធានា​គុណភាព​នៃ​បញ្ជីឈ្មោះ​​អ្នកបោះឆ្នោត តែ​សំណើ​នេះ​​មិន​ត្រូវ​បាន​យកចិត្ត​​ទុកដាក់​ដោះស្រាយ​​ឡើយ​។

រាប់​ចាប់ពី​​ការតែង​តាំង​​សមាស​ភាព​នៃ គ.ជ.ប ​ក៏​​មិន​​បា​ន​​ឆ្លើយតប​​នឹង​​អនុសាសន៍​​​របស់​អ្នកជំនាញ​​ការ​ងារ​​បោះឆ្នោត​ជាតិ​ អន្តរជាតិ និង​ការ​ខកខាន​​មិនបាន​​កំណែ​ទម្រង់​ស្ថាប័ន​អាជ្ញា​កណ្តាល​​មួយនេះ ការ​លុប​​ឈ្មោះ​​មេដឹកនាំ​​គណបក្ស​​សង្គ្រោះ​ជាតិ ដែលជា​គណបក្ស​ជំទាស់​រដ្ឋាភិបាល​​ដ៏ធំ​​មួយ និង​ជា​គូប្រជែង​​ស្មើ​កម្លាំង​គ្នា គឺជាការ​យកប្រៀប​​ខាង​យុទ្ធសាស្រ្ត​ដោយ​ចេតនា​​មិនតឹ្រម​ត្រូវ​ដោយ​គ.ជ.ប ដែលជា​ស្ថាប័ន​​​ទទួល​ស្គាល់ និង​ប្រកាស​ជោគ​ជ័យ​​របស់​​គណបក្ស​កាន់​អំណាច។ ​បន្ថែម​ទំនាស់​​នោះទៀ​ត ការ​ខ្វះខាត​ទំនុក​ចិត្ត និង​ទំនាស់​បែប​បុគ្គល​រវាង​មេដឹកនាំ​បានកើន​ឡើង។ គណបក្ស​​កាន់​អំណាច​​ត្រូវបាន​​គេជឿជាក់​ថា បាន​​គាំ​​ទ្រ​ពី​ក្រោយ​​​ខ្នង​​យុទ្ធនាការ​​ប្រឆាំង​នឹង​​មេដឹកនាំ​គណបក្ស​​សង្រ្គោះជាតិ​​ជាបន្តបន្ទាប់​ ដូចជា លោក​នាយករដ្ឋមន្រ្តី ហ៊ុន សែន បាន​ថ្លែង​​នៅ​ក្នុង​​ពិធី​​បញ្ចុះ​​ខណ្ឌ​សីមា​​នៅ​​វត្ត​​មង្គលវង្ស ក្នុង​ខេត្ត​កំពង់​ចាម កាលពី​ថ្ងៃទី​៣០​ ខែ​ឧសភា ឆ្នាំ២០១៣ ថា នៅ​ពេល​​លោក កឹម សុខា ត្រឡប់​​មក​ពី​​សហរដ្ឋ​​អាមេរិក​វិញ​ ប្រជា​ពលរដ្ឋ​​នឹង​ធ្វើ​បាតុកម្ម​​ប្រឆាំង​​នឹង​លោក ប្រសិន​បើ​​លោក កឹម សុខា មិន​ធ្វើ​ការ​​សុំ​ទោស​​ប្រជា​ពលរដ្ឋ​​ទាក់ទិន​​នឹង​​ការបកស្រាយ​​អំពី​​គុក​ទួលស្លែង​ និង​កងទ័ព​​វៀត​ណាម​​។ មិនយូរប៉ុន្មាន​ នៅថ្ងៃទី​៩ ខែមិថុនា ឆ្នាំ២០១៣ លោក ជុំ ម៉ី ជា​អតីត​​អ្នក​រងគ្រោះ​​នៅ​ក្នុង​​របប​​ខ្មែរ​ក្រហម និង​ជា​ប្រធាន​សមាគម​​ក្សេម​ក្សាន្ត បានដឹកនាំ​បាតុកម្មក្នុង​ក្រុងភ្នំពេញដែលមាន​អ្នកចូល​រួម​រាប់​ពាន់នាក់ ហើយការផ្សាយផ្ទាល់​ពីបាតុ​កម្ម​​តាមរយៈ​ទូរទស្សន៍​បាយ័ន​ជាលើក​​ដំបូង ដើម្បី​ប្រឆាំងនឹង​​លោក កឹម សុខា អនុប្រធាន​គណបក្ស​សង្រ្គោះ​ជាតិ។ បាតុកម្ម​នេះ​​ត្រូវ​បាន​មន្រ្តី​សំខាន់ៗ​របស់​គណបក្ស​​ប្រជាជន​កម្ពុជា ដូចជា លោក ជាម យៀប លោក ឈាង វុន … ក៏បាន​អះអាង​ថា​ នឹ​ង​ចូលរួម​​បាតកម្ម​​នេះដែរ។ ជាងនេះ​ទៅទៀត អនុប្រធាន​​គណបក្ស​សង្គ្រោះជាតិ ក៏ត្រូវបាន​​អុក​ឡុក​​ដោយ​​ស្រ្តីម្នាក់​​ដែល​អះអាងថា ស្រ្តីកំណាន់​​ជាច្រើន​លើក​​ក្នុងពេល​​ដែល​លោក​ចុះ​ធ្វើវេទិកា​​ផ្សេង​ៗ​ជាមួយ​​ប្រជាពលរដ្ឋ។

ទោះបី​ជា​យ៉ាងណា ស្ថានការណ៍​មុន​ថ្ងៃបោះឆ្នោត​ហាក់​​បាន​​ធូរស្រាល​​បន្តិច ខណៈដែល​លោក នាយករដ្ឋមន្រ្តី ហ៊ុន សែន បាន​​ស្នើ​ទៅ​​ព្រះមហាក្ស​ត្រ​​ដើម្បី​​ព្រះរាជទាន​​ការលើកលែង​ទោស​ដល់​​ប្រធាន​គណបក្ស​​សង្រ្គោះជាតិ លោក សម រង្ស៊ី ក្នុងអំឡុង​ពេល​ឃោសនា​បោះឆ្នោត។ ការនិវត្ត​ន៍​​ចូលស្រុក​​វិញ របស់​មេដឹក​នាំ​គណបក្ស​​សង្រ្គោះជាតិ ដែល​មាន​​អ្ន​កគាំទ្រ​​គណបក្ស​សង្គ្រោះជាតិ​រាប់​ម៉ឺន​​នាក់បាន​ចូលរួម​​អបអរ និង​​ស្វា​គមន៍ បាន​ក្លាយជា​សញ្ញាណវិវ​ត្តន៍​នៃ​ដំណើរ​ប្រជាធិបតេយ្យ​នៅកម្ពុជា ខណៈសង្គមស៊ីវិលក៏បាន​សម្តែង​​ការសាទរ​​​ចំពោះ​​កិច្ច​សម្រប​​សម្រួល​​នយោបាយ​មួយនេះ។ យុវជន​​ជាច្រើន​ម៉ឺន​នាក់ ចេញមុខ​​​ដង្ហែតាម​ដងផ្លូវ​ និង​ប្រើប្រាស់​​ប្រព័ន្ធ​ផ្សព្វផ្សាយ​សង្គម​ហ្វែសប៊ុក ដើម្បី​បញ្ជាក់ពីការ​គាំទ្រគណបក្សសង្រ្គោះជាតិ ក្រោមពាក្យ​ឃោសនា «ដូរ ឬ​មិន​ដូរ» ដែលខុសពី​ការបោះឆ្នោត​មុនៗ។

