My Photos Contest

Today Canon and I Qlick commenced a Photo Contest 2013 in Phnom Penh, Cambodia. I was one of six hundred contestants from across nations. I have submitted two photos for scoring. I did not mark by the committee at all but I feel and inspired of photograph that not just a prize.

Hope you will love it ! ^.^

ថតកុនថ្ងៃ​ចុងក្រោយ

ថ្ងៃទី២១ ខែមេសា ឆ្នាំ២០១៣ ជាថ្ងៃចុងក្រោយ ​៖ យើង​ខកខាន​ ក្នុងការថត​ទេសភាព​​ថ្ងៃរះ ព្រោះ​យើង​ចេញ​ដំណើរ​​​ពី​កន្លែងស្នាក់​ម៉ោង ៦ព្រឹកហើយ។ ផែន​ការ​បន្ទាប់​ ដែល​មិនអាច​ខកខានបាន គឺ​ស្វែងរក​ ទេរទឹកពុះ ដើម្បី​ថត​បញ្ជាក់ទីតាំង​ ខេត្ត​កំពង់ស្ពឺ។ ក្រោយ​ញាំអាហារព្រឹក​រួច យើងបាន​ទៅដល់ ទេរ​ទឹកពុះ ម៉ោង​ ៨ព្រឹក។ អ្នកដឹកនាំរឿង បាន​សាក​សួរផ្លូវ អ្នកភូមិ ដើម្បីស្វែងរក ទេរទឹកពុះ ពេលទៅដល់ គាត់បាន ចូលបួងសួង សុំ​សេចក្តីសុខសប្បាយ។ យើង​បានផ្តិត​រូបភាព ទេរទឹកពុះ ដោយ​ហ្មត់ចត់ ហើយ ខ្ញុំ​ឆ្លៀត ​សុំថតរូបក្រុមការងារ​ទាំងអស់គ្នា មួយ ប៉ុស្តិ៍ (កុំអីអត់)។

 

ថ្ងៃនេះ ការងារ ថតកុន រឿង​ «បំណងខ្ញុំ» កាន់​តែ​​​តានតឹង​​​ ព្រោះ​ជាថ្ងៃចុងក្រោយ។ ការងារ​ថត​របស់​យើង​ត្រូវ​ប្រឈមនឹង​ពេលវេលា រួម​ទាំងកំដៅថ្ងៃ។ ថ្ងៃ​ក្តៅ​ធ្វើ​អោយ​ពន្លឺ​នៅក្នុង​សាច់រឿង​​ប្រែជា​ឆេះ​យ៉ាងងាយ គួបផ្សំ តួ​អង្គរបស់យើង ត្រូវ​ឈរក្រោម​កំដៅថ្ងៃ មុខឡើង​ ស្ងួត​អស់ (ញញឹម​លែងសម)។ ទោះបី​យ៉ាងណា តួសម្តែង ដែលជា ជន​ជាតិ​ដើម​ភាគតិច សួយ ខំប្រឹង​កាន់តែខ្លាំង មិនរួញរា នឹងកំដៅថ្ងៃឡើយ ធ្វើអោយខ្ញុំ​រំភើបមែនទែន។ ខ្ញុំ​រឹតតែអាណិត ពួក​គាត់​​ដែល ខំប្រឹង​អាន ប៉ារោល វែងៗ របស់​យើង យ៉ាងលំបាក ដោយមិន​បាន​ត្អួញត្អែរ មួយម៉ាត់ តែក្រុមការងារយើង បែរជា​ស្រែក គំហក​ដាក់ពួកគាត់ តាម​របៀប អ្នកជំនាញ ដែលភ្លេចគិតថា ពួកគាត់ ខំប្រឹង​អស់ពី សមត្ថភាពហើយ។ ខ្ញុំ​សង្កេតឃើញថា ពួកគាត់ ខំទន្ទេញ​ប៉ារោល ខ្មែរដែលជា ភាសា​ទីពីរ របស់​គា​ត់ យ៉ាងលំបាកលំបិន។ លំបាកដោយសារ គាត់ត្រូវព្យាយាម​យល់ន័យ​ ឃ្លាសន្ទនា ជាភាសា​សួយ សិន បន្ទាប់មក គាត់​ត្រូវ​ និយាយចេញ ជា​ភាសា​ខ្មែរ​វិញ។ ​តួអង្គសំខាន់ម្នាក់ វ័យប្រហែល ៨១ឆ្នាំ បាន​ទន្ទេញ​ប៉ារោយ និងសម្តែង​ ក្រោមកំដៅថ្ងៃ យ៉ាង​យកចិត្ត​ទុកដាក់​ តែគាត់បែកអារម្មណ៍ ​ភ្លេច​ពាក្យ​សន្ទនា ដោយសារ ឃ្លាន​បាយ​ផង ក្តៅផង អ្នកមើល​ច្រើនផង… ខ្ញុំ​ស្ទើរតែ កាត់​ប្លង់គាត់ចោលហើយ ដោយសារ តែឃើញគាត់​ព្យាយាម ហើយ​តូចចិត្ត​ខ្លួនឯងពេក ដែល​មិនចាំពាក្យសន្ទនា។ អ្នកដឹកនាំ​រឿង សម្រេច​ប្រើបច្ចេកទេស​ កាត់ត ប្លង់ និងពាក្យសន្ទនា​ដ៏វែង​របស់គាត់ ដើម្បីសង្រ្គោះ​ប្លង់។

