Laws
»»រដ្ឋធម្មនុញ្ញនៃព្រះរាជាណាចក្រកម្ពុជា ឆ្នាំ១៩៩៣, KH-EN-FR
»»ព្រះរាជក្រម ប្រកាសឱ្យប្រើ ច្បាប់ស្តីពី ការអនុវត្តក្រមរដ្ឋប្បវេណី (ព្រះហស្តលេខា ៣១ ឧសភា ២០១១) -Promulgate of law on enforcement of Civil Code; May 31, 2011
»»ព្រះរាជក្រម ប្រកាសឱ្យប្រើ ក្រមរដ្ឋប្បវេណី (០៨ ធ្នូ ២០០៧) -Promulgate of Law on Civil Code; December 8, 2007
»»ព្រះរាជក្រម ប្រកាសឱ្យប្រើ ក្រមនីតិវិធីរដ្ឋប្បវេណី (០៦ កក្កដា ២០០៦) -Promulgate of Law on Procedure Civil Code, July 6, 2006
»»ក្រមព្រហ្មទណ្ឌនៃព្រះរាជាណាចក្រកម្ពុជា ឆ្នាំ២០០៩
»»ព្រះរាជក្រម ប្រកាសឱ្យប្រើ ក្រមនីតិវិធីព្រហ្មទណ្ឌ នៃព្រះរាជាណាចក្រកម្ពុជា (១០ សីហា ២០០៧)- Code of Criminal Procedure of the Kingdom of Cambodia
»»ច្បាប់ស្តីពី សញ្ជាតិ (០៩ តុលា ១៩៩៦) -Law on Nationality. October 9, 1996
Special Selection -សម្រាំងពិសេស
- ក្រមរដ្ឋប្បវេណី ភាគ១ ៖ មូលដ្ឋាននៃបញ្ញត្តិទូទៅ និងសិទ្ធិប្រត្យក្ស (ខែមីនា ឆ្នាំ២០១២)
- ក្រមរដ្ឋប្បវេណី ភាគ២ ៖ មូលដ្ឋាននៃបញ្ញត្តិទូទៅនៃកាតព្វកិច្ច (ខែមីនា ឆ្នាំ២០១២)
- ក្រមរដ្ឋប្បវេណី ភាគ៣ ៖ មូលដ្ឋាននៃនីតិកិច្ចសន្យា (ខែមីនា ឆ្នាំ២០១២)
- ក្រមរដ្ឋប្បវេណី ភាគ៤ ៖ មូលដ្ឋាននៃកាតព្វកិច្ចដែលកំណត់ដោយច្បាប់ (ខែមីនា ឆ្នាំ២០១២)
- ក្រមរដ្ឋប្បវេណី ភាគ៥ ៖ មូលដ្ឋាននៃប្រាតិភោគ (ខែមីនា ឆ្នាំ២០១២)
»»The Essential Law Dictionary, Amy Hackney Blackwell, Sourcebooks, Inc, Illinois, 2008
»»French Civil Code in English, Georges ROUHETTE, Professor of Law, with the assistant of Dr Anne ROUHETTE-BERTON, Assistant Professor of English – 2006
មករា 21, 2013 @ 09:06:38
បងសុភក្ត្រ័ខ្ញុំមានចម្ងល់អំពីបញ្ហាច្បាប់មូយចំនួនទាក់ទងនឹង-ពាក្យថាអាណាព្យាបាលទូទៅវាខុសគ្នាហនឹង ហិតូបត្ថម្ភកៈ និងអាណាព្យាបាលសំរាប់អនីតិជន ដូចម្តេចដែរ ខ្ញុំមើលក្រមរដ្ឋប្បវេណីអត់យល់ទេបង ខ្ញុំឆ្ងល់ថាហេតុអីបានជាច្បាប់ចាំបាច់បែងចែកពាក្យទាំងនេះធ្វើអី ព្រោះថាបុគ្គលទាំងនេះមានតូនាទីគ្រប់គ្រង មើលថែររក្សាដូចគ្នា ហើយម្យ៉ាងវិញទៀតច្បាប់មិនតម្រូវអោយបុគ្គលម្នាក់មានទាំងអាណាព្យាបាលទូទៅ ផង ហិតូបត្ដម្ភកៈ ផង និងអាណាព្យាបាលផង ។ខ្ញុំច្របូកច្របល់អស់ហើយសូមបងជួយបង្ហាញផង។ វានឹងមានផលវិបាកនៅពេលអនីតិជន ឬបុគ្គលផ្សេងទៀតដាក់ពាក្យបណ្តឹង មិនដឹងថាបុគ្គលណាជាអ្នកតំណាងដែលច្បាប់បានកំណត់ -បុគ្គលណាជាអ្នកតំណាងពិសេសនៅក្នុងរឿងដាក់ពាក្យបណ្តឹងនោះទេ ហើយចុះវាពាក់ពន្ធ័ទៅនឹងអាណាព្យាបាលខាងលើអត់?