ការផ្លាស់ប្តូរដ៏​ធំមួយបាន​ស្តែង​​ឡើងតាមរយៈ​​ការបោះឆ្នោត​នៅថ្ងៃទី​២៨ ខែកក្កដា ឆ្នាំ២០១៣ ដោយ​​សារ​​​ពលរដ្ឋ​ម្ចាស់​ឆ្នោត​ដែល​​ធ្លាប់​តែ​ស្ងប់ស្ងាត់​នឹង​​សន្តិភាព​ បាន​ចេញ​​មក​ការពារ​ និង​តាមដាន​​លទ្ធផលឆ្នោត​​របស់ពួកគេ។ គណបក្ស​សង្គ្រោះ​ជាតិ​​បាន​​រកឃើញថា ​ខ្លួន​បាន​ទទួល​លទ្ធផល​​ឈ្នះ​លើ គណបក្ស​​ប្រជាជន​កម្ពុជា​ ថា ៦៣អាសនៈ ទល់នឹង ៦០អាសនៈ។ តាមការ​ប្រកាស​លទ្ធផល​ផ្លូវការ​នៃការ​បោះឆ្នោត​​​ជ្រើស​តាំង​​តំណាងរាស្រ្ត​ នីតិកាលទី​៥ (ថ្ងៃទី​២៨ ខែកក្កដា ឆ្នាំ២០១៣) និង​​គណបក្ស​ប្រជាជន​កម្ពុជា ប្រកាស​ថា ​គណបក្ស​សង្រ្គោះជា​តិ​ទទួលបាន​ ៥៥អាសនៈ ចំណែក​​គណបក្សប្រជាជ​ន​កម្ពុជា​​ទទួលបាន​ ៦៨អាសនៈ​។ ការប្រកាស​​លទ្ធផល​​បោះឆ្នោតនេះ​បានបង្កើត​​ជា​ជម្លោះ ហេតុដូច្នេះ​​ហើយ គណបក្ស​សង្គ្រោះ​ជាតិ ពិសេស​​អ្នកគាំទ្រ​ សកម្ម​ជន​​​របស់​​គណបក្សនេះ មិនជឿលើ​​លទ្ធផល​នេះទេ ពួកគេ​​ទាមទា​ឱ្យ​ គ.ជ.ប និង​គណបក្ស​​ប្រជាជនកម្ពុជា ត្រូវ​ធ្វើការ​​អង្កេត​មួយ​ ដើម្បី​ផ្ទៀងផ្ទាត់​​លទ្ធផល​នេះ។ គ.ជ.ប និង​គណបក្ស​ប្រជាជន​កម្ពុជា មិន​​សហការក្នុង​ការ​បង្កើត​​គណៈ​កម្ម​ការ​​ឯករាជ្យ​ដើម្បីធ្វើការ​ស៊ើប​អង្កេត​លទ្ធផល​ និង​ភាព​មិនប្រក្រតី​បោះឆ្នោត។ ពាក្យ​បណ្តឹង​​អំពី​ភាព​​មិនប្រក្រតី​​បោះឆ្នោត​ត្រូវ​បាន​បដិ​សេធ​ដោយ​ គ.ជ.ប រួមទាំង​ មិនលើក​​ការផ្ទៀត​ផ្ទាត់​​លទ្ធផល​បោះ​ឆ្នោត​​ពីការិយាល័យ​​បោះឆ្នោត​ ពិសេ​ស​​គឺទម្រង់​ ១១០២ និង​១១០៤។ មានភាព​មិនប្រក្រតី​មួយចំនួន​​ដែល​អាច​​ប៉ះពាល់​លទ្ធផល​​បោះឆ្នោត​ គោលការណ៍​​សុវត្ថិភាព​ អ្នក​បោះឆ្នោត​​ម្នាក់​​បោះបាន​​តែមួយ​សន្លឹក​ មិនត្រូវ​​បាន​ធានា​​ព្រោះថា ទឹកថ្នាំខ្មៅ​ត្រូវបាន​​លាង​ជ្រះ និង​បញ្ជីឈ្មោះ​​អ្នកបោះឆ្នោត​​​ផ្លូវការ​ដែល​មិនមាន​គុណភាព​​។

គណបក្សប្រជាជន​កម្ពុជា​ ចង់ប្រើប្រាស់​ស្ថាប័ន​រដ្ឋ​​​ដែល​​ខ្លួន​ត្រួតត្រា​​ដើម្បីដោះស្រា​យ​​បណ្តឹង​ និងអង្កេត​​លើ​ភាព​មិនប្រក្រតី​ តែគណបក្ស​សង្រ្គោះជាតិ​​មិនមាន​ជំនឿ​លើ​ស្ថាប័នរដ្ឋ​ ដោយទាមទា​​​យន្ត​ការចម្រុះ ឬឯករាជ្យ​ដែល​​មាន​ការចូលរួម​ពី​​អង្គការ​​សហប្រជាជាតិ​ និង​សង្គម​ស៊ីវិល​។ ទំនាស់​​បោះឆ្នោត​ វាបាន​ជម្រុញ​ឱ្យ​​បង្កើន​កំដៅ​ជម្លោះ​​នយោបាយ​ គណបក្ស​សង្គ្រោះជាតិ​​បានរៀបចំ​​ធ្វើ​​មហា​បាតុកម្ម​​ច្រើនដង ដើម្បី​ទាមទា​​យុត្តិធម៌​ក្នុងពេល​បោះឆ្នោត​ដោយ​មាន​​អ្នក​ចូលរួម​រាប់​ម៉ឺននាក់ ចំណែក​​គណបក្ស​​ប្រជាជនកម្ពុជា​​បាន​ចល័តទ័ព​​ចូល​ក្នុង​រាជធានី​ភ្នំពេញ​ដើម្បីបង្ហាញ​​សាច់ដុំរបស់ខ្លួន​​តាមរយៈ​កង​កម្លាំង​អាវុធ ព្រមគ្រឿង​យុទ្ធភណ្ឌ​ទ័ព​យោធា​ដែល​​ស្មគ្រ​ការពារ​គណបក្ស​កាន់​អំណាច​ ទោះបីជា​​​មជ្ឈដ្ឋាន​ទូទៅ​​យល់​ថា ជាកម្លាំង​ដែល​​នឹង​ត្រៀមបង្ក្រាប​​បាតុករ​របស់​​បក្សប្រឆាំង និង​ជា​ការ​បំភិត​​ភ័យ​ដល់​ពលរដ្ឋ​​ តែបក្ស​កាន់អំណាច​បកស្រាយថា ដើម្បីរក្សា​សន្តិខុស​នឹង​​សណ្តាប់ធ្នាប់​សាធារណៈប៉ុណ្ណោះ​។​ សម្រាប់​ព្រឹត្តិ​ការណ៍​​​បាតុកម្ម​លើក​ទី១ ការបង្រ្កាប​​ដោយរាជរដ្ឋាភិបាល​​ទៅលើបាតុករ(អហិង្សា) បាន​ក្លាយ​ជា​កំហុសមួយ​ដ៏ធំ​របស់រាជ​រដ្ឋាភិបាល ​ព្រោះ​បាន​​បណ្តាលឱ្យ​មាន​ពលរដ្ឋ​​ស្លូតត្រង់​ស្លាប់ និង​រងរបួស​ជាច្រើន ដោយសារ​ការ​រារាំង និង​ឆែកឆេរ​របស់សមត្ថកិច្ច​  ពិសេស​ការបិទផ្លូវ​ដោយ​ប្រើលួស​បន្លាជា​របាំង​។ ជាក់ស្តែង កាលពីថ្ងៃទី១៥ ខែកញ្ញា ឆ្នាំ២០១៣ មាន​ព្រឹត្តិការ​ណ៍​​ប៉ះ​ទង្គិច​ហិង្សា​មួយ​​កើត​ឡើង​នៅ​ស្ពាន​​អាកាស​ក្បាល​​ថ្នល់រវាង​សមត្ថកិច្ច​​​​រាប់រយនាក់ប្រដាប់​ដោយខែល ដំបង គ្រាប់បែកផ្សែង កាំភ្លើងគ្រាប់ពិត ជាមួយនឹង​ក្រុម​អ្នកតវ៉ា​​ប្រមាណជិត ៣០នាក់ យ៉ាងហោច​ណាស់បាន​បណ្តាល​ឱ្យមនុស្សម្នាក់​ស្លាប់ ១៥នាក់រងរបួស និង​មនុស្ស ​៦នាក់ ត្រូវសមត្ថកិច្ច​ចាប់ខ្លួន។ បុរស​ម្នាក់​ឈ្មោះ ម៉ៅ សុខចន្ទ អាយុ ២៩​ឆ្នាំ ត្រូវបាន​អះអាថា ជាអ្នកដំណើរ​តាមផ្លូវ បាន​ស្លាប់​ភ្លាមៗ​​នៅ​កន្លែង​កើត​​ហេតុដោយ​​ត្រូវ​គ្រាប់​​កាំភ្លើង (K59) បាញ់ចំ​ក្បាល។