ដោយសារ​យើងជា អ្នកមានបេះដូង ស្រឡាញ់​សិល្បះ​​ដូចគ្នា ម្នាក់ៗ​ ហាក់​យល់ពី ការលំបាក​ក្នុងការថត​កុនលើកនេះ ហើយ​​អាច​សម្រេចប្លង់ចុងក្រោយ​ បាន​ដោយ​ស្នាមញញឹម (បើ​នៅបន្តិចទៀត អាចមាន​អ្នក​យំ មិនខាន)… យើងចាក​ពី​ សហគមន៍​ដោយក្តីនឹករលឹក និងថ្លែងអំណរគុណ​ ចំពោះ​កិច្ចសហ​ការណ៍​​សម្របសម្រួល​ ទីកន្លែងថត តួសម្តែង សម្ភារៈ​ថត និងអាហារ​បែបជនជាតិ… ពលរដ្ឋ​សហគមន៍​ជនជាតិដើមភាគតិច​សួយ ពិតជា គួរអោយ​រាប់​អានណាស់…

 

ពេល​មកដល់ ភ្នំពេញ អ្នកដឹកនាំរឿង SOUNG Sina (Thanna) បាន​រៀបចំកម្មវិធី អាហារពេល​ល្ងាច ​ទទួល​ក្រុមការងារ មុនពេល​បែកគ្នា តែយាយទៅ គាត់​ទទួល​​រាប់រង ថ្លៃអាហារ​តាំង​ពីម្សិលមិញ​ រហូតដល់ ថ្ងៃនេះ (មេល្អ​ មែន !)។ គាត់ស្អាត​ ហើយចិត្តល្អទៀត ខ្ញុំ​សំណាង ហើយ​រីករាយណាស់​ ដែល​បាន សហការណ៍ ផលិត​វិដេអូ​អប់រំ ជាមួយគាត់ លើកនេះ។ ក្រុមការងារគាត់ ក៏គួរអោយរាប់អាន ទាំងអស់ (មាន​តារាចម្រៀង​មួយទៀត) សង្ឃឹមថា នឹងមាន​ឪកាស​​បានសហការណ៍​គ្នា​ផលិត លើកក្រោយទៀត។ តែត្រូវរង់ចាំ​មើល​ ផលិតផល​សម្រេចសិនដែរ សង្ឃឹមថា នឹង​ចេញមក ល្អ​ ដូចការ​រំពឹងទុក។

ដំណឹងអាក្រក់ ៖ រូបថតសកម្មភាព​ ដែល​​ថតបាន​​ថ្ងៃនេះ រលាយអស់អាលីងហើយ ដោយសារមេរោគស៊ីអស់។ គ្រាន់តែ​ដាក់ Memory Card ចូលទៅ ក្នុង​កុំព្យូទ័រ របស់​ក្រុមការងារ​ម្នាក់ ដើម្បី គាត់ប្រមូលរូបថត គាត់ បែរត្រូវមេរោគ ស៊ីអស់ ត្រឹម​តែ ៤៥ វិនាទី។ ដំបូង រូបភាព លោតចេញមក តែក៏ត្រូវបាត់ ម្តងមួយ រហូតដល់អស់។ សង្ឃឹមថា នឹងមាន​កម្មវិធី សង្គ្រោះ​ រូបភាព បានមកវិញ ស្តាយ​រូបថត​ក្រុមការងារ ទើបថត ជុំគ្នា​ បានមួយបុស្តិ៍​ផង។ មកពី អ្នក​ដឹកនាំ​រឿង ហ្នឹង ! សុំ​ថត ជុំគ្នា​តាំងពីម្សិលមិញ ចេះតែថា អត់ទាន់ ! អាលូវ ថតបាន បែរជា អស់ ដដែល… ខ្ញុំ​សាកសួរ មិត្ត​ អាយធី ​របស់ខ្ញុំរួចហើយ ថាអាចសង្គ្រោះបាន។