មករា 21, 2013 @ 12:02:32
សួស្តី Sokny Nguon,
ខ្ញុំមិនប្រាកដថា ការបកស្រាយ តាមរយៈសំណេររបស់ខ្ញុំ អាចជួយដល់ការយល់ក្នុងផ្លូវច្បាប់ ដល់ Sokny បានច្រើន ឬតិចទេ។ ចម្ងល់ របស់ Sokny ផ្តោតលើ ពាក្យគន្លឹះ«អាណាព្យាបាល» «ហិតូបត្ថម្ភកៈ» «អនីតិជន» និង «ការដាក់ពាក្យបណ្តឹង» ខ្ញុំមិនប្រាកដថា Sokny ធ្លាប់សិក្សាផ្នែកច្បាប់ខ្លះអត់ ? ទើប ការបកស្រាយ ខាងក្រោម អាចទូទៅ បន្តិច …
សូមព្យាយាមយល់ នូវមូលដ្ឋានមូយចំនួនសិន មុននឹងចូលដល់ការយល់ ស៊ីជម្រៅ។ តាមសន្ទានុក្រមរដ្ឋប្បវេណី (ចំ. ១៩៨) ពាក្យ «អាណាព្យាបាល» ត្រូវបានពន្យល់ថាជា ការគ្រប់គ្រង បីបាច់ថែរក្សា ទ្រព្យសម្បត្តិ រូបកាយ របស់ អនីតិជន ដែលគ្មានអ្នកអនុវត្តអំណាចមេបា ឬរបស់ អសមត្ថជន។ តាមមាត្រា ២៤ នៃក្រមរដ្ឋប្បវេណី អាណា ព្យាបាលទូទៅ ចាប់ផ្តើម ចំពោះជនដែលស្ថិតក្នង«ស្ថានភាព ជានិរន្តរ៍ ដែលខ្វះសមត្ថភាពក្នុងការយល់ដឹង» និងវិនិច្ឆ័យ អំពីលទ្ធផល តាមផ្លូវច្បាប់នៃសកម្មភាព របស់ខ្លួន ដោយសារមានវិបត្តិស្មារតី តុលាការអាចប្រកាស ការចាប់ផ្តើម អាណាព្យាបាលទូទៅ តាមពាក្យសុំរបស់ សាមីខ្លួន(មានអាយុលើសពី១៥ឆ្នាំ) សហព័ទ្ធ ញាតិដែលស្ថិតក្នុង ៤ថ្នាក់ អ្នកអាណាព្យាបាល សម្រាប់អនីតិជន អ្នកត្រួតពិនិត្យ អ្នកអាណាព្យាបាល សម្រាប់អនីតិជន ហិតូបត្ថម្ភកៈ មេឃុំ ចៅសង្កាត់ នៃលំនៅដ្ឋាន របស់ជននោះ ឬតំណាងអយ្យការ។
ពាក្យគន្លឺះ គឺ ជនដែលស្ថិតក្រោម អាណាព្យាបាលទូទៅ មានស្ថានភាពខ្វះសមត្ថភាពជានិរន្តរ៍ ក្នុងការយល់ដឹង និងវិនិច្ឆ័យតាមផ្លូវច្បាប់នៃសកម្មភាពរបស់ខ្លួន…
«ហិតូបត្ថម្ភ» (ចំ. ១៧១) ជា ការគ្រប់គ្រងលើជនដែលមានសមត្ថភាពតិចតួច ពេកក្នុងការយល់ដឹង និងវិនិច្ឆ័យ អំពីលទ្ធផល តាមផ្លូវច្បាប់ នៃសកម្មភាពរបស់ខ្លួន ដោយសារមាន វិបត្តិផ្នែកបញ្ញាស្មារតី។ មាត្រា ២៨ នៃក្រមរដ្ឋប្បវេណី «ហិតូបត្ថម្ភ» ចាប់ផ្តើមចំពោះជនដែលមាន «សមត្ថភាពតិចតួចពេក ក្នុងការយល់ដឹង» និងវិនិច្ឆ័យអំពីលទ្ធផលតាមផ្លូវច្បាប់ នៃសកម្មភាពបស់ខ្លួន ដោយសារមានវិបត្តិផ្នែកបញ្ញាស្មារតី… មាត្រា ៣០ នៃក្រមរដ្ឋប្បវេណី បានប្រកាសលុបចោលសិទ្ធិធ្វើសកម្មភាពរបស់ ជនស្ថិតក្រោមហិតូបត្ថម្ភ ដូចជា ការទទួល និងការប្រើប្រាស់ទុន ការខ្ចីទ្រព្យ ឬការធានា ការធ្វើសកម្មភាពដែលមានគោលបំណងទទួលបាន ឬធ្វើអោយបាត់បង់សិទ្ធិទាក់ទងនឹងអចលនវត្ថុ ឬទ្រព្យសម្បត្តិដែលមានសារសំខាន់ផ្សេងទៀត ការធ្វើសកម្មភាពបណ្តឹង ការធ្វើប្រទានកម្ម ឬធ្វើកិច្ចសន្យាស្រុះស្រួល ឬកិច្ចសន្យាមជ្ឈត្តកម្ម ការទទួលស្គាល់នូវសន្តតិកម្ម ឬការបោះបង់ចោលនូវសិទ្ធិសន្តតិកម្ម ឬការបែងចែកនូវមត៌ក ការប្រកែកមិនទទួលប្រទានកម្ម ឬអច្ច័យទាន ឬការយល់ព្រមទទួលនូវប្រទានកម្ម ឬអច្ច័យទានដែលភ្ជាប់បន្ទុក ការសាងសង់សំណងថ្មី ការសង់ឡើងវិញ ការសង់បន្ថែម ឬការជូសជុលធំ ការធ្វើភតិសន្យា…
បញ្ជាក់ ៖ ទាំង ជនស្ថិតក្រោមអាណាព្យាបាលទូទៅ ឬហិតូបត្ថម្ភ និងអាណាព្យាបាលទូទៅ ឬ ហិតូបត្ថម្ភកៈ ត្រូវប្រកាសដោយ តុលាការ មិនមែនទទួលបានដោយស្ងៀមស្ងាត់ទេ។
ដោយឡែក តាមសន្ទានុក្រមដដែល «អំណាចមេបា» (ចំ. ២០៣) ជា សិទ្ធិ និងករណីកិច្ចក្នុងការបីបាច់ថែរក្សាកូន ដែលជា អនីតិជន និងគ្រប់គ្រងលើទ្រព្យសម្បត្តិរបស់ កូននោះ។ ក្រមរដ្ឋប្បវេណី (ម. ១៧) «អនីតិជន» សំដៅដល់ ជនដែលមានអាយុក្រោម ១៨ ឆ្នាំ។ មាត្រា ២១ នៃក្រមរដ្ឋប្បវេណី ក្នុងករណីដែល អនីតិជន មានអាយុ ១៦ឆ្នាំ អាចទ្រទ្រង់ជីវភាពខ្លួនឯងដោយឯករាជ្យ អនីតិជន អាចស្នើសុំ អត្តាធីនភាព ទៅ តុលាការ ឬ ទទួលបាន អត្តធីនភាព ដោយគ្រាន់តែ បានរៀបអាពាហ៍ពិពាហ៍ តាមផ្លូវច្បាប់ (មិនចាំបាច់មានការប្រកាសទទួលស្គាល់ អត្តធីនភាព ពីតុលាការទេ)។
សម្រាប់ការ ប្តឹង ៖ បុគ្គលដែលទាក់ទងនឹងផលប្រយោជន៍នៃកម្មវត្ថុបណ្តឹង រួមទាំង អនីតិជន សុទ្ធតែ អាចប្តឹងបាន។ អាណាព្យាបាលទូទៅ និង ហិតូបត្ថម្ភកៈ មានប្រកាសសាលក្រម របស់តុលាការអះអាងពី ឋានៈផ្លូវច្បាប់របស់ ពួកគេ។
មករា 25, 2013 @ 09:23:59
អគុណបងសំរាប់ការឆ្លើយតប!