ដើមឡើយ​ គណបក្សប្រជាជន​កម្ពុជា​ហាក់ដូចជា​បាន​យល់ស្រប​​ដើម្បី​បង្កើត​​គណៈកម្មការ​ចម្រុះ​​ដើម្បីស៊ើប​អង្កេត​ភាពមិន​ប្រក្រតី​ក្នុងពេល​បោះឆ្នោត​​ដែលស្នើ​​ដោយ​គណបក្សសង្គ្រោះជាតិ នេះបើ​យោង​លើ​​ប្រសាសន៍​របស់​ លោក ហ៊ុន សែន បេក្ខជន​នាយករដ្ឋមន្រ្តី​នៃ​គណបក្ស​ប្រជាជនកម្ពុជា កាលពីថ្ងៃទី​៣១ ខែកក្កដា ឆ្នាំ២០១៣ ក្នុងពេល​​ចុះពិនិត្យ​ការដ្ឋាន​សង់​​ស្ពាន​អាកាស​​ស្ទឹងមានជ័យ។ ក្រោយជំនួប​ចរចា​ជាច្រើន​លើកច្រើនសារ​រវាង​គណបក្ស​​ប្រជាជនកម្ពុជា និងគណបក្ស​​សង្រ្គោះជាតិ កម្រិត​ថ្នាក់ដឹកនាំ​​កណ្តាលមក គណបក្ស​ប្រជាជនកម្ពុ​ជា​បែរជា​​បដិសេធ​យន្តការ​​នៃ​គណៈកម្មការ​ចម្រុះ​ទៅវិញ។ ទោះយ៉ាងណា មាន​ការ​ចាប់ផ្តើម​​បើកជំនួប​​​មេដឹកនាំ​​កំពូល​នៃ​គណបក្ស​ទាំងពីរ​​ដោយ​​ព្រះមហាក្សត្រ​។ មាន​កិច្ចប្រជុំ​ពិភាក្សា​រវាង​​មេដឹកនាំ​កំពូល​នៃគណបក្ស​​ទាំងពីរចំនួន ២លើក នៅថ្ងៃទី​១៦ និង​១៧ ខែកញ្ញា​ ឆ្នាំ​២០១៣។ លទ្ធផល​កិច្ចប្រជុំលើកទីមួយ បានស្រុះស្រួលគ្នា​​​ក្នុងការ​​បង្កើត​យន្តការ​ កំណែទម្រ​ង់​​​បោះឆ្នោត​ រួមគ្នា​ដោះស្រាយ​បញ្ហា​ជាក់លាក់​​ និង​​មិន​​ប្រើអំពើ​ហិង្សា​​​ទៅលើ​គ្នា​ទៅវិញ​ទៅមក​។ ក្នុង​នោះ​មានលទ្ធផ​ល​​នៃកិច្ចប្រជុំ​​ទីពីរដែរ តែមិន​ទាន់​​ចុះ​ហត្ថលេខា​​ផ្លូវការ​​ គឺ​បាន​​ស្រុះ​ស្រួលគ្នា​ថា គណបក្ស​ទាំងពីរ​​​ឈ្នះ​ឆ្នោត​ដូច​គ្នា និង​យល់ព្រម​​អំពី​ការ​រៀប​ចំ​​ប្រព័ន្ធ​ត្រួត​​ពិនិត្យគ្នា​​ទៅវិញ​ទៅមក​ ការបែង​ចែក​អំណាច​​ដឹកនាំ​នៅ​​សភា​ និងការ​​ធ្វើ​វិសោធន​កម្ម​លើបទបញ្ជា​ និង​លក្ខន្តិកៈ​របស់​សភា។

លទ្ធផល​​​នៃកិច្ច​ប្រជុំ​​​ទាំងនេះ​មិន​បាន​បន្ថយ​​កំដៅ​ជម្លោះ​ទេ ព្រោះ​​គណបក្ស​​ទាំងពីរ​មិន​ទាន់​​ស្រុះស្រួល​​​ជាក់​លាក់​នៅឡើយ។ ដោយ​មិ​ន​រងចាំ​​ការស្រុះស្រួល​​នយោបាយ គណបក្ស​​ប្រជាជនកម្ពុជា​ឯកបក្ស​​បា​ន​​ជម្រុញ​ឱ្យមាន​​ការប្រកាសបង្កើតសភា និង​រដ្ឋាភិបាល ដែល​ផ្តើមដោយ​​ការបើកស​ម័យ​ប្រជុំ​សភា​ឯកបក្ស​​នីតិកាលទី៥។ ក្នុងសម័យ​ប្រជុំ​រដ្ឋសភា​​លើកដំបូង​កាលពី​ថ្ងៃទី​២៣ ខែកញ្ញា ឆ្នាំ២០១៣ បាន​​ប្រព្រឹត្ត​ទៅ​ក្រោ​ម​​ព្រះ​រាជាធិបតីភាព​​ដ៏​ខ្ពង់​ខ្ពស់​​របស់​​ព្រះមហាក្សត្រ នរោត្តម សីហមុនី ប្រកាសបើក និង​​ស្វាគមន៍​​បេក្ខជន​​​ជាប់​ឆ្នោត​តំណាង​រាស្ត្រ​របស់​​​គណបក្ស​ប្រជាជន​​កម្ពុជាទាំង ៦៨រូប ក្រោម​​សក្ខីភាព​​តំណាង​ទូត​ប្រចាំ​កម្ពុជា​ជាច្រើនរូប។ គណបក្ស​ស​ង្គ្រោះជាតិ​​បានស្នើឱ្យ​ពន្យា​រ​ពេល​ការ​ប្រជុំ​ដំបូងនេះ ហើយ​តំណាង​គណបក្ស​សង្គ្រោះ​ជាតិ​​មិនចូលរួម​​ប្រជុំទេ។ ចំពោះ​ការ​បើក​សម័យ​ប្រជុំ​ស​ភា​លើកទីមួយ ស្ថានទូត​សហរដ្ឋ​អាមេរិក និង​​​សហគមន៍​អឺរ៉ុប​​ប្រចាំកម្ពុជា បានបញ្ជាក់​​ពីជំហរ​ចង់ឃើញ​​ការ​រួបរួមគ្នា​​របស់​គណបក្សជាប់ឆ្នោត​​ទំាំងពីរ ហើយ​​មិនទាន់​​បញ្ជាក់​អំពី​ការ​​គាំទ្រ​ផ្លូវការ​លើ​​លទ្ធផល​​បោះឆ្នោត រួមទាំង​ការខ្វះ​​នីត្យានុកូល​ភាព​​នៃ​ការ​​បង្កើត​សភា និង​​រដ្ឋាភិបាល​​​ដោយ​​គណបក្ស​នយោបាយ​តែមួយ​ឡើយ។ រាជរដ្ឋាភិបាល​ដឹកនាំ​ដោយ​​គណបក្ស​ប្រជាជនកម្ពុជា​​ធ្លាប់​គ្រប់គ្រងប្រទេ​ស​កម្ពុជា​តាំងពីឆ្នាំ​ ១៩៨១ ដល់ ឆ្នាំ១៩៨៥ ដោយ​​ខ្វះមូលដ្ឋាន​នីត្យានុកូល​ភាព និង​ក្រោយ​ព្រឹត្តិការណ៍​ខែកក្កដា ឆ្នាំ១៩៩៧ ទាំងពីរ​លើក មាន​ទណ្ឌកម្ម​ពីបរទេស​ទាំងពីរ​លើក មានការដាក់​សម្ពាធផ្នែក​សេដ្ឋកិច្ច អន្តរជាតិ​មិន​ទទួល​ស្គាល់។ ​គណបក្ស​​ប្រជាជន​កម្ពុជា​រក្សា​ឥរិយាបថ​​ចាស់មិន​ទាន់​កែ បើទោះ​បីជា​រាជរដ្ឋាភិបាល​​អាណត្តិថ្មីរបស់​​គណបក្ស​​ប្រជាជ​ន​កម្ពុជា​បានប្រកាស​ថា នឹង​ធ្វើ​កំណែ​ទម្រង់​ស៊ីជម្រៅ។ គណបក្ស​ប្រជាជន​កម្ពុជា​នឹង​មិន​ព្រម​​បែង​ចែក​អំណាច​​ជាងការ​អនុវត្ត​ទ្រឹស្តី​អំណាច​ប្រមូលផ្តុំ ដែលអាចឈាន​ដល់​ការប្រកាស​ដំណើរការ​រដ្ឋសភា​​​ជា​ឯកបក្ស​ ខុសពី​គោលការណ៍​​ប្រជាធិ​បតេយ្យ និង​រដ្ឋធម្មនុញ្ញ។