 

(បច្ចុប្បន្នភាព ថ្ងៃទី​២២ ខែ​មេសា ឆ្នាំ២០១៣) ដំណឹងល្អ ៖ រូបថត ដែលត្រូវបាន​មេរោគ ស៊ី ពេលខ្ញុំ​ ផ្ទេររូប ដោយការបញ្ចូល​ Memory Card ទៅក្នុង កុំព្យូទ័រ របស់​ មិត្ត​រួមការងារ​ម្នាក់ ​ពេលនេះ អាចសង្រ្គោះ​បាន​វិញហើយ។ នេះ​រូបថត រួម គ្នា​របស់ក្រុមការងារយើង (ទើប​ទទួលបាន ពី អ្នក​ដឹកនាំរឿង)… សូមកុំភ្លេចរង់ចាំ ទស្សនា ល្ខោនអប់រំ រឿង «បំណងខ្ញុំ» សម្តែង ដោយ​ សហគមន៍​ជន​ជាតិ​ដើម​ភាគតិច​ សួយ ស្រុកឪរ៉ាល់ ខេត្ត​កំពង់ស្ពឺ ក្នុងពេល​ឆាប់ៗនេះ។

រួម​​ការ​ងារ​​ជា​មួយ​​តារា

នរណាដឹងថា ម្ចាស់ផលិត​កម្ម​និយាយ​មែន !? ម្សិលមិញ ​នៅលើ រថយន្ត​ត្រឡប់មក ទីរួម​ខេត្ត​វិញ ម្ចាស់​ក្រុមហ៊ុន​ថតស្ប៉ត​ បានប្រាប់ថា ថ្ងៃនេះ នឹង​មាន អ្នកចម្រៀង ​(កញ្ញា តាក់ ម៉ា) ដែល​យើង​កំពុងស្តាប់បទ​ចម្រៀង​របស់នាង នឹងមកជួយថតយើង។ ព្រឹកឡើង​ខ្ញុំបាន​ជួប​នឹង​ កាម៉េរ៉ា​ស្រ្តី ម្នាក់​មុខម៉ាត់​ស្រដៀង អ្នក​ចម្រៀង​ តាក់ ម៉ា។ ខ្ញុំ​មើល​អត់ស្គាល់ ព្រោះ​ តារា អី​ ​ដូចជា សាមញ្ញ ពេក ? ខ្ញុំ​ព្រម​ជឿថា ពិតជា តាក់ ម៉ា មែន​រហូតទាល់​តែ ​មិត្តភក្តិ​ដែល​ខ្ញុំទុកចិត្ត​បញ្ជាក់​ច្រើននាក់ ទើបខ្ញុំព្រមជឿថា ពិតជា អ្នកចម្រៀងមែនមែន។ បើតាមការ​រៀបរាប់​ របស់​ ផលិត​ករផលិតស្ប៉ត បាន​អោយដឹងថា តាក់​ ម៉ា ធ្លាប់ទៅរៀន Film Producer ដល់​ប្រទេស​អង់គ្លេស។ ពិតជា គួរ​អោយសរសើរមែន ដែល​តារាចម្រៀងខ្មែរ មានសាវតា​ ល្អៗចឹង ហើយ​រឹត​តែ​ មោទនភាព​ជំនួស​នាង ពេលដែល យើង​ចុះថត នៅ ភូមិពុទ្រា ឃុំត្រពាំងជោ ស្រុកឪរ៉ាល់ ខេត្ត​កំពង់ស្ពឺ ​ហើយ​​ចូល​គេងនៅ​ទីរួម​ខេត្តកំពង់ស្ពឺ ​អ្នកធ្លាប់ស្គាល់នាង តែងសរសើរថា តាក់ ម៉ា ជាមនុស្សសាមញ្ញ រាក់ទាក់…។ មុនពេល​ត្រឡប់មកទីរួមខេត្ត​វិញ ខ្ញុំបាន ស្ទាក​ថតរូប​ ជាមួយ គាត់បាន​មួយប៉ុស្តិ៍​ដែរ។ ខ្ញុំ​មិនមែនជា ចៃ​តារា ទេ តែ​ឃើញថា គាត់​គួរ​អោយ​រាប់អាន​ទើប​សុំគាត់ថត​ជាមួយ។