ការវិវត្តន៍​​ចុងក្រោយ គណបក្ស​ប្រជាជន​​កម្ពុជា​ហាក់​ដូចជាចង់​អនុវត្ត​ប​ទ​បញ្ជា​ផ្ទៃក្នុង​របស់​រដ្ឋសភាទាំង​មិនច្បា​ស់​លាស់ថា គណៈ​កម្មាធិការ​​ជាតិ​រៀបចំ​​ការបោះឆ្នោត (គ.ជ.ប) អាច​​យកអាសនៈ​​របស់គណបក្ស​​សង្រ្គោះជាតិ​​មក​​បែងចែក​​ឱ្យ​គណបក្ស​​ប្រជាជន​កម្ពុជា​ទាំង​អស់​នៅ​​ពេល​​គណបក្ស​សង្រ្គោះ​ជាតិ​​មិនចូល​​សភា។ មានព័ត៌មាន​លេចឭថា ការបែងចែក​អំណាចគ្នា​​នៅរដ្ឋសភា​ជាមូលហេតុ​​នៃ​ទំនាស់​​នយោ​​បាយ​​មួយ ខណៈ​​ដែល​​គណបក្សសង្គ្រោះ​ជាតិ​ប្រាថ្នាចង់​បានប្រធាន​សភា​(ប្រមុខ​នៃ​នីតិ​ប្បញ្ញត្តិ) និង​​ចំនួន​​សមា​ជិក​​​គណៈកម្មការ​អចិន្រ្តៃយ៍​​របស់​​សភា​ស្មើគ្នានឹង​គណបក្ស​ប្រជាជន​កម្ពុជា ដើម្បី​ធានា​ សម​តុល្យ​​នៃ​អំណាច​​របស់រដ្ឋ ខណៈដែល​​គណបក្ស​​ប្រជាជន​កម្ពុជា​ដឹកនាំ​រដ្ឋាភិបាល​​ជាមួយ​​នាយក​រដ្ឋមន្រ្តី​(ប្រមុខ​រាជរដ្ឋា​ភិបាល ឬនីតិ​ប្រតិបត្តិ) ព្រោះការ​អនុវត្ត​កំណែ​ទម្រង់ដែល​​ធ្វើឡើង​ដោយការ​ដឹកនាំ​របស់​គណបក្ស​​ប្រជាជន​កម្ពុជា​​តែមួយគត់​មិ​ន​អាច​​ទៅ​រួច​ឡើយ។

​គណបក្ស​​សង្រ្គោះជាតិ​បាន​បើក​យុទ្ធនាការ​​បញ្ចុះបញ្ចូល និងតស៊ូ​មតិ​​ទៅ​​សហគមន៍​អន្តរជាតិ​ ដើម្បី​កុំឱ្យ​​ទទួលស្គាល់​​លទ្ធផល​​បោះឆ្នោត រដ្ឋា​ភិបាល​ និង​រដ្ឋសភារបស់​គណបក្សប្រជាជនកម្ពុជា ខណៈដែល​សហ​គមន៍ និងអ្នកសង្កេតការណ៍​​អន្តរជាតិ​បា​ន​​ដកឃ្លា​ថយ​​​តាំងពីចាប់​​ផ្តើម​ដំណើរការ។ អ្នកសង្កេត​ការណ៍​អន្តរជាតិដូចជា សហគមន៍អឺរ៉ុប ស្ថានទូតអន្តរជាតិ​ ដែលធ្លាប់តែចូលរួម​​សង្កេតការណ៍​ កន្លងម​ក​បាន​ដ​ក​ខ្លួន​​ពីការបោះឆ្នោត​នៅ​កម្ពុជា​ក្នុងឆ្នាំ២០១៣ អាចដោយសារ​​មិនចង់​​ផ្តល់​ភាព​ស្របច្បាប់​សម្រាប់ការ​បោះឆ្នោត​​មួយ​ដែល​លម្អៀង​ខ្លាំង​ជ្រុល​​ទៅរក​​គណបក្ស​​កាន់អំណាច ឬមិនមានភាពត្រឹម​ត្រូវ​។ ចុងក្រោយ​ គណបក្ស​សង្គ្រោះជាតិ​​បាន​​ព្រមានថា ម្ចាស់​ជំនួយ​ ឬ​អ្នកធ្វើ​វិនិយោគ​​ទុន​ មិន​ត្រូវ​ចុះហត្ថលេខា​​លើកិច្ច​ព្រមព្រៀង​​ណាទាំងអស់​​ជាមួយនឹង​រដ្ឋាភិបាល​​គណបក្ស​​តែមួយ និង​ក៏បាន​ស្នើឱ្យ​ អង្គការ​សហ​ប្រជាជាតិ​ទុក​អាសនៈ​កម្ពុជា​​ឱ្យនៅទំនេរ។

ជម្លោះ​រវាង​គណបក្ស​​ធំ​​ទាំងពីរហាក់តឹងតែងមិនងាយនឹង​ឈានរកដំណោះស្រាយហើយកាន់តែរីក​ធំឡើង និង​នៅ​ឆ្ងាយពីគ្នា​។ ពលរដ្ឋ​ម្ចាស់ឆ្នោតគាំទ្រ​គណបក្សសង្រ្គោះជាតិ ​ហាក់ចង់ឱ្យ​មានការ​ផ្លាស់ប្តូរ​  រដ្ឋាភិបាល​​​ ជាពិសេស​ការ​ផ្លាស់ប្តូរ​នាយករដ្ឋមន្រ្តី​ បើទោះបីជា​មើលពី​ខាងក្រៅទៅភាគី​ទាំងសង្ខាង ទំនងហាក់ខិតជិតគ្នានឹងដំណោះស្រាយ​នយោបាយ​ដោយ​គ្រាន់តែខ្វែងគំនិតគ្នាលើមុខតំណែងប្រធាន គណៈ​កម្មការសភា និងសមាជិក​គណៈកម្មការអចិន្រ្តៃយ៍​។

គណបក្ស​សង្រ្គោះជាតិ​ក៏បង្កើនសម្ពាធ​បន្ថែម​ដោយប្រមូល​ស្នាម​មេដៃ​រហូត​ជាង ២លាន និង​៣ម៉ឺននាក់​ដើម្បី​ទាមទារ​សុំ​ឲ្យ​ពិនិត្យ​សើរើ​ឡើង​វិញអំពី​ភាព​មិន​ប្រក្រតី​នៃ​លទ្ធផល​បោះ​ឆ្នោត។ គណបក្សប្រជា​ជនកម្ពុជាហាក់​មានបំណង​បំបែក​​មេដឹកនាំ​គណបក្សសង្គ្រោះជាតិ​ជាមួយ​ប្រជាពលរដ្ឋ​ម្ចាស់ឆ្នោត​គាំទ្រដោយការ​ផ្សព្វផ្សាយ​ថា ក្នុងកិច្ចប្រជុំ​ពិភាក្សា​គ្នា​ គណបក្សសង្រ្គោះជាតិ​បាន​ទទួលស្គាល់​​លទ្ធផល​បោះឆ្នោត​ ហើយ​​បាន​ពិភាក្សា​ទាមទា​​តំណែង​ក្នុងសភា ជាពិសេសប្រធាន​សភា។ គណបក្សប្រជាជនកម្ពុជា លោក​នាយករដ្ឋមន្រ្តីក៏​ព្រមាន​ថា នឹង​ចាក់ផ្សាយ​សម្លេង​សន្ទនា​នៃកិច្ចប្រជុំ។ ​រឿងនេះ​បាន​បន្តបន្ថែម​បរិយាកាស​ទំនាស់​ទៀត​ ដោយឡែក​ការមិនទុកចិត្ត​​អំពី​ការ​ចរចារបស់គណបក្សទាំងពីរ​​ដោយគ្មាន​ភាគី​ទីបី ជាអាជ្ញាកណ្តាល​ ឬអ្នក​សង្កេត​ការណ៍ ព្រោះភាគី​សាមីគណបក្ស​នយោបាយ​បានប្រើប្រាស់​​ការសន្ទនា ឬការចរចារនេះជាផលប្រយោជន៍​នយោបាយ​។ គណបក្ស​សង្គ្រោះជាតិ​ក៏បាន​គាំទ្រ​ការចាក់​ផ្សាយ​សម្លេង​កិច្ចប្រជុំ​ទាំងមូល​ ហើយ​បន្ទាប់មក​បានទាមទារ​ល័ក្ខខ័ណ្ឌ​អំពីការ​ប្រជុំ​ទៅមុខទៀត​ ដោយបើកចំហរ​ ហើយមាន​អ្នក​សង្កេត​ការណ៍​ចូលរួម​។

ជាសរុប មាន​ជម្លោះនយោបាយ​បន្ថែមលើ​ទំនាស់​បោះឆ្នោត​ដែលជម្លោះនេះមិន​ត្រឹម​ខុសគ្នា​អំពីខ្លឹមសារ ប៉ុន្តែ​ក៏​មានការ​មិនទុក​ចិត្តគ្នា​ទៅលើ​នីតិវិធី​នៃការ​សន្ទនា។ ជម្លោះ​ទាំងនេះអាច​ចេញ​លទ្ធផល​តាម​រូបភាព​​ដែលការចរចារ​ និងបានសម្រេច​ការស្រុះស្រួល​ដោយមាន​បរិយាកាស​ជឿទុកចិត្ត​គ្នា និង​មានកិច្ច​ព្រមព្រៀង​ច្បាស់លាស់។ នៅក្នុងករណី​នេះមានការ​លំបាក​ជាខ្លាំងដែល​ស្ទើ​រមិនមាន​លទ្ធផល។ ម៉្យាងទៀត ​ជម្លោះ​ទាំងនេះ​នឹងក្លាយទៅជា​វិបត្តិនយោបាយ​​​​​ធ្ងន់ធ្ងរ​ និងយូរអង្វែង​ ហើយមាន​ការទាមទារ​ឱ្យ​បោះឆ្នោត​ឡើងវិញ​នៅក្នុង​អាណត្តិ។ មានការ​កើនកំដៅ​​ខ្លាំងព្រោះថា ភាគី​សាមីគណបក្ស​ទាំងពីរ​ខិតខំ​ រកកម្លាំង​សម្ពាធ​ដាក់ទៅលើ​គ្នាទៅវិញ​ទៅមក។ កម្លាំង​សម្ពាធ​នឹង​មិនកើតមាន​ដោយ​សន្តិវិធីទៀតឡើយ​​ ប្រសិនបើ​នៅពេលដែល​​​កម្លាំង​ដាក់សម្ពាធ​របស់​ម្ចាស់​ឆ្នោត​បែរ​ត្រូវ​​បាន​បង្រ្កាប​​យ៉ាងខ្លាំង​ក្លា​ដោយ​កងកម្លាំងប្រដាប់​អាវុធ។ ករណី​​នេះនឹងអាច​នាំ​មកនូវការ​បៈបោរ​ និងអំពើហិង្សា​ ហើយដែលពិបាក​ការប៉ាន់ប្រមាណ​ អំពី​ហានិភ័យ​អវិជ្ជមាន​៕

 

ថ្ងៃទី​៧ ខែ​វិច្ឆិកា ឆ្នាំ២០១៣

អត្ថបទ ៖ ស្រី សុភ័ក្ត្រ

កែសម្រួល ៖ គល់ បញ្ញា

ត្រួតពិនិត្យ​អក្ខរាវិរុទ្ធ ៖ ម៉ៅ ផល្លី

វិដេអូ គជប ប្រកាសលទ្ធផល​បោះឆ្នោត​២០១៣

បញ្ចេញមតិ

National Election 2013 Portrait

បញ្ចេញមតិ

  • Cambodian General elections will be held in on 28 July 2013, is a 5th mandate of National Assembly
  • Based on Official Voter lists 2012 – 9,675,453 voters will cast their ballots to elect the 123-seat National Assembly.
  • Polling station : 19009 polling stations.
  • Registered political parties for election 2013 are 8 parties
  1. Cambodian National Rescue Party (SAM Rainsy)
  2. Cambodian Nationality Party (SENG Sokheng)
  3. Cambodian People’s Party (HUN Sen)
  4. Democratic Republican Party (SOVAN Panhchakseila)
  5. FUNCINPEC (NORODOM Arunrasmey)
  6. Khmer Anti-Poverty Party (DARAN Kravanh)
  7. Khmer Economic Development Party (HUON Chamroeun)
  8. League for Democracy Party (KHEM Veasna)

សង្គម​ស៊ីវិល​​ព្រួយ​​បារម្ភ​ពី​​បរិយាកាស​​មុន​​ពេល​បោះឆ្នោត​​២០១៣

បញ្ចេញមតិ

សេចក្តីថ្លែងការណ៍

ស្តីពី​ ការព្រួយបារម្ភ​ចំពោះ​​បរិយាកាស​មុនអំឡុងពេលបោះឆ្នោត​ជាតិ អាណត្តិ​ទី៥ ឆ្នាំ២០១៣