តាមពិត ថ្ងៃនេះ​ក្រុមការងារ​យើង ពិតជា ហត់សម្បើមណាស់ ហើយ​អ្នក​ដែល​ហត់ខ្លាំងជាងគេ គឺ ផលិតករហ្នឹងឯង ព្រោះ ពេលល្ងាចមិញ ខ្ញុំ​កត់ សម្គាល់ ឃើញគាត់ ម៉ែញ​ធ្មេញ​សស្ញាញ​ ដាក់គេគ្រប់គ្នា ដោយសារ​តែ ​ប្លង់ថត​ដែល​បាន​គ្រោង​ទុក​សល់​ច្រើនពេក។ មិនអាច​បន្ទោស អ្នកណាបានទេ ព្រោះ តួសម្តែង ​របស់យើង សុទ្ធតែជា ជនជាតិ​ដើមភាគតិច សួយ ដែលគ្រាន់តែធ្លាប់ សម្តែងល្ខោនសហគមន៍ ដល់មក សម្តែង​វិដេអូ ចឹង ត្រូវការពេលវេលា​ ​ការលើកទឹកចិត្ត និងភាពអត់ធ្មត់​បន្តិច។ ពួកគាត់​ពិតជា ខំប្រឹងប្រែងណាស់ លេងកាន់តែ យូរ កាន់តែល្អ ដូចអ្នកអាជីពចឹង។ ផ្លូវ​ក៏ឆ្ងាយ ឡាន​ក៏ដឹក ក្រុម ការងារ​ឡើងណែន គ្រប់គ្នា​​ចុកខ្នង​ចង្កេះ… តែទ្រាំទៅ ស្អែកបានទៅភ្នំពេញវិញហើយ… រាត្រី​សួស្តី ព្រោះស្អែក ត្រូវ​ក្រោកពីព្រលឹម​ទៅថត​ទៀតផង…

Happy Khmer New Year

Valentine Day 2013

Funeral Parade of King Sihanouk, Feb 1st 2013

Election Cartoon -January 2013

A Part from IHD 2012

A passenger traffic accident occured during Human Right march and passed the Russian Federation Blvd corner Monivong Blvd.

The 64th Human Rights Day -December 10th, 2012 – of the Cambodian CSOs and Worker Union conducted a marching freely in Phnom Penh City under the monitor of authorities. The march gathered a common line of approximately 5000 supporters, in direction start from Olympic Stadium to Freedom Park (3Km). That was very difference from ASEAN delegation which had block the road for several minutes when and where a parade will pass but CSOs marching was allows passenger do traffic before or after ONE minute of event. Unfortunately, there was a traffic accident during CSOs march and reached the Russian Federation Blvd corner Monivong Blvd.

More photos : A Part from International Human Rights Day 2012 – The Expose

 

Story Telling -001

A Story telling Photography is describing actions in a series of photos which could stay in the same composition.

ពណ៌នា​​ដំណើរ​រឿង​តាម​​រូបភាព គឺជា​​ការ​​បង្ហាញ​សកម្មភាព​​បែប​ពណ៌នា ទៅក្នុង​​រូបភាព​ជា ឈុត ដែល​​ត្រូវតែ​​ប្រកាន់​យក  សមាសភាព​​ដូចគ្នា។

 

Sokha Hotel Phnom Penh and Kids

@sopheaksrey, the Expose

The development of Cambodia still questions relating to reasonable compensate and in advance repay to vulnerable people affected by  development side. The daily life of Islam People village located near the Sokha Resort construction site on Chroy Chang Va Peninsula sooner will be strongly impact and affect by development, what about the kids. More Photos display on The Expose