រាជធានីភ្នំពេញ, ថ្ងៃទី១២ ខែមិថុនា ឆ្នាំ២០១៣

គណៈកម្មាធិការ​ខុមហ្វ្រែល(COMFREL) គណៈកម្មាធិការ​ប្រព្រឹត្តិកម្ម(CHRAC) គណៈកម្មាធិការ​​និក​ហ្វិច(NICFEC) ​សមាគម​អាដហុក(ADHOC)  មជ្ឈមណ្ឌល​សិទ្ធិមនុស្ស​កម្ពុជា(CCHR) មជ្ឈមណ្ឌល​អប់រំច្បាប់​សម្រាប់​សហគមន៍(CLEC) អង្គការ​ប្រជាធិបតេយ្យ​ និង​សិទ្ធិ​មនុស្ស​ក្នុង​ប្រតិបត្តិការ​(DHRAC) សម្ព័ន្ធ​ដើម្បី​សុចរិតភាព និង​គណនេយ្យ​ភាព​សង្គម(CISA) មជ្ឈមណ្ឌល​កម្ពុជា​ដើម្បីប្រព័ន្ធផ្សព្វផ្សាយ​ឯករាជ្យ(CCIM) បណ្តាញ​យេនឌ័រ និង​អភិវឌ្ឍន៍(GADNet) អង្គការយេនឌ័រ​ និង​អភិវឌ្ឍន៍​ដើម្បីកម្ពុជា (GADC) និងអង្គការ​សង្គមស៊ីវិល​ផ្សេងទៀត​ដែល​បាន និង​កំពុង​តាមដាន​ការបោះឆ្នោត​ជាតិ អាណត្តិទី៥ ដែលនឹង​ប្រព្រឹត្តទៅនៅ​ថ្ងៃទី២៨ ខែកក្កដា ឆ្នាំ២០១៣ ខាងមុខនេះ មានការ​ព្រួយបារម្ភ​យ៉ាងខ្លាំង​ចំពោះបរិយាកាស​បំភិតបំភ័យ និង​ការរំលោភ​សិទ្ធិ បំពានទៅលើអ្នក​នយោបាយ និង​អ្នកតំណាងរាស្រ្ត​គណបក្សប្រឆាំង​ដែលបាន និង​កំពុងកើត​ឡើងយ៉ាង​គំហុក​នៅក្នុង​រយៈពេល​៥ ខែ​ ដើម​ឆ្នាំ២០១៣ ជាពិសេស​​នៅក្នុង ខែឧសភា ឆ្នាំ២០១៣ នេះ។

យោងតាម​ការសង្កេត តាមដាន ស្ថានភាពនយោបាយ និងរបាយការណ៍ស៊ើបអង្កេត បានកើតឡើងចាប់តាំងពីខែមករា ឆ្នាំ២០១៣ រហូតមក​ដល់​បច្ចុប្បន្ន​នេះ បើទោះបីគ្មានអំពើហឹង្សានយោបាយរហូតដល់របួស និងស្លាប់ធ្ងន់ធ្ងរ មានករណីគំរាមកំហែង បំភិតបំភ័យ និង​ការរំខាន​យាយីផ្នែក​នយោ​បាយ បាន​កើតឡើង​ជាបន្តបន្ទាប់ តាំងពីមូលដ្ឋាន​មកកំរិតថ្នាក់ជាតិ។  អាជ្ញាធរមូលដ្ឋាន ជាពិសេសមេភូមិ មេឃុំមួយ​ចំនួនបានគំរាម​លើប្រជាពលរដ្ឋ​ណាដែលខ្លួន​យល់​ថា មិនមាន​និន្នាការគាំទ្រ​គណបក្សកាន់​អំណាច យ៉ាងហោច ១៣ករណី([1]) ក្រោមរូប​ភាពដូចជា ការហាម​ឃាត់​ប្រជាពលរដ្ឋ​មិនឲ្យចូលរួម​ស្ដាប់​ការ​ប្រជុំនានា ​ដែលរៀបចំឡើង​​ដោយ​ គណបក្ស​មិនកាន់​អំណាច រំខានដល់​វេទិកា​នានា​ ដែលរៀបចំឡើង​ដោយ​គណបក្ស​ផ្សេងៗ​ប្រាប់ថា «មិនត្រូវ​អនុញ្ញាត​ឲ្យ​គណបក្សប្រឆាំង​ណាលើកស្លាក​​សញ្ញា​​គណបក្ស​នៅមុខផ្ទះ​របស់ខ្លួន​នោះទេ»។ ក្នុងនោះដែរ មានការ​បំផ្លាញ​ស្លា្កកគណបក្ស​នយោបាយ យ៉ាង​ហោច​ណាស់មាន ៧ករណី([2]) (គិតត្រឹមខែមករា ដល់ខែឧសភា)  ដូចជានៅខែ​ឧសភា ឆ្នាំ២០១៣ នៅស្រុក​ពួក និងស្រុកប្រាសាទបាគង ខេត្ត​សៀមរាប រីឯមាន ៣​ករណីទៀត ត្រូវបានកើតឡើង​នៅខេត្តតាកែវ ដែលស្លាក​គណបក្សសង្គ្រោះជាតិ​ត្រូវបាន​បំផ្លាញ។ ចំពោះបញ្ហា​កើតឡើង​ទាំងអស់​នេះ​ អង្គការ​សង្គមស៊ីវិលបាន​​ពិនិត្យ​ឃើញថា មិន​បានចាត់​វិធានការ ផ្លូវច្បាប់​​ណាមួយ ឲ្យបានម៉ឺងម៉ាត់ ដើម្បីនាំ​យកអ្នក​ប្រព្រឹត្តទាំងនោះ​​ទៅផ្តន្ទា​ទោស ដាក់​ពិន័យតាម​ច្បាប់ឡើយ។ អង្គការ​សង្គមស៊ីវិល​សង្កេតឃើញថា អាជ្ញាធរមូល​ដ្ឋានបាន​ដើរតួនាទី​មិនអព្យាក្រឹត្យ​ក្នុងការចែកអំណោយ​របស់គណបក្ស​ប្រជាជន​កម្ពុជា ដូចជាសារុង និងសម្ភារៈដែលខុស​នឹង​ច្បាប់បោះឆ្នោត ជាពិសេស​ក្នុងពេល​ឃោសនា​បោះឆ្នោតអាច​ចាត់ទុកថា ជាការទិញ​សន្លឹក​ឆ្នោត។

អង្គការសង្គម​ស៊ីវិល​ យល់ឃើញ​ថា បរិយាកាស​បំភិតបំភ័យ និង​ការរំលោភសិទ្ធិ​នៅដំណាក់កាល​មុន​ការបោះឆ្នោ​ត​ជាតិ​នេះ នៅមិន​ទាន់​មានការ​ធានាឲ្យ​បាន​ពេញលេញ សេរីភាព​​បញ្ចេញមតិ និង​ទីលានប្រកួត​ប្រជែង​ស្មើគ្នាទេ សម្រាប់ការ​ប្រកួតប្រជែ​ង​ការបោះឆ្នោត។  ​មាន​ករណីគំរាមកំហែង​ផ្នែក​​នយោបា​យ​ទៅលើ​អ្នកនយោបាយ សកម្មជនគណបក្ស​មួយចំនួន ដូចជា ករណីគំរាមប្ដឹង​របស់នាយក​រដ្ឋមន្រ្តី​ទៅលើ​គណបក្សប្រឆាំង ដែ​ល​បង្អាប់លេខ​រៀងទី៤ គណបក្ស​ប្រជាជន​កម្ពុជាថា «លេខ៤ នាំយួនចូលស្រុក»  លោក គង់ គាំ និងករណី លោក សម​ រង្ស៊ី ស្ថិតនៅក្រៅប្រទេស ​ដោយសារ ​ជាប់ករណី​ព្រហ្មទណ្ឌនៅក្នុង​តុលាការ។ ក្រុមអង្គការ​សង្គមស៊ីវិល​ក៏មាន​ការព្រួយបារម្ភផ​ង​ដែរ ផល​ប៉ះពាល់​ដល់ការ​បោះឆ្នោត​របស់​ប្រជាពល​រដ្ឋតាម​ឆន្ទៈ​ដោយសេរី តាមរយៈ​ការព្រមាន​របស់​លោក​នាយក​រដ្ឋមន្រ្តី ហ៊ុន សែន អនុប្រធាន​គណបក្ស​ប្រជាជន​កម្ពុជា ការ​បោះឆ្នោត​គាំទ្រ​គណបក្ស​ប្រឆាំង ដូចជា​ គណបក្សសង្គ្រោះជាតិជាដើម​នោះគឺ នឹង​បង្កឲ្យ​មានសង្គ្រាមផ្ទៃក្នុង​ប្រទេសកម្ពុជា និងសង្គ្រាមជាមួយ​ប្រទេស​ជិតខាងកម្ពុជា ដែលជា​ការបោះឆ្នោត​ដើម្បីផ្ទេរពីសន្តិភាព​ទៅកាន់សង្គ្រាម។  មិនតែប៉ុណ្ណោះលោកនាយក​រដ្ឋមន្រ្តីបាន​លើកឡើងថា របបខ្មែរ​ក្រហម​អាចកើត​ឡើងម្តង​ទៀត ប្រសិនបើ​គណបក្ស​ប្រជាជនកម្ពុជា​ចាញ់ឆ្នោត។ ព្រោះថា​ជាក់ស្តែង កងកំលាំង​ប្រដាប់អាវុធ មន្រ្តីនគរបាល កងយោធពល​ខេមរភូមិន្ទ កងរាជ​អាវុធហត្ថ រួមទាំង​អង្គរក្សរបស់​នាយករដ្ឋមន្រ្តីដ៏ច្រើន​សន្ធឹកសន្ធាប់មាន​សកម្មភាពមិនអព្យាក្រឹត្យ មិនគោរពតាមច្បាប់​គណបក្សនយោបាយ និង​ច្បាប់​បោះឆ្នោតដែលគាំ​ទ្រគណបក្សប្រជាជនកម្ពុជា និងប្រឆាំងគណបក្សផ្សេងៗ។​

ការថ្លែងរបស់នាយករដ្ឋមន្រ្តី​ក្នុងការគាំទ្រឲ្យមាន​ការធ្វើបាតុកម្មទ្រង់ទ្រាយធំ ការផ្សព្វផ្សាយ​ទូរទស្សន៍រដ្ឋ និង​ឯកជន​យ៉ាងខ្លាំង ដែលអាច​បង្កើត​កំហឹង​នៅ​ទូទាំងប្រទេស​ប្រឆាំងនឹងលោក កឹម សុខា​([3]) ដែលជាប្រធានស្តីទី​គណបក្សសង្គ្រោះជាតិ និងបានបង្កើត​បរិយាកាស​អសន្តិសុខ​ដល់​មេដឹកនាំ​គណបក្សប្រឆាំងនេះ។​ ជាក់ស្តែង ថ្ងៃទី១០ ខែមិថុនា ឆ្នាំ២០១៣ មានហ្វូងមនុស្ស​បានឃាត់ឡាន និងលោក  កឹម សុខា ក្នុងរឿងបន្តទៀត។

ប្រព័ន្ធផ្សព្វផ្សាយ​ទូរទស្សន៍ ស៊ីធីអិន (CTN), ទូរទស្សន៍ជាតិកម្ពុជា (TVK), បាយ័ន (Bayon), និងវិទ្យុ FM105 ក្នុងអំឡុងខែមករា ដល់កុម្ភៈ ២០១៣ រក​ឃើញថា ទូរទស្សន៍បានផ្សព្វផ្សាយ​មិនសមធម៌ និងលំអៀងយ៉ាងខ្លាំង​ទៅរក ឬគាំទ្រមេដឹកនាំ​គណបក្សកាន់អំណាច ហើយប្រឆាំងមេដឹកនាំ​គណបក្ស​ប្រឆាំង([4])។ ការបញ្ចេញ​ឈ្មោះ និងមតិលោក​អនុប្រធាន​គណបក្សប្រជាជនកម្ពុជា ហ៊ុន សែន ត្រូវបានទូរទស្សន៍ និងវិទ្យុផ្សាយរហូតដល់ជាង ៤,០០០ដង ប៉ុន្តែមេដឹកនាំ​គណបក្សប្រឆាំង​ទាំងពីរនាក់ លោក សម រង្ស៊ី និងលោកកឹម សុខាត្រូវបានផ្សាយភាគ​ច្រើន តាមវិទ្យុ FM105 បានតែ​១២០០ដង ចំណែកមេដឹកនាំគណបក្សហ៊្វុនស៊ិនប៉ិច លោក​ ញឹក ប៊ុនឆៃ ប្រមាណ១៧០ដងប៉ុណ្ណោះ។

ម្យ៉ាងវិញទៀត ការដកសមាជិកភាព និងបង្កកប្រាក់ខែតំណាងរាស្រ្តរបស់គណបក្សនយោបាយ ដោយឡែកគណបក្សប្រឆាំង ដែលបង្កើតការបក​ស្រាយច្បាប់ និងការអនុវត្តន៍រដ្ឋធម្មនុញ្ញ([5])ក្នុងកំរិតបដិវាទធ្ងន់ធ្ងរ។ ជាពិសេសការពិភាក្សា និងអនុម័តច្បាប់ស្តីពី «ការប្រឆាំង​ការមិន​ទទួល​ស្គាល់ឧក្រិដ្ឋកម្ម​ដែលប្រព្រឹត្តឡើង​ក្នុងរយៈកាល​កម្ពុជាប្រជាធិបតេយ្យ» បានធ្វើឡើងដោយប្រញាប់ប្រញាល់​ដែលគ្មានការ​ចូលរួមពិភាក្សា និងដើម្បី​បំរើផល​ប្រយោជន៍​នយោបាយក្នុងន័យឆ្លើយតប​មតិរបស់លោក កឹម សុខា ទាក់ទិនការ​បកស្រាយ​គុកទួលស្លែង និងឧក្រិដ្ឋកម្មខ្មែរក្រហម។ ការដឹកនាំស្ថាប័នធំៗ​របស់រដ្ឋទាំងមូល គឺស្ថិតនៅក្រោម​គណបក្សប្រជាជនកម្ពុជាតែ​មួយ​ដែលអវត្តមាន​ដំណើរការ​ប្រជាធិបតេយ្យ​ពហុបក្សក្នុង​អំឡុងពេល​បោះឆ្នោតនេះ។

ស្ថានភាពខាងលើគ្មានភាពយុត្តិធម៌ក្នុងការបោះឆ្នោត ជាមួយការមិនទាន់ដោះស្រាយជាក់លាក់ ដើម្បីធានាសិទ្ធិអ្នកបោះឆ្នោតជាង១លាននាក់ (ខុស ឬបាត់ឈ្នោះ) និងការមិនជឿទុកចិត្តលើ​ សមាសភាពគណៈកម្មាធិការជាតិ/គណៈកម្មការ​រៀបចំការបោះឆ្នោតគ្រប់លំដាប់ថ្នាក់​នាំមកនូវការ​បាត់បង់កិត្យានុភាព​ទាំងមូលនៃការបោះឆ្នោត។

ដើម្បីឲ្យការ​បោះឆ្នោត​ជ្រើស​តាំង​តំណាងរាស្ត្រ​អាណត្តិទី៥ នាពេលខាងមុខនេះ ប្រព្រឹត្តទៅ​ប្រកប​ដោយសេរី និងយុត្តិធម៌ ​អង្គការ​សង្គមស៊ីវិល​ សូមអំពាវនាវរដ្ឋាភិបាល អាជ្ញាធរ និងកងកំលាំងប្រដាប់អាវុធ រក្សាតួនាទីអព្យាក្រឹត្យ ដើម្បីធានាបរិយាកាស​បញ្ចេញមតិ​ដោយគ្មានការភ័យខ្លាច​មុនអំឡុងពេល​បោះឆ្នោតនេះ និងការត្រៀមទីលានប្រកួតប្រជែងមួយស្មើភាពគ្នា។  រដ្ឋសភា និងគណបក្សប្​រជាជនកម្ពុជាត្រូវ​ផ្តល់សមាជិកភាព​ដល់អ្នកតំណាងរាស្រ្តដែល​បញ្ឈប់ទាំងអស់ដើម្បីស្តារស្ថានភាពដំណើរការលទ្ធិប្រជាធិបតេយ្យសេរីពហុបក្ស។ គ.ជ.ប គួរអនុវត្តអនុសាសន៍​របស់​អង្គការសង្កេតការណ៍បោះឆ្នោត​ ដូចជា ខុមហ្វ្រែល និងនិកហ្វិច ទាក់ទិនបញ្ជីបោះឆ្នោត និងសិទ្ធិបោះឆ្នោត និងតម្លាភាពក្នុង​ការជ្រើសរើស​សមាជិកនៃគណៈកម្មការ​រៀបចំការបោះឆ្នោត​គ្រប់លំដាប់ថ្នាក់ ពិសេសនៅការិយាល័យបោះឆ្នោត។​

ព័ត៌មានបន្ថែមរបស់តំណាងអង្គការគាំទ្រសេចក្តីថ្លែងការណ៍

  1. លោក គល់ បញ្ញា     នាយកប្រតិបត្តិ ខុមហ្រ្វែល(COMFREL)                                                 Tel: 012 942 017
  2. លោក សុក សំអឿន ប្រធានសំរបសំរួលគណៈកម្មាធិការប្រព្រឹត្តិកម្ម (CHRAC)                             Tel: 012 901 199
  3. លោក នី ចរិយា       ប្រធានផ្នែកសើបអង្កេតសមាគមអាដហុក (ADHOC)                                  Tel: 011 274 959
  4. លោក ហង្ស ពុទ្ធា     នាយកប្រតិបត្តិ និកហ្វិច(NICFEC)                                                        Tel: 012 959 666
  5. លោក អ៊ូ វីរៈ            ប្រធានមជ្ឈមណ្ឌលសិទ្ធិមនុស្ស​កម្ពុជា (CCHR)                                         Tel: 012 404 051
  6. លោក យ៉ង់ គិមអេង                                                                                                    អនុប្រធានសម្ព័ន្ធដើម្បីសុចរិតភាព និងគណនេយ្យភាពសង្គម(CISA)                                                                                               Tel: 016 828 211
  7. លោក គាន ពន្លក     នាយកស្តីទីអង្គការប្រជាធិបតេយ្យ និងសិទ្ធិមនុស្សក្នុងប្រតិបត្តិការ(DHRAC)      Tel: 012 551 466
  8. លោក យ៉េង វីរៈ       នាយកប្រតិបត្តិអង្គការCLEC                                                               Tel: 012 801235
  9. លោក ប៉ា ងួនទៀង  នាយកប្រតិបត្តិមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ(CCIM)

10. អ្នកស្រី​ រស់ សុភាព   នាយិកាប្រតិបត្តិអង្គការGAD/C, GAD NET


([1]) យោងតាមរបាយការណ៍របស់ខុមហ្រ្វែល និងសមាគមអាដហុក។

([2]) យោងតាមរបាយការណ៍របស់ខុមហ្រ្វែល។

([3]) ការទាមទារឲ្យលោកកឹម សុខា សុំទោសចំពោះពាក្យសំដីនិយាយមិនត្រឹមត្រូវ ទាក់ទិនគុកទួលស្លែងរបស់របបខ្មែរក្រហម។

([4])    តាមរបាយការណ៍ខុមហ្វ្រែលទៅលើប្រព័ន្ធផ្សព្វផ្សាយ។

([5])    មាត្រា៩៥ ក្នុងករណីមានសមាជិក…ឬប្រាសចាកសមាជិកភាពដែលកើតឡើង៦ខែ យ៉ាងតិច មុនចប់នីតិកាល ត្រូវចាត់ការជ្រើសតាំងជំនួសសមាជិកនោះ តាមល័ក្ខខ័ណ្ឌក្នុងបទបញ្ជាផ្ទៃក្នុងរដ្ឋសភា និងក្នុងច្បាប់បោះឆ្នោត។

មាត្រា៧៦: រដ្ឋសភាមានសមាជិកជាតំណាងរាស្រ្តយ៉ាងតិច១២០រូប។

មាត្រា៥១:​ ព្រះរាជាណាចក្រកម្ពុជាអនុវត្តនយោបាយប្រជាធិបតេយ្យសេរីពហុបក្ស។

មាត្រា៧៧: តំណាងរាស្រ្ត អាណត្តិអាជ្ញាបញ្ជាទាំងឡាយត្រូវទុកជាមោឃៈ។

ហេតុ​អ្វី​ត្រូវ​ទៅ​បោះឆ្នោត​ !?

បញ្ចេញមតិ

COMFREL-Cartoon-June 2013-001

Older Entries

ទៅ​លេង​សៀមរាប​

តើ​គួរ​ទៅ​លេង​ឯ​ណា​ខ្លះទៅហ្ន៎?​

SOKRETH RIN

I Write, You Read

ស្រី សិទ្ធិ សួស្ដី ជ័យ

សិរី សេចក្ដីសម្រេច សួស្ដី ជ័យជម្នះ

HERITAGE_KH

Promote cultural heritage in Cambodia for public awareness

Yin Rany / យិន រ៉ានី

When there is a will, then there is a way.

solarooham

4 out of 5 dentists recommend this WordPress.com site

មាន​សង្ឃឹម

ចង់​ឃើញ​ស្នាម​ញញឹម​លើ​ផ្ទៃ​មុខ​មនុស្ស​គ្រប់​គ្នា

Noan Sereiboth

Together for Our Nation

ឃុន សចរិយា

អតីតកាលជាកញ្ចក់ឆ្លុះបញ្ចាំងអនាគត

សំណេរក្មេងតូច

This is a blog where you can read contemporary khmer poetry and short fiction!

Chouk Khmer

...a knowledge bank in Khmer

khmerforkhmernet

ខ្មែររួបរួមគ្នាដើម្បីកសាងសង្គមជាតិដ៏ល្អប្រសើរមួយសំរាប់ខ្មែរគ្រប់គ្នា

ម៉ាំប្រហុក

កាន់តែរៀនកាន់តែល្ងង់ The more you learn the more you become ignorant

វាយោស្រុកស្រែ

ជំនោរ រសាត់ រសាប់រសល់ រសេះរសោះ​ រសេមរសាម

ស៊ូសុធារី

ការចែករំលែករបស់ខ្ញុំទៅកាន់អ្នក

SSK News

Enjoy all news in our website and keep update with us. From SSK All for Memory (by Saky SSK)

Thea Literature Blog

Just want to write something beneficial for the world.

ជ្រិន សុជាតិ

រក្សាស្នាដៃ និងគំនិតអ្នកប្រាជ្ញ

mcuubu.wordpress.com/

[URL=http://info.flagcounter.com/XivV][IMG]http://s03.flagcounter.com/count/XivV/bg_FFFFFF/txt_000000/border_CCCCCC/columns_2/maxflags_12/viewers_0/labels_0/pageviews_0/flags_0/[/IMG][/URL]

love ٩(●̮̃•)۶ novel

“If you were expecting Prince Charming, I'm sorry. He's with his boyfriend.”

yongieyuki

Reading is the best choice for you

ស្នាមញញឹម

ស្នាមញញឹមរបស់អ្នកជាមហោសថសម្រាប់មនុស្សដែលស្រឡាញ់អ្នក

THE RESURRECTION

Free from the fires of greed. (Pao Chin Theani@ All rights reserved, 2017)

ទេវតាចិត្តល្អ

ឆ្អែតណាក៏មិនស្មើនឹងស្កប់ សុខណាក៍មិនស្មើនឹងស្ងប់

Tola Moeun

Every individual deserves equal rights

Photo Khmer

A fine WordPress.com site

Cheasovann

No One Is Perfect!

ប្លក់សុផាត បន្ទាយមានជ័យ

ជីវិតអ្នកមកពីជនបទ!

A CORNER OF LIFE...

MSNKH

អប់រំ ចែករំលែក បទពិសោធន៍ និង ពតិ៍មាន

It's Me, I and Myself!

It's time to​​ share something. It's just an imagination of the writer but based on the true story somehow...

VM-KH

Free all document to you!

PaHnA

ភាពច្នៃប្រឌិតនៃគំនិតទៅកាន់ភាពពិត Creative blog of Dream come truth

Explorer

Everywhere is learning

Miss. KHEANG

Look up and smile, cause life is beautiful.

សម្រាប់​ខ្មែរ

ព័ត៌មាន, កម្សាន្ត, ចំណេះដឹង​ផ្សេង ៗ ...

Book of Life

What different of the Style-idea????

~XtremeLife~

Live Like It's The Last Day of Life

laroolovely

Smile! You’re at the best WordPress.com site ever

Blogs Of The Day

Just another WordPress.com weblog

%d bloggers like this: